Քարե պատ զինվորային կառուցվածքը
Քարե պատ զինվորային կառուցվածքը
Հոլանդական պաշտպանությունը վերջին տարիների ընթացքում մեծ ընդունելություն է գտել աշխարհի լավագույն շախմատիստների շրջանում, օրինակ` Նակամուրան, Կարուանան և նույնիսկ Մագնուս Կարսլենը ժամանակ առ ժամանակ խաղում են այս դիրքը:
Կան մի քանի այլ ուժեղ գրոսմայստերներ, ովքեր հաճախ են օգտվում այս կառուցվածքից` իսպանացի գրոսմայստեր Ֆրանցիսկո Վալլեխոն, ամերիկացի գրոսմայստեր Գատա Կամսկին և Անտոն Գուիջարրոն, նույնպես Իսպանիայից: Սակայն, հարկ է նշել, որ այս սկզբնախաղի շուրջ հետաքրքրությունը կենտրոնացել է այսպես կոչված լենինգրադյան համակարգի վրա, որտեղ սևերը զարգացնում են փղին դեպի g7, և այնուհետև խաղում կենտրոնում և արքայական թևում:
Այսօր կվերլուծենք հոլանդական դասական կառուցվածքը, որն ավելի հայտնի է Քարե պատ անվանումով: Այս դասական կառուցվածքը խաղացել են աշխարհի ուժեղագույն գրոսմայստերները` Ստեյնից, Չիգորին, Ալյոխին, Կապաբլանկա և Պետրոսյան: Քարե պատի պաշտպաններ են այլ ուժեղ գրոսմայստերները, օրինակ` Նայջել Շորթը, Յուսսուպովը, Ռաջաբովը, Կրամնիկը և մի անուն, որ պետք է միշտ հիշել կապված այս համակարգի հետ` գրոսմայստեր Վիկտոր Մոսկալենկո:
Այս համակարգը շատ գրավիչ է, քանի որ այն հնարավորություն է տալիս սևերով խաղացող շախմատիստին պայքարել նախաձեռնության համար` ընդդեմ սպիտակների 1.d4-ի: Սևերն այնքան էլ ջանք չեն գործադրում. վերահսկողություն են սահմանում կենտրոնում երկու զինվորներով (d5/f5), որոնց աջակցում են երկու այլ զինվորներ (c6/e6), մինչ մյուս խաղաքարերը վերահսկում են անպաշտպան մնացած դաշտերը և պատրաստվում են հարձակվել սպիտակների արքայի վրա:
Մտքեր և պլաններ քարե պատի ժամանակ
Մի քանի բնորոշ մտքեր կան սևերի համար, որ կարելի է իրականացնել այս դիրքում: Օրինակ, համաձայն գրոսմայստեր Մոսկալենկոյի, անհրաժեշտ է հիշել հետևյալ առանցքային կետերը` այս զինվորային կառուցվածքը հասկանալու համար:
- Լավագույն դաշտը արքայական թևի փղին զարգացնելու համար d6 է, թագուհու համար e7-ն է:
- Թագուհու թևի ձին լավ դիրք ունի d7դաշտում` պաշտպանելով e5 դաշտը:
- e4 դաշտը շատ կարևոր է սևերի f6 ձիու համար:
Կա մի քանի այլ խորամանկություն ևս այս դիրքում, օրինակ` զարգացնել c8 փիղը շնորհիվ d7-e8-h5: Կա նաև մի քանի ծրագիր, որոնք անյքան էլ ընդունված չեն, օրինակ` առաջ տանել A զինվորը` սպիտակների թագուհու թևի վրա հարձակվելու համար: Երբեմն, սևերը նույնիսկ զարգացնում են փղին c8 դաշտից b7` կենտրոնում c6-c5 խաղալու համար: Ինչպես տեսնում եք, սևերն ընտրություն ունեն, երբ խոսքը գնում է միջնախաղում ռազմավարություն մշակելու մասին:
Ստորև կներկայացնենք երեք խաղ, որոնցում սևերը կիրառել են վերը բերված ծրագրերը:
Առաջին խաղը տեղի է ունեցել մեր ժամանակների երկու ուժեղ գրոսմայստերի միջև` Ալեքսանդր Բելյավսկին սպիտակներով և Արթուր Յուսսուպովը: Այս խաղում կարող ենք տեսնել Փd7-e8-g6-h5 պլանը` նպատակ ունենալով բարելավել սպիտակ դաշտի փղին: Շատ հետաքրքիր ռազմավարական պայքար է, որտեղ սևերը վերջ ի վերջո հաղթեցին:
Բելյավսկի, Ա.-Յուսուպով, Ա.
ԽՍՀՄ 1987 0-1
Գրոսմայստեր Վիկտոր Մոսկալենկոն մոտ 50 հաղթանակ է ունեցել Քարե պատ համակարգով, հետևաբար դժվար չեր այսօրվա մեր նյութի համար ընտրել նրա խաղերից որևէ մեկը: Այս խաղում խաղալով գերմանացի միջազգային վարպետ Մատիաս Ռոյդերի հետ` Մոսկալենկոն փորձեց անսովոր պլան իրագործել` առաջ տանել B զինվորին` կանխելու սպիտակների սև դաշտի փղերի փոխանակումից:
Ռոյդեր, Մատիաս-Մոսկալենկո, Վիկտոր
Balassagyarmat 1990 0-1
Վերջին խաղը այս թեմայի ամենակարևոր խաղերից մեկն է, որ հանդիպել է վերջերս: Անանդ-Կարլսեն խաղի ժամանակ, որ տեղի ունեցավ անցած տարի, Կարլսենը անակնկալի բերեց իր հակառակրոդին իր սկզբնախաղային ընտրությամբ և արագ ձեռք բերեց իր համար հարմարավետ դիրք:
Անանդ, Վ.-Կարլսեն, Մ. Anand, V.
Բադեն Բադեն 2015 0-1
Որպես վերջաբան, կարելի է ասել, որ Քարե պատն այնքան էլ հեշտ չէ խաղալ, քանի որ չկա հստակ ճանապարհ սպիտակների առավելության համար և նույնիսկ մեթոդներ դրանից խուսափելու համար: Դիրքերը, որ ի հայտ են գալիս, փակ են` տանելով դեպի լարված միջնախաղի: Սպիտակների համար անհնար է պարզեցնել այն, ինչպես այլ սկզբնախաղերում: Սակայն, արժե այն փորձել:
