Խոսելով թեթև խաղաքարերի մասին` կարելի է տեսնել, որ շատ հաճախ նախապատվությունը տրվում է ձիուն կամ փղին: Ընդհանուր առմամբ, սկսնակները սիրում են խաղալ ձիերով` շնորհիվ նրանց` այլ խաղաքարերի վրայով անցնելու հատկության:
Ճիշտ է` ձիերը ուժեղ խաղաքարեր են, սակայն շախմատ խաղալու մակարդակն էլ ավելի բարձրացնելու համար՝ անհրաժեշտ է գնահատել այդ թեթև խաղաքարերը` ելնելով տվյալ դիրքից:
Որպես կանոն, կարելի է ասել, որ ձիերը ավելի լավ են իրենց դրսևորում փակ դիրքերում` շնորհիվ այլ խաղաքարերի վրայով անցնելու նրանց հատկության, մինչդեռ փղերը փայլում են բաց դիրքերում: Նախկինում արդեն խոսել ենք փղերի զույգի կարևորության մասին, և թե ինչպես կիրառել այն: Փոխարենը, այսօր կխոսենք մի քանի հարձակվողական խաղերի մասին, և թե ինչպես կարելի է կենտրոնացնել փղերի ուժը հարձակում գործելիս:
Այժմ եկե՛ք տեսնենք, թե որն է այն մի քանի կարևոր գաղափարը` նման հարձակում ստեղծելիս:
Վերը նշված գաղափարները ցուցադրելու համար ընտրել ենք երեք օրինակ, որտեղ խաղացողներից մեկը ջախջախիչ հարձակում է սկսում` օգտվելով անկյունագծերից: Առաջինը կցուցադրենք գրոսմայստեր Ակիբա Ռուբինշտեյնի խաղը, որտեղ նա հանդես է եկել սևերով: Կտեսնենք, թե ինչպես է նա օգտվում երկու փղի ուժից` երկար և a7-g1անկյունագծերի վրա` սպիտակների արքային թուլացնելու նպատակով, իսկ վերջում` հակառակորդի թագուհու գեղեցիկ զոհաբերություն:
Երկրորդ խաղում հանդես են եկել գրոսմայստերներ Մագնուս Կարլսենը և Ռուսլան Պոնոմարյովը: Սպիտակ խաղաքարերով Կարլսենը իրականացնում է թեմատիկ փոխանակվող զոհաբերություն սևերի զարգացրած փղի համար` նպատակ ունենալով թուլացնել թշնամու արքայի դիրքը և դժվարացնելով պաշտպանությունը:
Նա սկսում է սպառնալիքներ ստեղծելով երկար անկյունագծի վրա և վերջացնում խաղը մյուս նավակի զոհավերությամբ` նպատակ ունենալով բացել a2-g8 անկյունագիծը իր մյուս փղի համար:
Որպես վերջաբան, ցանկանում ենք ձեր ուշադրությունը սևեռել այս խաղի վրա` Մաքսիմ Վահիեր-Լագրավ-Վալենտինա Գունինա: Ֆրանսիացի շախմատիստը հարձակում է սկսում` առաջ տանելով իր արքայական թևի զինվորներին և դանդաղ հետ մղելով սևերի խաղաքարերը: Սակայն այս միտքը ընկրկեց, երբ նա որոշեց զոհաբերել մեկ զինվոր` իր երկու փղի համար կենտրոնը բացելու համար: