Շախմատային 5 սկզբնախաղ, որոնցից պետք է խուսափել
Շախմատային 5 սկզբնախաղ, որոնցից պետք է խուսափել
Բոլորն էլ ցանկանում են իմանալ, թե որն է լավագույն սկզբնախաղը, որը կմեծացնի հաղթանակի հավանականությունը: Սակայն, այսօր մենք կխոսենք այս թեմայի շուրջ բոլորովին այլ տեսանկյունից` 5 ամենավատ սկզբնախաղ, որոնք չպետք է խաղալ: Եթե խաղում եք ստորև ներկայացված սկզբնախաղերը, ապա կարիք կա մտածելու փոխել դրանք:
1. Բարնեսի սկզբնախաղ (1.f3)
Շախմատում կա 20 հնարավոր առաջին քայլ, որոնցից ամենավատը, հավանաբար, 1.f3-ն է: Դրանով Դուք ոչ միայն չեք վերահսկի կենտրոնը, կարգելափակեք f3 դաշտը ձիու համար, թույլ չեք տա զարգացնել խաղաքարերը, այլև այն լրջորեն կթուլացնի արքայի անվտանգությունը: Լավագույն դեպքում սպիտակները կունենան պասիվ դիրք` առանց կենտրոնի վերահսկողության և կարող են մոռանալ որևէ առավելության մասին մոտ ապագայում:
Հնարավոր ընթացքը այսպիսին կարող է լինել` 1.f3 e5 2.Ձh3 d5 3.Ձf2 Ձf6 4.e3 Ձc6 5.Փe2 Փc5 6.0-0 0-0.
Հետևություն` Խորհուրդ չի տրվում ոչ մի մակարդակի շախմատիստի:
2. Ոուերի սկզբնախաղ (1.a4)
Այս քայլը համարվում է դասական վատ սկզբնախաղ, և ցանկացած շախմատիստ, ով խաղում է այն, սկսնակ է: Այս սկզբնախաղի հիմնական գաղափարը a-նավակին ինչքան հնարավոր է շուտ դուրս բերելն է: Անհասկանալի է, թե ինչու հասնել դրան 2-րդ քայլով` հաշվի առնելով, որ 1…e5 պարզ քայլը անմիջապես կարող է վերահսկողություն սահմանել a3 դաշտում: Հնարավոր է վերադասավորվել սկանդինավյանին հակադիր ինչ-որ դիրքի կամ չորս ձիերով խաղի մի տարբերակի, սակայն Դուք մի քանի տեմպ հետ կմնաք:
Սակայն կզարմանաք՝ իմանալով, որ Մագնուս Կարլսենը հաջողությամբ խաղաց այս սկզբնախաղը 2012թ.-ի աշխարհի բլիցի առաջնության ժամանակ` հաղթանակ տանելով Թեյմուր Ռաջաբովի նկատմամբ: Կարլսենի ջանքերը, սակայն, չեն կարող փոխել այս սկզբնախաղի վերաբերյալ ընդհանուր կարծիքը: Այն շարունակում է մնալ վատագույն շախմատային սկզբնախաղերից մեկը:
Հետևություն` Խորհուրդ չի տրվում ոչ մի մակարդակի շախմատիստի:
3. Ամարի սկզբնախաղ (1.Nh3)
Սավիելլի Տարտակովերը այս սկզբնախաղը անվանել է «բացարձակ խենթ և ծիծաղելի», և դժվար է չհամաձայնել նրա հետ: Սպիտակները դիտմամբ զարգացնում են ձին դեպի խաղատախտակի ծայրը` h3 դաշտ` պատրաստվելով կարճ փոխատեղման: Այստեղ սպիտակները բաց են թողնում մի կարևոր փաստ, այն է` սևերի 1…d5 և 2…Փxh3 քայլերից հետո սպիտակների արքայական թևը ամբողջովին կջախջախվի` անիմաստ դարձնելով փոխատեղումը:
Սպիատկներն իրականում կարող են խաղալ 2…g3` պաշտպանելով ձին f1-փղով: Սակայն այսպիսով կարելի է ձեռք բերել թույլ դիրք և տարօրինակ դասավորությամբ ձի: Իհարկե, ոչ ոք նման դիրքի չի ձգտում իր խաղի ժամանակ:
Հետևություն` Խորհուրդ չի տրվում ոչ մի մակարդակի շախմատիստի:
4. Գրոբի հարձակում (1.g4)
Այս սկզբնախաղը անկանոն սկզբնախաղ է, որը հպարտորեն մրցում է սպիտակների կողմից մյուս վատագույն սկզբնախաղային քայլերի հետ: Սակայն, կան նաև այս սկզբնախաղի պաշտպաններ, ովքեր փաստում են, որ միջին խաղացողները, ամենայն հավանականությամբ, չգիտեն` ինչպես հաղթել այս սկզբնախաղը: Մի քանի պարզ ծուղակներ կան, որ սևերը կարող են պատասխանել`1…d5 , ինչը հնարավոր է շրջանցել ողջախոհությամբ: Եվ այս դեպքում սպիտակները կունենան թույլ դիրք` հեռու խաղաքարերի զարգացումից: Արժե՞ ռիսկի դիմել: Իհարկե` ոչ:
Հետևություն` Խորհուրդ չի տրվում ոչ մի մակարդակի շախմատիստի:
5. Կլեմենզի սկզբնախաղ (1.h3)
Անարդար կլինի ասել, որ այս սկզբնախաղը ավելի լավն է, քան Գրոբի հարձակումը. դրանք կիսում են 4-5 հորիզոնականները: Իրականում, Կլեմենզի սկզբնախաղը կարող է տեղափոխվել Գրոբի հարձակում` երկու կողմի ճիշտ խաղի շնորհիվ:
1.h3 վատնում է ձեր ժամանակը` առանց ինչ-որ դրական տեղաշարժի հանգեցնելու`զարգացում, կենտրոնի վերահսկում, փոխատեղում և այլն: Այն միայն վատնում է ձեր տեմպը և թուլացնում արքայական թևը: Սպիտակներն այստեղ դժվարություններ չունեն, սակայն, եթե շարունակեն դրսևորել պասիվ խաղ, շուտով կհանդիպեն այդ դժվարություններին:
Հետևություն` Խորհուրդ չի տրվում ոչ մի մակարդակի շախմատիստի:
