Թագուհին ընդդեմ Նավակի հայտնի վերջնախաղը
Թագուհին ընդդեմ Նավակի հայտնի վերջնախաղը
2010 թվականի հունվարին Chess Life Magazine-ում գրոսմայստեր Յան Ռոջերսի հրատարակած «Ուղեցույց ծույլերի համար` ուսումնասիրելու վերջնախաղերը» հոդվածի մեջ առաջին վերջնախաղը, որն ուսումնասիրվեց նրա կողմից՝ Թագուհին ընդդեմ Նավակի հայտնի վերջնախաղն էր: Նա պնդում էր, որ հեշտությամբ կարելի է հաղթանակի հասնել թագուհու միջոցով: Այսպիսով՝ մենք որոշեցինք առաջ գնալ և փորձել այս վերջնախաղը ` Chessmaster Grandmaster Edition-ի դեմ` ընտրելով Թագուհուն մեր կողմից և Նավակը համակարգչի կողմից: Մոտ 20 փորձից հետո պարզ դարձավ, որ այս առաջադրանքն անհնար է:
Իրականում, համաձայն ChessBase-ի` շատ շախմատիստներ անկարող են հաղթել համակարգչային կատարյալ պաշտպանության դեմ:
Ուսումնասիրելով Նալիմովի վերջնախաղերի աղյուսակները` կարելի է տեսնել, որ հնարավոր է հաղթել 30 քայլից:
Շատ ուղեցույցներ ցույց են տալիս այն հիմնական դիրքը, որում կարելի է մատ հայտարարել այս հայտնի "Թագուհին ընդդեմ Նավակի" վերջնախաղում, սակայն ինչպես հասնել այդ դիրքին, բացակայում է այդ բոլոր ուղեցույցներում: Նրանք պնդում են, թե շատ հեշտ է հասնել այդ դիրքին, սակայն իրականում պարզվում է, որ դա բավականին բարդ է ընդդեմ կատարյալ պաշտպանության:
Ամենադժվար բանը մարդու մտքի համար՝ հաղթահարելու նմանատիպ վերջնախաղում՝ այսպես կոչված «3-րդ շարքի պաշտպանությունն» է: Այս պաշտպանությունում թույլ կողմը դնում է իր նավակը 3-րդ շարքում`թույլ չտալով հակառակորդի Արքային հարձակվել:
Համաձայն Նալիմովի աղյուսակների` 19-րդ քայլում կա հաղթանակ այս դիրքում` 1. Թ.f4 Ա.d7 2. Թ.a4+ Ա.c7 3.Թ.a7+ Ն.b7 4.Թ.c5+ Ա.b8 5.Ա.d6 Ն.g7 6.Թ.d5 Ն.g6+ 7.Ա.d7 Ն.b6 8.Թ.e4 Ն.b3 9.Թ.e5+ Ա.a7 10.Թ.c5+ Ա.b8 11.Ա.c6 Ն.b7 12.Թ.a5 Ն.b1 13.Թ.e5+ Ա.a7 14.Թ.d4+ Ա.a8 15.Թ.h8+ Ա.a7 16.Թ.h7+ հաղթելով նավակը և խաղը:
Ինչպե՞ս հաղթել "Թագուհին ընդդեմ Նավակի" վերջնախաղը
- Ընդդեմ մարդ հակառակորդի հնարավոր է հաղթել այս վերջնախաղը, եթե թույլ կողմը սխալ պաշտպանություն ընտրի, ինչն էլ կարող է հանգեցնել նավակի նվաճմանը կամ Արքային մատ հայտարարելուն: Այսպիսով, եթե Դուք ուժեղ կողմում եք Թագուհու հետ, ապա պետք է, անկասկած, շարունակել խաղալ և հաղթել հակառակորդին: Եթե Դուք պաշտպանվող կողմն եք, կարող եք հույս ունենալ. Գելֆանդ-Սվիդլեր խաղն ավարտվեց ոչ-ոքիով, ինչպես նաև Մորոզևիչ-Յակովենկո խաղը:
Դուք պետք է փորձեք ստեղծել հետևյալ դիրքը (կամ համաչափ դիրք), ինչը Ձեզ հաղթանակ կպարգևի`
1. Թ.e4+ Ա.g8 2.Թ.a8 Ա.h7 3.Թ.e8 հաղթանակ
Ինչո՞ւ է այդքան դժվար հաղթել Թագուհին ընդդեմ Նավակի վերջնախաղը:
- Ինչպես կարող ենք տեսնել Նալիմովի Աղյուսակներում, 30 քայլից կա մատային դիրք: Մտածե՛ք այդ մասին: Երբեմն շատ դժվար է գտնել մատային դիրք 4-5 քայլից, բայց ահա 30 (!)-ից այն կա: Նշանակում է, անհրաժեշտ է հաշվել հեռակա քայլերը` դա տեսնելու համար:
- Կա նաև 50 քայլով կանոնը, որն առաջադրվել է FIDE-ի և USCF-ի կողմից: Այն հաստատում է, որ, եթե չկա զինվորների քայլ կամ նվաճում 50 քայլերի համար, խաղը կարելի է ոչ-ոքի համարել: Ուժեղ կողմը չի կարող երկրորդ անգամ հաղթել:
Ինչպե՞ս ուսումնասիրել, պարապել այս վերջնախաղը:
Դուք կարող եք ընտրել ձեր նախընտրած համակարգչային շախմատային ծրագիրը և խաղալ թույլ կողմով` փորձելով մատ հայտարարել 50 քայլից: Սա նաև հիանալի վարժություն է` բարելավելու խաղատախտակի ամբողջական տեսական պատկերացումը` հատկապես Նավակ ու Արքա և Թագուհի ու Արքա համակարգումը:
