Երբ ձին ավելի ուժեղ է, քան փիղը - ChessSchool

Երբ ձին ավելի ուժեղ է, քան փիղը

Երբ ձին ավելի ուժեղ է, քան փիղը

Որպեսզի չհիասթափեցնենք այն շախմատիստներին, ովքեր գերադասում են ձին փղից, ստորև կներկայացնենք այն էլեմենտները, որոնք այս թեթև խաղաքարը վերածում են ուժեղ զենքի: Իհարկե, չկան հստակ կանոններ, թե երբ է պետք պահել ձին և ազատվել փղից: Անհրաժեշտ է գնահատել դիրքը և, մտապահելով որոշ հիմնական մտքեր, որոշել, թե որ թեթև խաղաքարին նախապատվություն տալ:
Այժմ եկեք վերանայենք այն բնորոշ հատկությունները, որոնք ձիուն դարձնում են ավելի ուժեղ, քան փիղն է:
 

  • Փակ դիրքեր: Նմանատիպ կառույցներում փիղն ավելի սահմանափակ ազատություն ունի, մինչդեռ ձին կարող է հեշտությամբ հասնել դիրքի թույլ դաշտին:
  • Կենտրոնական հենակետ: Փակ դիրքում կենտրոնական հենակետը ձիուն կվերածի չափազանց ուժեղ խաղաքարի, որը կվերահսկի ամբողջ խաղատախտակը: Ձին ձեր հակառակորդի համար ավելի վտանգավոր կլինի, եթե նրա դեմ ոչ մի մարտահրավեր չպլանավորվի: Օրինակ, եթե ձեր հակառակորդը սպիտակ դաշտում փիղ ունի, լավ կլինի սև դաշտում հենակետ ստեղծել, և հակառակը:
  • Խաղատախտակին թագուհիների առկայությունը: Ձիերը ավելի լավ են համագործակցում թագուհու հետ, քան փղերը, քանի որ երկու խաղաքարերը լրացնում են միմյանց և ավելի լավ վերահսկում դիրքը: Հարկ է նշել, որ ձի և թագուհի զույգը բավականին ուժեղ զենք է հանդիսանում հակառակորդի արքայի դեմ հարձակման ժամանակ:
  • Անցունակ զինվորին արգելափակելու համար այն լավագույն խաղաքարն է:

Ներկայացնելով այս ուղեցույցը` եկե՛ք այժմ տեսնենք, թե ինչպես են գրոսմայստերները գործնականում օգտվում գերիշխող ձիու առավելությունից: Առաջին օրինակը կլինի երկու հայտնի դասականների` Պետրոսյանի և Բոտվիննիկի խաղը:

Պետրոսյան, Տիգրան-Բոտվիննիկ, Միխայիլ
Մոսկվա 1963 1-0

Հաջորդիվ ևս կներկայացնենք Տիգրան Պետրոսյանի խաղերից, այս անգամ ընդդեմ Ռոբերտ Ուեյդի: Սկզբնական դիրքում սևերը հիանալի խորամանկություն են դրսևորում` խաղարկելու փղերին և մտնելով մի դիրք, որտեղ ձին ավելի ուժեղ է, քան փիղը: Ավելի ուշ խաղը վերածվում է մի վերջնախաղի, որտեղ ձի և թագուհի զույգն իրեն հիանալի է դրսևորում թույլ արքայի դեմ: Մեկ այլ հետքրքիր միտք է զինվորի զոհաբերումը, որ Պետրոսյանը կատարեց` կարևոր հենակետ ձեռք բերելու համար:
 

Ուեյդ,Ռոբերտ-Պետրոսյան, Տիգրան
Բելգրադ 1954 0-1

Հաջորդ խաղը շատ լավ վերջնախաղային օրինակ է, երբ ձին հաջողությամբ արգելափակում է սպիտակների անցունակ զինվորին: Տեսե՛ք, թե ինչպես են սևերը շարունակում առաջ գնալ` դժվարացնելով սպիտակների պաշտպանույթունը:

Էլիսկասես, Էրիխ-Ֆլոհր, Սալո
Զեմերինգ-Բադեն 1937 0-1

Ներկայացնելով այն հիմնական իրավիճակները, որոնցում ձին ավելի ուժեղ է, քան փիղը, հույս ունենք, որ հաջորդ անգամ ձեզ համար ավելի հեշտ կլինի ընտրություն կատարել այս երկու խաղաքարերի միջև: Չնայած, որ յուրաքանչյուր խաղաքար ունի իր ուժեղ և թույլ կողմերը, անհրաժեշտ է հիշել, որ վերջ ի վերջո դիրքն է որոշում դրանց արժեքը:




Նմանատիպ դասեր