Շախմատային վերջնախաղեր. եռանկյան կանոն
Շախմատային վերջնախաղեր. եռանկյան կանոն
Այսօրվա թեման եռանկյան կանոնն է: Մենք կներկայացնենք հիմնական տեխնիկան, որը կօգնի հաղթել շախմատային վերջնախաղերի այնպիսի դիրքեր, որոնցում թվում է, թե անհնար է հաջողության հասնել: Եռանկյան կանոնից օգտվելն առավել հարմար է այնպիսի վերջնախաղային դիրքերում, որտեղ դուք ցանկանում եք թուլացնել տեմպը, սակայն պահել դիրքը: Այլ խոսքերով, ձեր քայլը չէ, սակայն հակառակորդի քայլը հաղթական է ձեզ համար:
Միգուցե դուք մտածեք. «Ի՞նչ: Ինչո՞ւ քայլ կորցնել, երբ մենք այդքան համառորեն պայքարում ենք տեմպ ձեռք բերել սկզբնախաղում կամ վերջնախաղում»: Վերջնախաղերը տարբերվում են իրենց էությամբ. երբեմն պարտիան հաղթելու համար անհրաժեշտ է հրաժարվել քայլի հնարավորությունից, որ հակառակորդի Արքային հեռու պահենք կարևոր դաշտից:
Նայե՛ք ստորև ներկայացված դիրքը: Սպիտակները մեկ զինվոր ավել են, սակայն, ցավոք, իրենց հերթն է: Սևերը դիմադրող դիրք ունեն, ինչը նշանակում է, որ սպիտակները չեն կարող բարելավել Արքայի դիրքերը դեպի առաջ: Սպիտակների Արքան պետք է նահանջի: Իրականում սպիտակները ցանկանում են հասնել նույնական դիրքի, բայց սևերի միջոցով: Ահա, այստեղ առաջ է գալիս եռանկյուն հասկացությունը:
Եռանկյան կանոն: Խաղում են սպիտակները:
1. Աe5! Աc6 Թվում է, թե սպիտակները զիջում են ճանապարհը հակառակորդի Արքային` հետ քայլ անելով: Սակայն, իրականում, սա ճարպիկ հնարք է սպիտակների կողմից, ինչը թույլ կտա նրանց հաղթել խաղը` ժամանակավորապես նահանջելով և ռիթմը կորցնելով:
2. Աd4 Աd7 Սևերը չեն կարող խաղալ Աb5, քանի որ սպիտակների Աd5 քայլից հետո սևերի Արքան խաղից դուրս է հայտնվում: Միակ տարբերակը Աd5 է:
3. Աd5! Այժմ սպիտակները առաջնային դիրքում են` սևերի քայլի շնորհիվ: Սևերը Արքայով ստիպված են նահանջել պաշտպանող դաշտերից c6, d6 և e6` թույլ տալով սպիտակներին առաջ գալ: Եթե սևերը փորձեն պահել d6 և e6 դաշտերը`խաղալով Աe7, ապա սպիտակները պարզապես քայլ կանեն զինվորով դեպի c6: Հաղթանակ:
Տվյալ դիրքում քայլը սևերինն է
Տեսե՛ք, թե ինչպես է սպիտակների Արքան եռանկյուն գծում իր վերջին 5 քայլով`d5-e5-d4-e5. Այս պատճառով է տեխնիկան կոչվում եռանկյան կանոն:
3...Աc8
4. Աe6! (նկատե՛ք, որ սպիտակները հենց այնպես չեն խաղում Աd6, քանի որ դա թողնում է հանդիպակացությունը, սպիտակները խաղում են Աe6, ինչը անկյունագծային հանդիպակացություն է ստեղծում)Աd8 :
5. Աd6 Աc8
6. Աe7 Աb8
7. Աd7 Աa8
8. c6 և այսպիսով հաղթելով խաղը:
