ԳԻՐՔ - 2-րդ դասարան

Շախմատը մեզ հայտնի ամենահին խաղերից է։ Նրա հայրենիքը համարվում են Պարսկաստանն ու Հնդկաստանը։ Հայաստանում, որտեղ շախմատ խաղալ սկսել են խաղալ դեռևս 9-րդ դարում, այն անվանել են ճատրակ։

Շախմատի 64 վանդակների բաժանված կախարդական խաղատախտակի վրա մարտնչում են սեւերի և սպիտակների բանակները։ Ամեն մի բանակ կազմված է 8 զինվորից, 2 ձիուց, 2 փղից, 2 նավակից, 1 թագուհուց և, իհարկե, արքայից։

Դուք առաջինը կծանոթանաք հենց արքային՝ ամենակարևոր խաղաքարին։ Այնուհետեւ հերթականությամբ կծանոթանաք մյուս խաղաքարերին, որից հետ կսովորեք շախ տալ եւ մատ անել։ Դուք կհիանաք ձիու ցատկերով, փղի արագ տեղաշարժերով, նավակի իմաստուն քայլերով։ Անկասկած, Դուք կսիրեք թագուհի խաղաքարը, քանի որ այն ամենահզորն է, իսկ թե ինչու՝ կիմանաք լավ սովորելով Ձեր դասերը։

Մենք վստահ ենք, որ դուք լավ կսովորեք, քանի որ կձգտեք նմանվել և նույնիսկ գերազանցել աշխարհի և օլիմպիական չեմպիոններ Տիգրան Պետրոսյանին, Գարրի Կասպարովին, Լեւոն Արոնյանին, Ռաֆայել Վահանյանին, Սմբատ Լպուտյանին, Վլադիմիր Հակոբյանին, Կարեն Ասրյանին, Գաբրիել Սարգսյանին, Սերգեյ Մովսեսյանին, Արտաշես Մինասյանին եւ մեր մյուս տաղանդավոր շախմատիստներին։

Մենք վստահ ենք, որ շախմատը ձեզ համար կլինի ամենասիրելի առարկաներից մեկը, և բոլոր դասերը կյուրացնեք սիրով և հաճույքով։