Միջնախաղային 7 ամենակարևոր սկզբունք
Միջնախաղային 7 ամենակարևոր սկզբունք
Շատ շախմատիստներ ընդհանուր պատկերացում ունեն սկզբնախաղերի մասին, սակայն շատերի համար բարդ է հասկանալ միջնախաղային ռազմավարությունները, քանի որ դրանք այնքան էլ պարզ չեն և սկզբնախաղերի նման չունեն կոնկրետ նպատակ` զարգացնել խաղաքարերը, արքային ապահով դիրք տալ և այլն: Ստորև կներկայացնենք միջնախաղային 7 ամենակարևոր սկզբունքները:
1. Կենտրոնացրե՛ք ձեր խաղաքարերը:
Ակնհայտ փաստ է, որ կենտրոնում խաղաքարերը կարող են ավելի շատ դաշտեր հսկողության տակ պահել, քան այլ տեղում: Սա հատկապես կարևոր է հիշել, երբ խաղում ենք ձիերով: Կենտրոնում նրանք կարող են վերահսկել 8 դաշտ, անկյուններում` միայն 2:
Ճշմարիտ է այն փաստը, որ փղերն առավել արդյունավետ են խաղում անկյուններից: Սակայն կենտրոնում նրանք ավելի շարժունակ են և վերահսկում են խաղատախտակի երկու կողմն էլ: Նույնը կարելի է ասել նաև թագուհու մասին: Եթե նրանք ապահով են, ապա անհրաժեշտ է և՛փղերին, և՛ թագուհուն ձիերի նման կետրոնում պահել:
Տեսե՛ք , թե ինչպես են սպիտակները կենտրոնացրել իրենց 4 խաղաքարը:
խաղում են սպիտակները
2. Զոհաբերե՛ք ձեր անկյունային զինվորներին կենտրոնական զինվորների համար:
Կենտրոնում գտնվող զինվորներն ընդհանրապես ավելի արժեքավոր են, քան անկյունային զինվորները, քանի որ կենտրոնում գտնվողներն ի վիճակի են վերահսկել կենտրոնի կարևոր դաշտերը (d4-d5-e4-e5), ինչը մեծ աջակցություն է հանդիսանում խաղաքարերի համար, ինչպես նաև ուժեղ հարձակում զարգացնելու համար ոչ միայն կենտրոնում, այլև արքայի և թագուհու թևում: Միաժամանակ կենտրոնի զինվորները տարածք են տրամադրում` բարձրացնելով խաղաքարերի շարժունակությունը:
Հետևաբար, չի կարելի զոհաբերել ձեր կենտրոնական զինվորները հակառակորդի անկյունային զինվորների համար. անհրաժեշտ է հակառակն անել` փոխանակել անկյունային զինվորները հակառակորդի կենտրոնական զինվորներով:
Սպիտակները պետք է խաղան fxe3` ուժեղ զինվորային կենտրոն ստեղծելու համար` e-d-c զինվորներ:.
խաղում են սպիտակները
3. Խուսափե՛ք թույլ զինվորներից:
Թույլ զինվորները կարող են մեծ առավելություն տալ հակառակրոդին` տրամադրելով նրան շատ հեշտ խաղ` շահագործելով դրանք: Այս գործոնը կարող է հավասար ուժերով վերջնախաղաը տանել պարտության: Վերջնախաղում խնդիրներից խուսափելու համար անհրաժեշտ է հոգալ զինվորային կառուցվածքի մասին հենց սկզբնախաղից և միջնախաղից:
Խուսափե՛ք կրկնապատկված, հետ մնացած և մեկուսացած զինվորներից:
Ստորև ներկայացված դիրքում և՛ սպիտակները, և՛ սևերը ունեն լուրջ զինվորային թուլություն: Սպիտակներն ունեն կրկնապատկված և հետ մնացած զինվորներ, իսկ սևերը` մեկուսացած զինվորներ:
խաղում են սպիտակները
4. Խուսափե՛ք ձեր դիրքում թույլ դաշտեր ստեղծելուց:
Թույլ են համարվում այն դաշտերը, որոնք զինվորները չեն կարող պաշտպանել: Ձեր դիրքի թույլ դաշտերը կարող են դառնալ ուժեղ ֆորպոստեր ձեր հակառակորդի խաղաքարերի համար: Ինչքան մոտ լինի թույլ դաշտը ձեր արքային կամ կենտրոնին, այնքան շատ խնդիրներ կարող եք ունենալ: Ուշադի՛ր եղեք զինվորներն առաջ տանելուց, քանի որ չեք կարող այլևս հետ տանել նրանց. հենց այս գործոնն է ստեղծում թույլ դաշտեր:
Ստորև բերված դիագրամում սպիտակներն հենց իրենց արքայի դիրքի մոտ ունեն թույլ f3 դաշտը: Սա կարող է շուտով մատային դիրք ստեղծել արքայի համար` հակառակորդի ձիու և թագուհու կողմից:
խաղում են սևերը
5. Միշտ արգելափակե՛ք ձեր հակառակորդի մեկուսացած զինվորին ձեր ձիով:
Մեկուսացած զինվորը հզոր զենք է և ձեր հակառակորդը կարող է օգտվել դրանից` ուժեղ հարձակում ձևավորելու համար, քանի որ այն աջակցում է խաղաքարերին և հավելյալ տարածք տրամադրում: Մեկ այլ վտանգ է մեկուսացած զինվորի կողմից ճիշտ պահին առաջ գնալը և հետևաբար խնդիրներ ստեղծելը: Ահա, թե ինչու պետք է միշտ արգելափակել հակառակորդի մեկուսացած զինվորին, և լավագույն խաղաքարն այս առաքելության համար ձին է: .
խաղում են սևերը
6. Նավակներով գրավե՛ք բաց ուղղաձիգերը:
Գաղտնիք չէ, որ նավակներն առավել արդյունավետ են իրենց դրսևորում բաց ուղղաձիգերում: Եթե բաց ուղղաձիգ եք նկատում, առաջին իսկ հնարավորության դեպքում պետք է փորձեք գրավել այն ձեր նավակով: Հաջորդ քայլը պետք է լինի մյուս նավակին բաց ուղղաձիգ հասցնելը: Եթե բաց ուղղաձիգեր չկան, կարող եք գրավել կիսաբացերը` հետագայում ամբողջությամբ բացելու նպատակով:
Ստորև բերված օրինակում սպիտակներն ունեն դիրքային մեծ առավելություն, քանի որ վերահսկում են բաց ուղղաձիգը` դիրքի հիմնական էլէմենտը:
խաղում են սպիտակները
7. Պահե՛ք փղերի զույգը:
Հիմնական դիրքերում փղերի զույգը մեծ առավելություն է իրենից ներկայացնում: Միայն այն դեպքում ձիերի զույգը կարող է նրանց գերազանցել, երբ փղերը ամբողջությամբ արգելափակված են: Սկզբնախաղում կամ վաղ միջնախաղում երբեք մի՛ զոհաբերեք ձեր փղերից մեկին հակառակորդի համար կրկնապատկված զինվորներ ստեղծելու համար: Հիմնականում փղերի զույգի հարձակման պոտենցիալն ավելի բարձր է գնահատվում:
Ստորև բերված դիրքում սպիտակները մեծ առավելություն ունեն` փղերի զույգը:
խաղում են սպիտակները
