Շախմատային ռազմավարության մեկ այլ կարևոր տարր է տարադաշտ փղերի առկայությունը խաղատախտակի վրա: Անփորձ շախմատիստները հակված են մտածելու, որ տարադաշտ փղերով ցանկացած դիրք ոչ-ոքի է: Նման մոտեցումը նրանց հաճախ տանում է փոքր դիրքային սխալների:
Օրինակ, նրանք պարզեցնում են խաղը` տանելով այն դեպի տարադաշտ փղերով միջնախաղի կամ վերջնախաղի` առանց հաշվի առնելու այլ գործոններ ևս: Այսօր կներկայացնենք այն հիմնական գաղափարները, որ անհրաժեշտ է մտապահել նմանատիպ դիրքեր խաղալիս:
Եկե՛ք վերանայենք մի քանի հիմնական հասկացություն, որ անհրաժեշտ է հաշվի առնել`
Հաշվի առնելով վերը նշված գործոնները` կդիտարկենք մի քանի խաղ, որոնք կօգնեն ավելի լավ հասկանալ, թե ինչպես է պետք խաղալ նմանատիպ դիրքերում:
Առաջին երկու խաղերը, որ պատրաստվում ենք վերլուծել, միանման դիրքեր են, որոնք ցուցադրել է աշխարհի նախկին չեմպիոն Անատոլի Կարպովը, ով այս ռազմավարության մեծ գիտակ է: Կտեսնենք նմանությունները, և թե ինչպես է Կարպովը կիրառում նույն կաղապարները` խաղը դեպի հաղթանակ տանելու համար: Առաջին հերթին նա իր խաղաքարերը դնում է իդեալական դաշտերում` նույն գույնի, ինչ և իր փիղը: Այնուհետև նա փորձում է ճեղքել e6-e5 (e3-e4) դաշտերը` բացելով e ուղղաձիգը և զարգացնելով իր ծանր խաղաքարերը: Նա համատեղում է այս մտքերը հակառակորդի արքայի դեմ սպառնալիքների հետ b8-h2 (b1-h7) ակնյունագծում: Երկու խաղում էլ տեսնում ենք, որ հակառակորդի արքան պոտենցիալ թիրախ է իր թույլ փոխատեղված դիրքի պատճառով:
Բրագա, Ֆ.- Կարպով, Ա.
Մար դել Պլատա 1982 0-1
Կարպով, Ա. - Կասպարով, Գ.
Մոսկվա 1985 1-0
Հաջորդ երկու խաղը թագուհիներով և տարադաշտ փղերով դիրքերի օրինակներ են: Այդ դեպքում, ինպես ավելի վաղ նշել ենք, արքայի դիրքը ճակատագրական է: Հարձակվող կողմը ձգտում է սպառնալիքներ ստեղծել երկու թևում միաժամանակ` պաշտպանվող կողմի համար ավելի դժվարացնելով վերահսկողությունը: Մենք կտեսնենք, թե ինչպես սպիտակները, սպառնալիքներ ստեղծելով սևերի արքայի համար և կապելով սևերի մյուս խաղաքարերին արքայի պաշտպանությանը, սկսում են հարձակումը թագուհու թևում:
Էլյանով, Պավել-Պաունովից, Դրագան
Անդորա 2003 1-0
Գելֆանդ, Բորիս-Յե, Չանգչուան
ՖԻԴԵ-ի Աշխարհի գավաթ Շենյանգ 2000 1-0
Այս չորս խաղի վերլուծությամբ, հուսով ենք, կարողացանք լուսաբանել այս թեման, և հետագայում կկարողանաք ավելի լավ դրսևորել ձեզ տարադաշտ փղերով դիրքերում: Շատ կարևոր է հիշել հիմնական գաղափարները` նախաձեռնությունը և արքայի դիրքը: Այս երկու գործոնը, հավանաբար, ամենակարևորն են նմանատիպ դիրքերում: