Կա երեք բան, որոնցից պետք է խուսափել սկզբնախաղում: Դրանք ավելի շատ կվնասեն, քան կօգնեն ձեզ: Իհարկե, կան բացառություններ, բայց սրանք հենց այն հիմնական սխալներն են, որոնցից անհրաժեշտ է խուսափել:
1) Շատ քայլեր մի՛ արեք զինվորներով: Իհարկե, դուք պետք է մի քանի քայլ անեք զինվորներով` խաղաքարերը զարգացնելու և կենտրոնում վերահսկողություն սահմանելու համար: Քանի՞սն են այդ քայլերը:
1 կամ 2 քայլ զինվորներով` հավանաբար բավարար չէ,
3 կամ 4 քայլ զինվորներով` սովորաբար ճիշտ քանակն է,
5 կամ 6 քայլ զինվորներով` հիմնականում շատ է:
Եթե զինվորով քայլը ձեզ չի օգնում խաղաքար զարգացնել, վերահսկողություն սահմանել, կամ հակառակորդին չի կասեցնում խաղաքարերը զարգացնելուց կամ վերահսկողությունից, ապա, ամենայն հավանականությամբ, չպետք է դիմել այդ քայլին: Դա միայն ժամանակի կորուստ կլինի ձեր կողմից: Խուսափե՛ք շատ քայլերից զինվորներով ձեր փոխատեղված արքայի դիմաց:
2) Միևնույն խաղաքարը երկու անգամ մի՛ շարժեք: Սա բացարձակ կանոն չէ, սակայն լավ հիմնարար սկզբունք է: Դուք պետք է գտնեք լավագույն դաշտը յորաքանչյուր խաղաքարի համար և տանեք նրան այնտեղ մեկ անգամ և չշարժել նրան մինչև սկզբնախաղի ավարտը: Եթե համոզված չեք, թե որն է լավագույն դաշտը տվյալ խաղաքարի համար, մեկ այլ խաղաքար զարգացրե՛ք փոխարենը: Սակայն, երբեմն այնպես է պատահում, երբ ստիպված եք լինում միևնույն խաղաքարը երկու անգամ շարժել: Եթե դուք զարգացնում եք խաղաքարը, և հակառակորդը հարձակվում է դրա վրա, դուք ստիպված եք լինում կամ նորից տեղաշարժել այն, կամ պաշտպանել: Եթե հակառակորդը հարձակվում է զինվորով, դուք հավանաբար կշարժեք այն: Տեղափոխի՛ր` այլապես կկորցնես այն:
3) Շատ վաղ դուրս մի՛ բերեք ձեր թագուհուն: Եթե շատ վաղ դուրս բերեք ձեր թագուհուն, հակառակորդը կարող է զարգացնել իր խաղաքարերը և միաժամանակ հարձակվել ձեր թագուհու վրա: Սկզբնախաղում վաղ դուրս բերված թագուհին հասանելի թիրախ է հակառակորդի համար: Ժամանակ մի՛ կորցրեք: Ավելի լավ է սկզբնախաղում թագուհուն պահել հետևում, որտեղ նա ապահով է: Սովորաբար անհրաժեշտ է թագուհուն վերջինը զարգացնել, և երբ անեք դա, շատ հեռու մի՛ տարեք նրան: