12 ամենակարևոր վերջնախաղային սկզբունք` փորձագետների կողմից
12 ամենակարևոր վերջնախաղային սկզբունք` փորձագետների կողմից
Ստորև կներկայացնենք 12 ամենակարևոր վերջնախաղային սկզբունք, որ անհրաժեշտ է մտապահել խաղերի ժամանակ: Այս սկզբունքների հեղինակներն են փայլուն շախմատիստներ Նիմցովիչը, Կապաբլանկան, Կասպարովը, Բենկոն, Տարրաշը, Բոտվիննիկը և Կոտովը: Նրանք անկասկած վերջնախաղային փորձագետներ են, ովքեր իրենց կյանքը նվիրել են դրանց:
Եկե՛ք ծանոթանանք այդ սկզբունքներին`
«Արքայի շարժունակության ակտիվությունը վերջնախաղային ռազմավարության հիմնական առանձնահատկություններից մեկն է: Միջնախաղերում Արքան քիչ ակտիվություն է ցուցաբերում, քան վերջնախաղերում: Հետևաբար, անհրաժեշտ է զարգացնել այս խաղաքարը` տանելով նրան մարտական գիծ »,-Աարոն Նիմցովիչ:
«Արքան, ով սկզբնախաղում և միջնախաղում հաճախ բեռ է, այն իմաստով, որ պետք է պաշտպանել նրան, վերջնախաղում դառնում է շատ կարևոր խաղաքար, և սկսնակ շախմատիստները պետք է գիտակցեն սա և օգտագործեն Արքային ինչքան հնարավոր է շատ»,-Խոսե-Ռաուլ Կապաբլանկա:
«Երբեմն կարելի է թույլ տալ ոչ ճիշտ քայլ, նույնիսկ սխալ քայլ սկզբնախաղում կամ միջնախաղում` առանց ձեռք բերելու պարտված դիրք: Սակայն, վերջնախաղում սխալ քայլը կարող է որոշիչ լինել, և երկրորդ հնարավորություն հազվադեպ կարող է պատահել»,-Պաուլ Կերես:
«Մեկ նավակով և զինվորներով վերջնախաղը ամենահաճախ հանդիպողն է խաղատախտակի վրա: Սակայն, չնայած, որ դրանք հանդիպում են այդքան հաճախ, միայն քչերն են տիրապետում դրանց ամբողջությամբ: Դրանք հաճախ շատ բարդ են լինում և երբեմն շատ պարզ թվալով` իրականում շատ խճճված են»,- Խոսե-Ռաուլ Կապաբլանկա:
Գրքային տարբերակների 90%-ը իրական արժեք չեն ներկայացնում, որովհետև կամ դրանք սխալներ են պարունակում, կամ հիմնված են թերի ենթադրությունների վրա. մոռացե՛ք սկզբնախաղերի և վերջնախաղերի մասին և անցկացրե՛ք ձեր ողջ ժամանակը վերջնախաղերի ուսումնասիրման վրա»,- Խոսե-Ռաուլ Կապաբլանկա:
«Հայտնի երևույթ է, որ նույն սիրողական շախմատիստը, ով վստահությամբ տանում է միջնախաղը, վերջնախաղում դառնում է անօգնական: Լավ շախմատ խաղալու ամենակարևոր պայմաններից մեկը միջնախաղերին ու վերջնախաղերին հավասարապես տիրապետելն է»,-Աարոն Նիմցովիչ:
Եթե դուք թույլ եք վերջնախաղերում, անհրաժեշտ է շատ ժամանակ հատկացնել տարբեր ուսումնասիրությունների վերլուծություններին: Ձեր ուսումնական խաղերի ժամանակ պետք է ավելի շատ կենտրոնանալ վերջնախաղերի վրա, ինչը կօգնի ձեռք բերել անհրաժեշտ փորձ»,-Միխայիլ Բոտվիննիկ:
«Բոտվիննիկի դպրոցում ես շատ ժամանակ էի հատկացնում Արքա և Զինվոր վերջնախաղին և, հանդիպելով նմանատիպ դիրքերի իմ սեփական խաղերում, կարողանում էի հաղթել, քանի որ ծանոթ էի հաղթած մեթոդին»,-Գարրի Կասպարով:
«Վերջնախաղերին տիրապետել՝ նշանակում է կարողանալ կառավարել կրիտիկական վանդակները` առաջ մղել կամ կասեցնել անցունակ զինվորներին, ձեռքբերումներ ունենալ Արքայի միջոցով, կամ կարողանալ օգտվել մի խաղաքարի գերազանցությունից մյուսի նկատմամբ»,-Պալ Բենկո:
«Նավակ և զինվոր վերջնախաղում նավակը պետք է ագրեսիվ կիրառում ունենա: Այն կամ պետք է հարձակվի թշնամու վրա, կամ պետք է ակտիվորեն աջակցի իր անցունակ զինվորին»,-Զիգբերտ Տարրաշ
«Դուք հավանաբար նկատել եք արդեն, թե ինչքան հաճախ է Կապաբլանկան կրկնում իր քայլերը` հաճախ վերադառնալով այն դիրքերին, որ ունեցել է նախկինում: Սա չի վկայում նրա դանդաղկոտության կամ վճռականույթան բացակայության մասին, այլ վերջնախաղային հիմնական «Մի՛ շտապիր» սկզբունքի կիրառման մասին»,-Ալեքսանդր Կոտով:
«Եթեդուք ուսումնասիրեք վերջնախաղային դասական օրինակները, ապա կտեսնեք, թե ինչպես է Արքան առաջ մղվում ինչքան հնարավոր է շուտ, չնայած, որ չկա դրա հապճեպ անհրաժեշտությունը»,-Ալեքսանդր Կոտով: