Սկզբնախաղային ամենատարածված 5 սխալները - ChessSchool

Սկզբնախաղային ամենատարածված 5 սխալները

Սկզբնախաղային ամենատարածված 5 սխալները

Այսօր մենք կխոսենք սկզբնախաղային ամենատարածված սխալների մասին, որ շատ շախմատիստների անում են առանց գիտակցելու:  Շատ հեշտ է ուղղել այս սխալները, սակայն անհրաժեշտ է իմանալ, թե որտեղ փնտրել դրանք: Ահա դրանցից ամենատարածվածները`

1. Զարգացման անտեսում

Յուրաքանչյուր շախմատիստ գիտի, որ սկզբնախաղերի հիմնական նպատակը  խաղաքարերը զարգացնելն է:Այn շախմատիստները, ովքեր հետևում են այս սկզբունքին, վաղ միջնախաղում ունենում են ակնհայտ առավելություն: Զարգացնելով խաղաքարերը` դուք կարող եք ավելի շուտ սկսել հարձակումը հակառակորդի վրա` առանց անհանգստանալու սեփական Արքայի անվտանգության համար: Այս շախմատիստները հաճախ հաղթում են խաղը վաղ միջնախաղում` շատ տպավորիչ հարձակում գործելով կենտրոնում գտնվող Արքայի վրա: Այս ամենն, իհարկե, հեշտ է թվում, սակայն ինչու են շատ շախմատիստներ, այնուամենայնիվ, անտեսում խաղաքարերի զարգացումը և պարտվում խաղը: Կա 3 հիմնական պատճառ`

I. Այդ շախմատիստները սկզբնախաղում ագահություն են դրսևորում` բռնելով թեկուզ մեկ ավել զինվոր և զոհաբերելով 2-3 կարևոր տեմպ, որով կարող են զարգացնել մյուս խաղաքարերը:

II. Այդ շախմատիստներն առանց «լավ պատճառի» բազմիցս խաղում են միևնույն խաղաքարով: «Լավ պատճառ» ասելով այս դեպքում հասկանում ենք հակառակորդի խաղաքարերը նվաճելը` շնորհիվ որոշ տակտիկական հնարքների, ինչպես նաև մատ հայտարարելը:
Սակայն, անհրաժեշտ է ուշադիր լինել. մինչ դուք վատնում եք ձեր ժամանակը` հակառակորդի խաղաքարերը նվաճելու մոլուցքով, որ միգուցե այդպես էլ չստացվի, կարող եք այդպես էլ չզարգացնել ձեր խաղաքարերը:

III. Այդ շախմատիստներից շատերը չգիտեն, թե որտեղ կարելի է զարգացնել խաղաքարերը (ավելի ուշ կխոսենք այս մասին):.

Եկե՛ք նայենք ստորև բերված խաղին, որը շատ պարզ ներկայացնում է, թե ինչ կարող է պատահել այն շամատիստների հետ, ովքեր անտեսում են խաղաքարերի զարգացումը: 

Կներկայացնենք միայն մեկ օրինակ, թե ինչ արդյունքի կարելի է հանգել, երբ անտեսվում են սկզբնախաղերի սկզբունքները:  1. e4 e5 2. f4 d6 3. Ձ.f 3 Փ.g4 4. Փ.c4 Սպիտակներն իրենց ժամանակն հատկացնում են Արքայական թևի զարգացմանը .4... Ձ.f6 5. O-O Ne4 մինչ սևերը կենտրոնացած են նվաճելու հակառակորդի զինվորներին` առանց ուշադրություն դարձնելու Արքայի անվտանգության վրա:  6. Փ.f7 Սպիտակները պատժում են սևերին փղի տիպիկ զոհաբերությամբ:.6... Ա.f7 7. Ձ.g5 Ա.g8 8. Թ.g4 վերադարձնելով զոհաբերվածը .8... h5? Մեկ այլ սկզբնախաղային սկզբունքի անտեսում. խաղաքարերը զարգացնելու փոխարեն, սևերը առաջ են մղում զինվորներին : .9. Թ.e6# Հիանալի ավարտ` 1-0

2. Չպատրաստված հարձակման մեկնարկ

Շատ շախմատիստներ գիտեն, որ սկզբնախաղի ժամանակ անհրաժեշտ է զարգացնել խաղաքարերը, միավորել նավակները, կատարել փոխատեղում, զբաղեցնել կենտրոնը և միայն հետո հարձակում գործել: Սակայն, երբ նրանք շախ հայտարարելու կամ հակառակորդի խաղաքարերի վրա հարձակվելու հնարավորություն են տեսնում, նրանք գերադասում են դա, եթե նույնիսկ դա նրանց նյութական ձեռքբերում չի խոստանում և հանգեցնում է թագուհու վաղաժամ զարգացմանը:  

Անհրաժեշտ է հիշել, որ չպատրաստված հարձակումները կարող են ուշացնել ձեր խաղաքարերի զարգացումը, և դուք վաղ թե ուշ ստիպված եք նահանջել` դիմելով անկարևոր քայլերի և կորցնելով տեմպեր:
Լավագույն ռազմավարությունը կլինի նախ և առաջ ավարտել խաղաքարերի զարգացումը, և միայն հետո դիմել հարձակման: Հակառակ դեպքում դուք կշարունակեք սկզբնախաղ խաղալ, մինչ ձեր հակառակորդն արդեն կսկսի միջնախաղ խաղալ: Հավատացեք` դա այնքան էլ ցանկալի արդյունք չէ:

3. Փոխատեղման ուշացում

Փոխատեղումը զարգացման բաղկացուցիչ մասն է կազմում: Այն ոչ միայն անվտանգ միջավայր է ապահովում ձեր Արքայի համաև, այլև կապակցում է նավակներին: Կան դեպքեր, երբ վտանգավոր, նույնիսկ մահացու որոշում է փոխատեղումը, սակայն նման դեպքերը հազվադեպ են պատահում: Լավագույն տարբերակը արագ փոխատեղում կատարելն է, երբ դեռ վտանգ չկա Արքայի նկատմամբ:

4. Միջնախաղային ծրագրի բացակայում

Սկզբնախաղերում ամենահեշտ խաղի համար անհրաժեշտ է զարգացնել խաղաքարերը այնպիսի դիրքերում, որոնցում վերջիններս կլինեն առավելագույնս ուժեղ: Փղերին անհրաժեշտ է զարգացնել բաց անկյունագծերում, նավակներին բաց ուղղաձիգներում և ձիերին` կենտրոնում: Սակայն, լավագույն մոտեցումը կլինի զարգացնել խաղաքարերը այն դիրքերում` որոնցում դրանք առավել արդյունավետ կգործեն ձեր միիջնախաղային ծրագրում:
Օրինակ, եթե ցանկանում եք հարձակվել կարճ փողատեղում արված Արքայի վրա, դուք պետք է դնեք ձեր փիղը երկար անկյունագծի վրա` զարգացնելով ձին և թագուհուն: Դուք միգուցե ցանկանաք նավակին դնել այնպիսի դիրքում, որտեղ առավել հեշտ կլինի խաղալ դրանով, երբ անհրաժեշտ է:
Երբ զարգացնում եք խաղաքարերը, միշտ հաշվի առեք ձեր ապագա միջնախաղային ծրագիրը: Այսպիսով դուք կարող եք առավելություն ձեռք բերել և խնայել կարևոր տեմպեր: 

5. Բնազդաբար խաղալը

Բնազդաբար խաղալ նշանակում է որոշումներ կայացնել` հիմնվելով զգացմունքների, և ոչ հաշվարկների վրա: Քանի դեռ չեք հասել 2500 վարկանիշային միավորի, դուք չպետք է շատ հիմնվեք բնազդների վրա: Ահա այսպես է լինում, երբ խաղը 10 քայլից հանգում է մատի:




Նմանատիպ դասեր