Թագուհին և ձին ընդդեմ թագուհու և փղի: Ո՞ր կողմը կհաղթի:
Թագուհին և ձին ընդդեմ թագուհու և փղի: Ո՞ր կողմը կհաղթի:
Բոլորն էլ շատ լավ գիտեն, որ թագուհին և ձին ավելի լավ են համագործակցում միմյանց հետ, քան թագուհին և փիղը: Բոլոր փորձառու և ուժեղ շախմատիստները քաջատեղյակ են այս ռազմավարական նրբությանը: Սակայն, ավելի ցածր մակարդակում, չնայած, որ բազմիցս նշվում է այս հասկացության մասին, սակավ փորձառու շախմատիստները չեն կարողանում հասկանալ, թե ԻՆՉՈՒ, և չեն կարողանում օգտվել այդ առավելությունից:
Այսօր կփորձենք լուսաբանել այս թեման և մի քանի լավ օրինակ տրամադրել` օգնելու ձեզ ավելին իմանալ այս ռազմավարական էլեմենտի մասին:
Առաջին հերթին եկե՛ք պատասխանենք մի քանի հարցի:
Ինչո՞ւ է սա կարևոր
Չնայած, որ շախմատը մեր օրերում շատ ավելի հստակ է, այնուամենայնիվ ռազմավարական այս հիմնական գաղափարներին տիրապետելն ու կիրառելը դեռևս շատ օգտակար կարող է լինել: Շնորհիվ դրանց կկարողանաք որոշել, որ դիրքերն են բարենպաստ, և որոնք` ոչ:
Ինչո՞ւ թագուհի+ձի
Այս զույգը հարձակման ժամանակ անթերի է գործում փոքր տարածության վրա ընդդեմ թշնամու արքայի` մատային սպառնալիքներ ստեղծելով:
Երկրորդ թույլ կողմի կարևորությունը
Գրեթե բոլոր օրինակներում, որ կուսումնասիրենք, ուժեղ կողմն ունի հավելյալ առավելություն: Դա կարող է լինել անցունակ զինվորը կամ թշնամու արքայի մշտական թուլությունը: Սա շատ կարևոր է, քանի որ դա կարող է հիմնական գործոն հանդիսանալ թագուհի+ձի ընդդեմ թագուհի+փղի դիրքերը ճիշտ գնահատելու համար։
Այժմ եկե՛ք անցնենք հետևյալ օրինակներին`
Առաջին տրամագրում ներկայացված դիրքը վերցրել ենք Կրամնիկ-Գելֆանդ խաղից: Այստեղ Կրամնիկն ունի ավել զինվոր և ավելի ակտիվ դիրք: Կարելի է տեսնել նաև, որ սևերը խնդիր ունեն` կապված իրենց արքայի անվտանգության հետ, և սևերի թագուհին զբաղված է արգելափակելով c զինվորին: Հետքրքիր է տեսնել, թե ինչպես է Կրամնիկը մոռանում իր ավել զինվորի մասին և գնում սևերի արքայի դեմ հարձակման` հաղթանակ ունենալու համար: Այստեղ առկա է թագուհի+ձի զույգը:
Սպիտակների համար սա իդեալական դիրք է: Արգելափակված զինվորային կառույցը հստակ առավելություն է տալիս սպիտակների թեթև խաղաքարին: Սևերի փիղը շատ պասիվ է, և թագուհին ինքնուրույն չի կարող հակահարված զարգացնել: Սակայն, հաղթելու համար սպիտակները դեռ շատ գործ ունեն անելու: Անանդը ճիշտ մարտավարություն է գործի դնում` թագուհուն սպիտակ դաշտերով թշնամու տարածք տեղափոխելու համար: Ձին ավելի ուշ կգնա նույն ճանապարհով:
Տրամագրում ներկայացված դիրքը բավականին հետաքրքիր է և ցուցադրում է ձիու պայքարը փղի դեմ, սակայն ավելի շատ խաղաքարերի ներկայությամբ: Չնայած` դիրքը տարբեր է Անանդի օրինակից, կարելի է տեսնել, թե ինչպես Հակոբյանը կիրառեց նույն գաղափարը` սպիտակ դաշտերով ներխուժելով սպիտակների դիրք: Սա հանգեցրեց սպիտակների արքայի դեմ հարձակման:
Եզրակացություն
Թագուհի+ ձի զույգը, թվում է, թե ինքնին առավելություն չէ: Այս գործոնը առավելության վերածելու համար անհրաժեշտ է ունենալ երկրորդ ազդեցիկ տարրը: Նմանատիպ գործոններ են թշնամու արքայի թուլությունը, անցունակ զինվորները, մի շարք դաշտերի անպաշտպան վիճակը, որոնցով հնարավոր կլինի մուտք գործել:
Հետևաբար, շատ կարևոր է հաշվի առնել այս գործոնները, եթե որոշել եք հաղթել հակառակորդին Թ+Ձ դիրքերում:
