Հանդիպակացության ուժը
Հանդիպակացության ուժը
Եթե ցանկանում եք ավելի շատ դրական արդյունքներ ունենալ, անհրաժեշտ է շատ ժամանակ հատկացնել շախմատային սկզբունքների ուսումնասիրության վրա: Ինչպես ասել է Ստեֆան Գերցադովիչը, «սկզբնախաղերը սկզբնախաղեր են սովորեցնում, վերջնախաղերը` շախմատ»: Այսօր մենք կխոսենք Արքա+զինվոր վերջնախաղերի հավանաբար ամենակարևոր տեխնիկայի մասին` հանդիպակածության ուժի մասին:
Եթե դուք երկար ժամանակ է, ինչ զբաղվում եք շախմատով, ապա հավանաբար լսած կլինեք հետևյալ արտահայտությոնները` «սպիտակները հաղթեցին, քանի որ առկա էր հանդիպակացություն» կամ «հանդիպակացությունը հանգեցրեց ոչ-ոքիի»: Ի՞նչ է այս ամենը նշանակում:
Ավելի պարզ ասած, հանդիպակացություն է կոչվում այն դիրքը, երբ Արքաները բախվում են միմյանց կամ հորիզոնական, կամ ուղղահայաց դիրքերով: Հանդիպակացություն ստեղծելու համար, անհրաժեշտ է, որ նրանց միջև եղած վանդակների քանակը լինի կենտ թիվ:
Ստորև բերված դիագրամում այն կողմը, որն ունի քայլի իրավունք, չունի հանդիպակացություն:
Հանդիպակացությունը տեխնիկա է, որը թույլ է տալիս ներխուժել հակառակորդի սահման` ստիպելով հակառակորդի Արքային նահանջել: Այս տեխնիկան հաճախ կիրառվում է զինվորների առաջխաղացման ժամանակ, ինչպես նաև հակառակորդի զինվորների առաջխաղացումը կանխելիս:
Ստորև բերված դիագրամում սպիտակներն ունեն հանդիպակացություն, և սևերը ստիպված են նահանջել:
ԴԻԱԳՐԱՄ
Մեր հաջորդ օրինակը ցուցադրում է հանդիպակացության կիրառում տեսական տեսանկյունից: Սևերը մեկ զինվոր պակաս են, սակայն, հանդիպակացության ճիշտ կիրառումը կարող է բերել պատային դիրքի, ինչը կփրկի խաղը:
ԴԻԱԳՐԱՄ
Այս օրինակը ցուցադրում է, թե ինչպես են սպիտակներն օգտվում հանդիպակացությունից զինվորի առաջխաղացման համար, ինչպես նաև թույլ չեն տալիս սևերին բռնել զինվորին կամ հանդիպակացություն ձևավորել:
ՍԽԵՄԱ
Հանդիպակացությունը վերջնախաղային հզոր զենք է, եթե, իհարկե, ճիշտ կիրառվի: Իմանալով, թե երբ և ինչպես կարելի է կիրառել այն, դուք կարող եք փրկել խաղը պարտությունից, ինչպես նաև հաղթել այն` ստիպելով հակառակորդի Արքային հեռու մնալ ձեր անցունակ զինվորից:
