Շատ շախմատիստներ երկմտանքի առջև են կանգնում, թե ինչ սկզբնախաղ խաղալ հաջողության հասնելու համար: Այս շախմատիստները նախընտրում են ապահով խաղ խաղալ` ընտրելով հանգիստ դիրքեր, ինչը հանգեցնում է նմանատիպ շարունակության: Հասկանալի է, որ լավ է մնալ նման հարմարավետ գոտում։ Սակայն եթե ցանկանում եք բարելավել ձեր խաղը, դուք պետք է դուրս գաք այդ գոտուց: Եթե գտնվում եք բարելավման փուլում, սուր սկզբնախաղերը կարագացնեն ձեր առաջընթացը և թույլ կտան ձեզ սովորել շախմատի մի շարք կարևոր էլեմենտներ: Ահա 7 պատճառ` սուր սկզբնախաղեր խաղալու համար:
1. Դուք կբարելավեք ձեր մարտավարական հմտությունները
Սուր սկզբնախաղերն իրենց մեջ շատ մարտավարական հնարքներ են պարունակում: Դուք ոչ միայն պետք է կարողանաք գտնել ամենաուժեղ հարձակվողական կոմբիանցիաները, այլև պետք է դիմակայեք հակառակորդի սպառնալիքներին: Ուզում եք, թե`ոչ, խաղալով սուր սկզբնախաղեր` դուք կբարելավեք ձեր տակտիկական հմտությունները (զգուշացում` միգուցե դուք ընթացքում կպարտվեք, սակայն դա չպետք է անհանգստացնի ձեզ, մինչև չբարելավեք ձեր շախմատային հմտությունները:)
Միգուցե դուք հարցնեք` արդյոք սուր դիրքեր խաղալն ավելի արդյունավետ է, քան պարզապես մարտավարական խնդիրներ լուծելը: Դրանցից երկուսն էլ հավասարապես կարևոր են մարտավարական հմտությունները զարգացնելու համար: Իրականում, շատ շախմատիստներ բավականին փորձ ունեն խնդիրներ լուծելու, բայց ոչ բավարար փորձ` իրական խաղերի խնդիրներ լուծելու համար:
Սուր դիրքերում, այն շախմատիստները, ովքեր ի վիճակի են ավելի խորը վերլուծել և գնահատել վերջնական դիրքը, մեծ առավելություն են ձեռք բերում: Խաղալով սուր սկզբնախաղեր՝ դուք կստիպեք ինքներդ ձեզ ավելի հաճախ հաշվել, ինչը կհանգեցնի ձեր հաշվելու հմտությունների բարելավմանը: Սա է պատճառը, որ շատ սկսնակ շախմատիստներ գերադասում են դիրքային շախմատ խաղալ, քանի որ նրանց մարտավարական հմտությունները և հաշվելու կարողությունները բավարար զարգացած չեն:
3. Տեմպ չվատնելու սովորություն ձեռք կբերեք
Սուր սկզբնախաղային դիրքերում յուրաքանչյուր տեմպ շատ թանկ է: Տեմպը կարող է որոշել` դուք եք հակառակորդին մատ հայտարարում, թե ձեզ են հայտարարում: Սուր սկզբնախաղեր խաղալիս կսովորեք գնահատել յուրաքանչյուր տեմպ, զարգացնել խաղաքարերը և արդյունավետորեն հարձակվել:
Երբեմն, և նույնիսկ շատ հաճախ այնպես է պատահում, որ ձեր հակառակորդը կարող է նախաձեռնող լինել, և դուք պետք է շատ ուժեղ պաշտպանություն ստեղծեք և փորձեք հակահարված տալ: Այն շախմատիստները, ովքեր հարձակվողական սկզբնախաղեր են խաղում, ընդհանուր առմամբ շատ ավելի լավ են իրենց դրսևորում ուժեղ ճնշման տակ և կարողանում են մնալ խաղում, նույնիսկ երբ քիչ խաղաքարեր ունեն և հարձակման տակ են:
Սուր սկզբնախաղեր խաղալու մեկ այլ առավելությունն այն է, որ այն նվազեցնում է ոչ-ոքիի հնարավորությունները: Չի կարելի ասել, որ դուք կհաղթեք այս բոլոր խաղերում։ Դուք, իհարկե, կպարտվեք դրանցից շատերը: Միշտ հիշե՛ք, որ լավ խաղերում պարտվելը ձեզ լավ դաս կտա և հետագայում կփոխհատուցեք ինքներդ ձեզ` հաղթանակներ տանելով:
Մագնուս Կարլսենը այդ հասկացության լավ օրինակ է: Նա միշտ փորձում է խուսափել ոչ-ոքիներից ինչքան որ կարողանում է, և ինչպես տեսնում ենք, դա նրա մոտ շատ լավ է ստացվում:
Սուր սկզբնախաղերում և դիրքերում լավ խաղալու համար անհրաժեշտ է ճշգրիտ պլանավորել քայլերը: Եթե չկարողանաք պլանավորել հարձակումը, չեք կարողանա արդյունավետորեն անել դա: Երբ պլանավորեք հարձակումը, հաշվեք բոլոր անհրաժեշտ տարբերակները, մնացածն արդեն հեշտ կլինի:
Խաղալով սուր սկզբնախաղերում, խնդիրների մեջ հայտնվելով և դուրս գալով դրանցից` կզգաք շախմատ խաղալու իրական հաճույքը: Հաշվարկած ռիսկերի գնալով, պլանավորելով և հարձակումներ ստեղծելով, ինպես նաև ուժեղ պաշտպանություն ստեղծելով, դուք կաճեք որպես շախմատիստ: Մի՛ վախեցեք հարձակվողական շախմատ խաղալուց, ընտրե՛ք ավելի սուր սկզբնախաղեր, մի՛ խաղացեք փոխզիջումային շախմատ, և շուտով դուք ինքներդ կտեսեք ձեր առաջընթացը: