Վերջնախաղ՝ նավակն ու զինվորը ընդդեմ նավակի․ կառուցում ենք կամուրջ
Վերջնախաղ՝ նավակն ու զինվորը ընդդեմ նավակի․ կառուցում ենք կամուրջ
Ինչպես դուք արդեն գիտեք, նավակային վերջնախաղերը ամենահաճախ հանդիպողներն են շախմատում: Վերջնախաղերի մոտ կեսը իրականացվում է Նավակի օգնությամբ: Այսօր մենք կխոսենք մի շատ կարևոր և հաճախ հանդիպող վերջնախաղի մասին` նավակ+զինվոր ընդդեմ նավակի:
Սա այն վերջնախաղն է, որն առավել հայտնի է և դրա բոլոր տարբերակները լավ ուսումնասիրված են: Այդ պատճառով այն համարվում է էլեմենտար վերջնախաղ: Էլեմենտար ասելով՝ նկատի չունենք հեշտ, այլ այն, որ կատարյալ խաղով այս վերջնախաղում կարելի է ձեռք բերել կանխամտածված հաղթանակ, ոչ-ոքի կամ պարտություն: Միգուցե դուք հարցնեք, թե ինչու խաղալ այն վերջնախաղը, որը տեսականորեն պարտելի է ձեզ համար: Շատ լավ հարց է: Քանի որ այն միայն տեսական պարտություն է, պարտության երաշխիքը իրական է կատարյալ աշխարհում` համակարգչային ծրագրի հետ խաղալիս:
Երբ խաղում եք մարդու հետ, միշտ էլ կա սխալների հնարավորություն, ինչը նշանակում է, որ բախտը կարող է ժպտալ ձեզ, և խաղը կարող է ավարտվել ոչ-ոքի: Ինչքան շատ գիտելիք ունենաք վերջնախաղերի վերաբերյալ, այնքան շատ ինքնավստահ կզգաք վերջնախաղեր խաղալիս և հետևաբար լավ արդյունք կցուցաբերեք:
Այսօր մենք կվերլուծենք տեսականորեն հաղթած վերջնախաղը` այսպես կոչված Սալվիո դիրքը: Եկե՛ք նայենք սկզբնական դիրքին`
խաղում են սպիտակները
Սպիտակները մեկ զինվոր ավել են և զինվորն արդեն 7-րդ շարքում է, սակայն սպիտակների Արքան գտնվում է զինվորի դիմաց և չկա զինվորի առաջխաղացման հնարավորություն:
Սևերի Նավակը գրավել է f ուղղաձիգը, ինչը թույլ չի տալիս Արքային ճանապարհ բացել զինվորի համար: Սպիտակների Նավակը գրավել է d ուղղաձիգը` թույլ չտալով սևերի Արքային շարժվել: Սպիտակների հիմնական նպատակը զինվորի առաջխաղացումն է, կամ Նավակների փոխանակումը վանդակներում: Սևերի հիմնական նպատակն է թույլ չտալ զինվորի առաջխաղացումը կամ Նավակի փոխանակումը` սպիտակների Արքային մատ հայտարարելով կամ բռնելով զինվորին:
Խաղում են սևերը
Այսպիսով, ինպե՞ս պետք է վարվեն սպիտակները: Սպիտակները սկսում են մատով սևերի Արքայի նկատմամբ` ստիպելով Արքային հեռանալ զինվորից և հնարավոր դարձնել սպիտակների Արքայի համար d7 դաշտի գրավումը, այնուհետև` c4 դաշտը: Սպիտակների արքան դեգերում է մատային դիրքերում` սևերի Նավակի կողմից e5 դաշտում և վերջ ի վերջո կասեցնում վերջին մատը իր սեփական Նավակով: Այս պարագայում զինվորը կարող է հեշտությամբ առաջ գնալ և խաղը հաղթած է:
Խաղում են սպիտակները
Կանոններ, որ անհրաժեշտ է հիշել` «կամուրջներ կառուցելիս»`
- Հեռու պահե՛ք հակառակորդի Արքային ձեր անցունակ զինվորից,
- Գրավե՛ք c4 դաշտը, որպեսզի հակառակորդի Արքան չկարողանա փախուստի դիմել վանդակից, ինչպես նաև հնարավոր կլինի Նավակի միջոցով կասեցնել մատերը,
- Տեղաշարժե՛ք ձեր Արքան դեպի e5. 3 քայլ կպահանջվի այնտեղ հասնելու համար,
- Միջամտե՛ք վերջին մատը ձեր սեփական Նավակով, երբ ձեր Արքան e5 վանդակի վրա է` ստեղծելով ապահով միջավայր զինվորի առաջխաղացման համար:
Այժմ դուք արդեն ծանոթ եք կամուրջ կառուցելու տեխնիկային` Նավակն ընդդեմ Նավակ+ Զինվոր շախմատային վերջնախաղում: Ժամանակն է գործի դնել ձեր հմտությունները: Կարող եք սկսել առաջնային դիրքով` խաղալով համակարգչի դեմ և հաղթել մի քանի անգամ` վստահություն ձեռք բերելու և այս վերջնախաղերը ավտոմատ կերպով խաղալու համար: Երբ արդեն բավականին վստահ եք այս դրքում, կարող եք տեղաշարժել զինվորը e7-ից f7, g7, d7, c7: Անհրաժեշտ է շարժել մյուս խաղաքարերը նույնպես` նմանատիպ դիրք ստանալու և համաչափություն պահելու համար: Կարո՞ղ եք հաղթել այս վերջնախաղը` զինվորին դնելով այլ դաշտերում?
