Տարադաշտ Փղերի վերջնախաղ
Տարադաշտ Փղերի վերջնախաղ
Բազմիցս փաստել ենք, որ վերջնախաղերը շախմատի կարևորագույն փուլն են իրենցից ներկայացնում, հատկապես ԷԼՈ-ի 2200-ից ցածր գործակից ունեցող շախմատիստների համար: Եթե ձեր հակառակորդն ունի նույն վարկանիշը, ինչ և դուք, հավանականությունը մեծանում է, որ խաղը կգնա դեպի վերջնախաղ:
Այսօրվա թեման տարադաշտ Փղերի վերջնախաղերն են: Այս վերջնախաղն այդքան էլ հաճախ չի հանդիպում, սակայն շատ կարևոր է մրցունակ շախմատիստի համար հասկանալ դրա գաղափարախոսությունը: Անհրաժեշտ է հիշել, որ ցանկացած տարադաշտ փղով վերջնախաղ հակում ունի ավարտվելու ոչ-ոքի: Սակայն, եթե դուք մի քանի զինվոր ավել ունեք, այնքան էլ պարտադիր չէ, որ խաղն ավարտվի ոչ-ոքի: Ճշգրիտ խաղի շնորհիվ կարելի է հասնել ոչ-ոքի արդյունքի մի քանի դիրքերում, նույնիսկ երբ հակառակորդն ունի առավելություն` խաղաքարերի քանակի առումով:
Ստորև բերված դիրքում սպիտակներն ավել են 3 զինվորով սակայն սևերի Արքայի և տարադաշտ Փղերի դիրքերի շնորհիվ այս դիրքը ոչ-ոքի է: Սպիտակները չեն կարող ստիպել սևերի Արքային շարժվել h8 վանդակից և ոչ էլ կարող են առաջ մղել իրենց զինվորներին` պատային դիրքի շնորհիվ:
1.f6 Փxf6+ 2.Աxf6
Դասեր, որ անհրաժեշտ է քաղել այս դիրքից`
1. Հարձակվող կողմի համար. տարադաշտ Փղերի վերջնախաղի ժամանակ փորձե՛ք պահել զինվորներին խաղատախտակի տարբեր կողմերում:
2. Պաշտպանվող կողմի համար. փորձե՛ք ստիպել հակառակորդին պահել իր զինվորները խաղատախտակի մի կողմում միայն:
Սակայն ի՞նչ կլինի, եթե հակառակորդը խաղատախտակի կենտրոնում 2 զինվորով ավել է: Այնուամենայնիվ, այն ոչ-ոքի՞ է, թե ժամանակն է հետ կանգնել և շնորհավորել հակառակորդին հաղթանակի կապակցությամբ: Եկե՛ք վերլուծենք ստորև բերված օրինակը:
1.Աe3 (1.e5+ Փxe5 2.dxe5+ Աxe5=) 1...Փg7 2.Աf4 Փxd4=
Սևերի համար լավագույն պաշտանվողական դիրքը հետևյալն է` Արքա` d6, Փիղ` f6: Այսպիսով և՛ Արքան, և՛ Փիղը վերահսկում են e5 վանդակը, և փոխանակման դեպքում խաղը կավարտվի ոչ-ոքի: Անհրաժեշտ է նկատել, որ f5-ում սևերի Փիղը պահում է d4 զինվորին ճնշման տակ: Սա շատ կարևոր է, քանի որ սպիտակների Արքան չի կարող թույլ տալ նրան գրավել f4 վանդակը:
Եկե՛ք նայենք սևերի Արքայի և Փղի ոչ ճիշտ պաշտպանողական դիրքը:
1.Աc4 Փc7 2.Աd5 Փb8 3.e5+ Աe7 4.Աc6 Աd8 5.Փe6
Չնայած, որ այն անմիջապես չի տանում դեպի պարտություն, սպիտակները վաստակում են նախաձեռնություն և տարածք` իրենց ուժեղ անցունակ զինվորների գործելու համար: Սևերի համար պարտվելու հավանականությունը մեծանում է այս պարագայում:
Այսպիսով, հետագա դժվարություններից խուսափելու համար անհրաժեշտ է ընտրել առաջին «ճիշտ» պաշտպանվողական դիրքը:
