Զինվորներն ընդդեմ այլ խաղաքարերի
Զինվորներն ընդդեմ այլ խաղաքարերի
Զինվորների ուժը չպետք է թերագնահատվի:
Նրանք ուժեղ են կենտրոնում, երբ լավ են պաշտպանված, քանի որ տարածություն են վերահսկում և կարող են ներխուժել հակառակորդի տարածք հարձակման ժամանակ: Սակայն, զինվորների առավելագույն հզորությունը նկատվում է, երբ նրանք կապակցված են, անցունակ են կամ գտնվում են 6-րդ և 7-րդ հորիզոնականներում: Երբեմն, նույնիսկ, մեկուսացված զինվորը կարող է որոշիչ դեր ունենալ դիրքում: Բայց այստեղ հարց է ծագում՝ արդյոք նրանք արժանի են ամբողջական խաղաքարի: Պատասխանը դրական է: Եվ երբեմն նույնիսկ երկու խաղաքարի, ինչպես կտեսնենք ստորև բերված օրինակներում:
Կա մի քանի տեսակի խաղաքար զինվորների զոհաբերության համար, և դրանք տարբեր կերպ են դասակարգվում: Օրինակ`
- Ստեղծել ուժեղ զինվորային կենտրոն: Կենտրոնում առկա զինվորները սովորաբար մեծ սպառնալիք են դառնում հակառակորդի համար:
- 7-րդ հորիզոնականում առկա զինվորը անհանգստություն է պատճառում հակառակորդի խաղաքարերին: Սա կապված է հետագայում հնարավոր հարձակման հետ: 7-րդ հորիզոնականի զինվորը ոչ միայն վտանգավոր է առաջխաղացման տեսանկյունից, այլև վերահսկողության` շատ կարևոր դաշտերի վրա:
- Կապակցված կամ անցունակ զինվորներ: Սա, հավանաբար, զոհաբերության ամենասովորական տեսակն է: Քանի որ գիտենք, որ 6-րդ հորիզոնականում երկու զինվորները կարող են հաղթել նույնիսկ նավակին, հետևաբար արժե զոհաբերության գնալ հանուն դրա:
Այժմ եկե՛ք նայենք մի քանի օրինակ, որտեղ հնարավոր է տեսնել զինվորների ուժը այլ խաղաքարերի նկատմամբ միջնախաղային կամ վերջնախաղային տարբեր իրավիճակներում:
Զինվորը` 7-րդ հորիզոնականում
Լարսեն –Սպասսկի
Այս խաղում սևերը զոհաբերում են ձին և նավակը` g2 դաշտում հզոր զինվոր ձեռք բերելու համար, որն ակտիվորեն մասնակցում է սպիտակների արքայի դեմ հարձակմանը: Սա, անկասկած, աշխարհի նախկին չեմպիոնի ամենափայլուն խաղերից մեկն է:
Դիրքային զոհաբերություն ուժեղ կենտրոնական զինվորների համար
Անանդ-Վանգ Հաու
Այս խաղից առաջ, հին հնդկական պաշտպանույթան զեմիշ տարբերակն այնքան էլ ընդունված չէր: Այստեղ կարող ենք տեսնել, թե ինչպես Վիշվանաթան Անանդը զոհաբերեց ձին զինվորի համար, սակայն դարձրեց զինվորային կառույցը ավելի լավը և ձեռք բերեց շատ ուժեղ կենտրոնական զինվորներ: Վանգ Հաուն պաշտպանվելու լավագույն ձևը չգտավ և պարտվեց: Մանրամասները տեսեք ստորև ներկայացված խաղում:
Սակաև – Բելով
Հետևյալ տրամագրում ունենք տիպիկ Գրյունֆելդ միջնախաղ: Սևերը խաղացել են e5` հարձակվելով ձիու վրա: Սակաևը, խաղալով սպիտակներով, որոշեց թողնել ձին d4 դաշտում, քանի որ exd4 cxd4 հետո նա ձեռք կբերեր ուժեղ զինվորային կենտրոն և արքայական թևում հարձակում գործելու լավ հեռանկարներ:
Զոհաբերություն կապակցված անցունակ զինվորների համար
Բրոնշտեյն –Բոտվիննիկ
Այս դիրքը վերցրած է Բոտվիննիկ-Բրոնշտեյն խաղից` աշխարհի առաջնության ժամանակ: Բրոնշտեյնը, խաղալով սպիտակներով, լավ խաղ ձեռք բերեց` շնորհիվ տարածական առավելության: Սակայն, դիրքը արգելափակված է, և չկա զինվորային ճեղքում: Հետևաբար, զոհաբերություն է անհրաժեշտ` դիրքը բացելու համար: Չնայած` սպիտակները պարտվեցին խաղը, թագուհու թևում երկու կապակցված անցունակ զինվորների համար կատարված զոհաբերությունը ճիշտ քայլ էր, և այն օրինակ է ծառայել նմանատիպ շատ դիրքերում:
Նայբախ – Կարլսեն
Այս խաղում կտեսնենք նմանատիպ կառուցվածք, ինչ և նախորդ օրինակում: Չնայած` սպիտակները փիղ չունեն, նրանք b5 ունեն զինվորային ճեղքում a3-a4 քայլով, որը պետք է խաղալ, նախքան սևերը կգրավեն b4` ոչնչացնելով այս հնարավորությունը: Սպիտակներով խաղալով Կարլսենի դեմ` Նայբախը ճիշտ քայլ արեց` 19.a4!, և 19...axb4 քայլից հետո նա խաղաց 20.axb5` 5-րդ հորիզոնականում երկու ուժեղ կապակցված զինվորներով: Կարլսենը պաշտպանվելու հնարավորություն ուներ, սակայն չկարողացավ գտնել ճիշտ քայլը և արդյունքում պարտվեց:
Հույս ունենք, որ վերը նշված գաղափարները ձեզ կոգեշնչեն հետագա խաղերի ժամանակ, և Դուք հաշվի կառնեք նմանատիպ զոհաբերություններն ուժեղ զինվորային շղթայի կամ անցունակ զինվորի համար: Հաջողություն: