Զինվորային եռանկյունի. 5 կարևոր փաստ, որ պետք է հիշել
Զինվորային եռանկյունի. 5 կարևոր փաստ, որ պետք է հիշել
Այսօրվա մեր թեման վերաբերում է զինվորային ամենակարևոր կառույցներից մեկին, և այս դասի շրջանակներում կսովորենք այսպես կոչված զինվորային եռանկյունու հիմունքները: Այս կառույցը շատ սովորական է և կարող է հանդիպել տարբեր միջնախաղերում: Յուրաքանչյուր շախմատիստ պետք է իմանա` ինչ է պետք խաղալ, և ինչ ոչ տվյալ կառույցում:
Եկե՛ք նայենք ստորև բերված դիրքը: f-g-h զինվորները կազմում են սովորական արքայական թևի զինվորային կառույց: Կանաչ զինվորները (b2-b3-c2) այսօրվա մեր քննարկման թեման են` զինվորային եռանկյուն: Զինվորային եռանկյունի են կազմում 2 կամ 3 զինվորները, որոնց առջև կանգնած են կրկրնապատկված զինվորներ:
Եկե՛ք տեսնենք, թե որոնք են զինվորային եռանկյունու բնորոշ հատկությունները:
- Զինվորային եռանկյունին ամուր կառույց է: Այն ավելի պաշտպանված է նավակի հարձակումից, քան այլ ցանկացած զինվորային կառույց: Նայե՛ք ստորև բերված դիրքը. սպիտակների նավակը չի կարող նվաճել զինվորներին առջևից, քանի որ դրանք պաշտպանում են միմյանց: Միակ թույլ b7 զինվորը պաշտպանված է b5 զինվորի կողմից:
- Զինվորային եռանկյունին հնարավոր չէ հեշտությամբ արգելափակել: Տեսե՛ք տրամագիրը. սպիտակների f-g-h զինվորները անշարժացել են: Դրանք չեն կարող շարժվել, քանի որ սևերի զինվորները և նավակը վերահսկում են g4 դաշտը: Մինչդեռ, սևերի զինվորային եռանկյունին կարող է առաջ գնալ c7-c6 և այնուհետև b6-b5:
- Զինվորային եռանկյունին վերահսկում է կենտրոնական զինվորներին շատ ավելի լավ, քան այլ զինվորային կառույց: Ստորև բերված օրինակում սպիտակների համար դժվար է առաջխաղացում ունենալ: Սակայն, սևերը ամբողջությամբ վերահսկում են կենտրոնը և ակտիվանալու համար կարող են խաղալ d6-d5:
- Զինվորային եռանկյունին կայուն կառույց է, սակայն առավելագույնս դրանից օգուտ քաղելու համար, անհրաժեշտ է իմանալ, թե ինչպես այն առաջ տանել: Առաջինը պետք է միշտ առաջ տանել առջևի կրկնապատկված զինվորին: Ստորև բերված տրամագրում զինվորային ճիշտ քայլ է e4-e5:
Ճիշտ քայլ
- Եկե՛ք տեսնենք, թե ինչ կլինի, եթե սխալ քայլ արվի այս դեպքում: Եթե d4-d5 զինվորը առաջ գնա, եռանկյունին կարող է արգելափակվել ձիու կողմից` e5 դաշտում նոր առաջ եկած թուլության պատճառով:
Սխալ քայլ
Եզրակացություն
Շախմատիստների մեծամասնությունը կարծում է, թե զինվորային եռանկյունին իրենից թուլություն է ներկայացնում, քանի որ դրանում առկա է կրկնապատկված զինվոր: Սակայն, այս մոտեցումն այնքան էլ ճշմարիտ չէ այն պարզ պատճառով, որ, ինչպես տեսանք վերը նշված կետերից, զինվորային եռանկյունին ավելի արդյունավետ է վերահսկում կենտրոնական դաշտերը, քան այլ զինվորային կառույցները: Ինչպես նաև, այն շատ ավելի լավ է պաշտպանված նավակի հնարավոր հարձակումներից:
