7 ամենակարևոր սկզբնախաղային սկզբունք
7 ամենակարևոր սկզբնախաղային սկզբունք
Շատ շախմատիստներ դժվարությունների են հանդիպում սկզբնախաղերում, քանի որ ծանոթ չեն սկզբնախաղային գլխավոր սկզբունքներին: Նրանք, իհարկե, գիտեն այն սկզբնախաղերը, որ հաճախ խաղում են, բայց երբ մի բան այն չի լինում, նրանք շփոթվում են և հաճախ պարտվում խաղը: Այս հոդվածի հիմնական նպատակը ձեզ` 7 ամենակարևոր սկզբնախաղային սկզբուները հիշեցնելն է, որ յուրաքանչյուր շախմատիստ պետք է իմանա:
1. Շտա՛պ զարգացրեք խաղաքարերը
Գաղտնիք չէ, որ սկզբնախաղերի հիմնական նպատակը խաղաքարերը զարգացնելն է: Չնայած, որ սա շատ բնական է հնչում, այնուամենայնիվ, շատ շախմատասերներ չեն հեtևում այս սկզբունքին: Որոշ շախմատիստներ այս փուլում գերադասում են թագուհու միջոցով շախ հայտարարել, զինվորներ որսալ և դիմել չպատրաստված հարձակումների: Եվ պարզապես կարիք չկա ասելու անգամ, որ նման խաղերն ունենում են վատ ավարտ` կանգնեցնելով շախմատիստներին դժվարին իրավիճակի առջև: Պատկերացրե՛ք նման մի իրավիճակ` ձեր Արքան գտնվում է կենտրոնում` հակառակորդի նավակի և թագուհու նշանառման տակ: Այնքան էլ հաճելի չէ: Կենտրոնացե՛ք խաղաքարերը զարգացնելու վրա և չեք դասվի այն շախմատիստների շարքին, ովքեր պարտվում են խաղը 15 քայլից:
Ստորև բերված դիրքում սևերը 2 զինվոր ավել են, սակայն կարելի է համարել, որ խաղը պարտված է, քանի որ վերջիններս չեն զարգացրել խաղաքարերը:
Խաղում են սևերը
2. Միևնույն խաղաքարը մի՛ շարժեք երկու անգամ
Շատ անհրաժեշտ է հիշել այս կանոնը: Խուսափե՛ք մի քանի քայլ անել միևնույն խաղաքարով, քանի դեռ չկա արժանի պատճառ դրա համար (կարևոր նյութական ձեռք բերում, մատ, և այլն), և հնարավորություն տվեք մյուս խաղաքարերին զարգանալ:
Կարծես սպիտակները գտել են լավ հարձակվողական դիրք Ձ.b5` սպառնալով խոցելի c7 վանդակը: Սակայն, սա համարվում է սկզբնախաղային հիմնական սկզբունքներից մեկի ոտնահարում` միևնույն խաղաքարը մի՛ շարժեք երկու անգամ: Սևերը կարող են հեշտությամբ պաշտպանվել Թ.f7-ով` միաժամանակ բացելով անկյունագիծը սպիտակ վանդակում գտնվող փղի համար: Սպիտակներն այս քայլով միայն տեմպ են կորցնում, մինչ ավելի լավ կլիներ փոխատեղում անել:
Խաղում են սևերը
3. Զինվորներով ոչ անհրաժեշտ քայլեր մի՛ արեք
Անտեղի մի՛ վատնեք ձեր ժամանակը՝ անտեղի քայլեր անելով զինվորներով: Ընդհանուր առմամբ, անհրաժեշտ է դիմել զինվորենրի օգնությանը, երբ դա կօգնի այլ խաղաքարերի զարգացմանը: Հատկապես հիշե՛ք, որ պետք չէ զինվորներին առաջ մղել. դա լավ բանի չի հանգեցնում սկզբնախաղերում:
Սպիտակները ոչ անհրաժեշտ քայլ են անում զինվորով դեպի h3, ինչն այնքան էլ լավ քայլ չէ, քանի որ անտեղի ժամանակի կորուստ է գրանցվում: Շատ ավելի լավ է Թ.e2+ կամ Ձ.xd5:
Խաղում են սևերը
4. Ձիերին անհրաժեշտ է զարգացնել փղերից առաջ
Կան շատ պատճառներ` ձիերին փղերից շուտ զարգացնելու համար: Առաջինն այն է, որ ձիերը հեռահար խաղաքարեր չեն, այն է` դրանք կարող են վերահսկել միայն մոտակա վանդակները: Եթե ձիերին չզարգացնեք, դրանց արդյունավետությունը կհավասարվի զրոյի: Փոխարենը, փղերը հեռահար խաղաքարեր են և կարող են վերահսկել ավելի շատ վանդակներ` նույնիսկ հետին շարքից: Բացի այդ, փղերին ձիերից առաջ զարգացնելով, դուք անպաշտպան եք թողնում ձիերի զինվորներին:
5. Խուսափե՛ք զարգացած խաղաքարը չզարգացած հակառակորդի խաղաքարով փոխարինելուց
Որպեսզի զարգացնեք ձեր խաղաքարը, դուք արժեքավոր շախմատային ռեսուրս եք ծախսում, և, հետևաբար, փոխարինելով լավ դիրքավորված խաղաքարը ոչ զարգացած խաղաքարով, դուք տեմպ եք կորցնում, ինչից հարկավոր է խուսափել սկզբնախաղում: Այդ ժամանակը կարելի է ծախսել մյուս խաղաքարերի զարգացման վրա:
Ստորև բերված դիրքում այնքան էլ լավ միտք չէ խաղալ Փ. xb8, որովհետև դրանով տեմպ կկորցնեք:
Խաղում են սպիտակները
6. Վաղ փոխատեղում
Արքային ապահով դիրք տալը սկզբնախաղային սկզբունքներից մեկն է: Հիշե՛ք, որ շատ ավելի դժվար է հարձակվել փոխատեղված Արքայի վրա: Միաժամանակ, փոխատեղումը կապակցում է նավակներին` հնարավոր դարձնելով դրանց ավելի արդյունավետ խաղը: Խաղի վաղ փուլում փոխատեղում կատարելով` դուք շատ խաղեր կփրկեք:
Խաղում են սպիտակները
7. Փորձե՛ք հնարավորինս շատ տարածք վերահսկել
Տարածական առավելությունը շախմատում շատ կարևոր գործոն է, և կարելի է ասել, որ այն շախմատիստը, ով ունի տարածական առավելություն, կարողանում է վերահսկել խաղը: Տարածությունը հնարավորություն է տալիս առավել արդյունավետությամբ համակարգել խաղաքարերը և՛ հարձակման, և՛ պաշտպանույթան համար` միաժամանակ թույլ չտալով ձեր հակառակորդին անել նույնը: Տեսեք, թե ինչպես են սպիտակները առաջ տանում իրենց զինվորներին` ավելի շատ տարածք զբաղեցնելու համար:
Խաղում են սպիտակները
Եթե ցանկանում եք բարելավել շախմատային ձեր մակարդակը, անհրաժեշտ է ունենալ հստակ ծրագիր և աշխատել շախմատի բոլոր էլեմենտների վրա`
- տակտիկա,
- դիրքային խաղ,
- հարձակողական հմտություններ,
- վերջնախաղային տեխնիկա,
- դասական խաղերի վերլուծություն,
- հոգեբանական պատրաստվածություն,
- և այլ…
