Երբ խաղում ենք փղերի զույգի դեմ. 6 անհրաժեշտ կանոն
Երբ խաղում ենք փղերի զույգի դեմ. 6 անհրաժեշտ կանոն
Արդեն խոսել ենք փղերի զույգով խաղալու առավելության մասին, և թե ինչպես խաղալ` այդ դիրքային առավելությունը հաղթական դիրքի վերածելու համար: Սակայն, ցանկացած շախմատիստի մի օր բախտ է վիճակվում խաղալ հակառակորդի նման առավելության դեմ: Կարելի՞ է ասել, թե նման դեպքում մեր դիրքը տեխնիկապես պարտված է: Փղերի զույգն, իհարկե, ուժեղ է, սակայն կան մի քանի միջոցներ, որոնցով կարելի է պայքարել դրա դեմ և ոչնչացնել դրա գործունեությունը:
Հիշե՛լ:
- Փղերը ուժեղ են բաց դիրքերում:
- Եթե դիրքը կիսաբաց է, փղերի վիճակը լավ է, երբ ձին չունի որևէ հենակետ կամ ակտիվ դիրքեր:
- Փղերի զույգի առավելությունը պայմանավորված է փղերի լավ համագործակցությամբ:
Այդ ամենը հասկանալով` կարելի է արդեն մի քանի ծրագիր մշակել` ընդդեմ փղերի զույգի: Առաջին հերթին պետք է սահմանափակել դրանց ակտիվությունը և ձեր հակառակորդի առավելությունը վերածել թերության:
Դուք պետք է`
- Փորձե՛ք որքան հնարավոր է փակ պահել խաղը:
- Ձեր ձիու համար հենակետեր ստեղծե՛ք և այն դարձրե՛ք ուժեղ, անհանգստություն պատճառող խաղաքար ձեր հակառակորդի համար:
- Փորձե՛ք հեռացնել փղերից մեկին խաղատախտակից: Սակայն մի՛ մոռացեք արդյունքում ստացված դիրքի մասին. այն պետք է ձեզ համար խոստումնալից լինի:
- Փոփոխե՛ք զինվորային կառույցը. ձգտե՛ք արգելափակել զինվորներին:
Սրանք այն գլխավոր գաղափարներն են, որ անհրաժեշտ է հիշել` փղերի զույգի դեմ խաղալիս: Որպեսզի ավելի լավ հասկանաք վերը նշված մտքերը, մենք կներկայացնենք մի քանի օրինակ, որոնցում հիանալի ցուցադրված է, թե ինչպես են հակառակորդի թեթև խաղաքարերը չեզոքացնում փղերի զույգի առավելությունը:
Առաջին խաղում, որ պատրաստվում ենք ներկայացնել, երկու ձիերը ավելի արդյունավետ են, քան փղերը` խաղի արգելափակված էության շնորհիվ: Շատ հեշտ է գնահատել տրամագրում ներկայացված դիրքը. սևերը իրենց ձիերի համար կենտրոնում ունեն լավ հենակետեր, և փղերը չեն կարող ոչ մի սպառնալիք ստեղծել նրանց համար: Այժմ միակ բանը, որ սևերը պետք է անեն, իրենց ստեղծած հենակետերից օգտվելն է և ձիերի դիրքերի բարելավումը: Փղերը աստիճանաբար կապաակտիվանան:
Վերը նշված տրամագրում ներկայացված դիրքը գրեթե հավասար է: Այստեղ սևերը որոշել են զոհաբերել իրենց փղին հանուն ձիու և մտնել մի վերջնախաղ, որտեղ ձիերը հավասարաչափ ուժեղ են, ինչ և երկու փղերը: Սևերը, ամենայն հավանականությամբ, գերագնահատելով իրենց փղերի ուժը, մի քանի սխալ են թույլ տալիս վերջում և արդյունքում պարտվում:
Հաջորդ օրինակը, որ կներկայացնենք, պատկանում է գրոսմայստերներ Վիկտոր Կորչնոյ (սպիտակներով) - Ուլֆ Անդերսոն խաղին: Սպիտակները վերահսկում են խաղը, սակայն այնքան էլ շատ առաջընթաց չկա: Համաչափ և արգելափակված զինվորային կառույցում երկու փիղը չեն գերազանցում հակառակորդի ձիուն և փղին: Սակայն, սպիտակները կարող են վերահսկել` պարզապես պահպանելով թագուհուն : Կորչնոյը շարունակում է խաղը` 49.Թa8, ինչը սխալ էր նրա կողմից: Արդյունքում` մի քայլ հետո պարտված դիրք է ի հայտ գալիս:
Վերջին օրինակը, որ ընտրել ենք, տեղի է ունեցել երկու շախմատային լեգենդի միջև` Սամուել Ռեշևսկի (սպիտակներով)-Վոլտեր Բրաուն: Շատ բան կարելի է սովորել` հետևելով, թե ինչպես են սևերը խաղում երկու փղերի դեմ, ինչպես են պաշտպանում իրենց ձիու հենակետը և, այնուհետև, փորձում փոփոխել զինվորային կառույցը` հավասար դիրք ձեռք բերելու համար: Եվս մեկ անգամ կտեսնենք, թե ինչպես սպիտակները, գերագնահատելով երկու փղին, պարտվեցին, որտեղ կարելի էր ոչ-ոքի ունենալ:
Այսպիսով, կարելի է ասել, որ եթե նույնիսկ փղերի զույգը դիտվում է որպես առավելություն, միշտ էլ ձև կգտնվի պայքարելու նրանց դեմ. անհրաժեշտ է փակ պահել դիրքը և թուլացնել փղերին:
