Երկու Փղով մատ
Երկու Փղով մատ
2 Փղով մատը շախմատային մատի մեկ այլ ձև է, որն իրականացնելն իրենից խնդիր է ներկայացնում ակումբային մակարդակի շախմատիստների համար, չնայած, որ այդպես չպետք է լինի: Այս մատի հիմնական իմաստը կենտրոնը գրավելն է 2 Փղով` սեփական Արքայով ստիպելով հակառակորդի Արքային շարժվել դեպի ծայրամաս` մատ հայտարարելով վերջինիս:
Այստեղ նույնպես ունենք 50 քայլի կանոնը, բայց այն այնքան էլ էական չէ, քանի որ այս դեպքում հակառակորդին մատ հայտարարելն ավելի արագ է ստացվում, քան Փիղ+ Արքա կամ Թագուհին ընդդեմ Նավակի դեպքերում:
Ստորև կներկայացնենք քայլ առ քայլ, թե ինչպես կարելի է մատ հայտարարել միայնակ Արքային 2 Փղի օգնությամբ:
Քայլ 1
2 Փղով վերջնախաղում առաջին քայլը՝ փղերով կենտրոնը գրավելն է`d4, d4, e4, e5: Մենք պետք է ստանանք ստորև ներկայացված դիրքը` դնելով փղերին երկար անկյունագծերով h1-a8 և a1-h8: Այնուհետև, դնում ենք Փղերին e4 և d5 վանդակներում` սահմանափակելով սևերի Արքային 12 վանդակում:
Քայլ 2
Այս քայլում մենք տանում ենք մեր Արքային դեպի f5` պատրաստվելով տեղափոխել Փղերին c5 և d5: Մենք պետք է տեղափոխենք Փղերին, որպեսզի սևերի Արքան չկարողանա հարձակվել Փղերից և ոչ մեկի վրա: Այսպիսով, մենք առաջինը տեղափոխում ենք սև վանդակի վրա գտնվող Փղին դեպի c5 և միայն հետո սպիտակ վանդակում գտնվող Փղին դեպի d5 (տեսե՛ք, թե ինչպես են երկու Փիղը հսկում միմյանց և պատ ստեղծում` անհնար դարձնելով սևերի Արքայի համար հարձակվել):
Քայլ 3
Այս քայլում անհրաժեշտ է ձեռք բերել ստորև ներկայացված դիրքը: Անհրաժեշտ է տեղափոխել Արքային e6 և Փղին ևս մեկ անգամ դեպի ձախ` գրավելով b6 և c6: Հիշե՛ք, որ մեր նպատակն է թույլ չտալ սևերի Արքային հարձակվել մեր Փղերի վրա:
Քայլ 4
Հիմա արդեն սևերի Արքան ունի միայն 2 վանդակ` a8 և b8: Մենք մատ ենք հայտարարում սևերի Արքային հետևյալ կերպ` խաղում ենք 19. Փ.d7` սևերի Արքային անկյունում ծուղակը գցելու համար և 19… Ա.a8-ից հետո խաղում ենք 20. Փ.d4, որին հաջորդում է 20…Ա. b8 21.Փ.e5+ Ka8 և վերջապես 21. Փ.c6#:
21-րդ քայլում մենք 2 Փղի օգնությամբ մատ հայտարարեցինք: Հիշե՛ք հիմնական կանոնները` 2 Փղով մատ հայտարարելու համար`
- 2 Փղի օգնությամբ գրավե՛ք խաղատախտակի կենտրոնը` e4, e5, d4, d5,
- Տեղաշարժե՛ք ձեր Արքային դեպի f5,
- Տեղաշարժե՛ք ձեր Փղերին դեպի ձախ` ստիպելով սևերի Արքային գնալ դեպի խաղատախտակի ծայրը,
- Տեղաշարժե՛ք ձեր Արքային դեպի a6 և մատ հայտարարե՛ք սևերի Արքային 2 Փղի օգնությամբ:
Եթե ցանկանում եք տիրապետել այս վերջնախաղին և հաջողության հասնել մրցաշարերում, անհրաժեշտ է պարապել այս վերջնախաղը համակարգչային խաղերի կամ մարդկանց հետ:
