Ժամանակակից շախմատում փղերի զույգը հիմնականում դիտարկվում է որպես դիրքային առավելություն: Մեր օրերում հաճախ կարելի է լսել հետևյալ ցուցումները ուսուցիչների կողմից` «պահիր փղերին» կամ «վերցրու հակառակորդի փիղը»: Այս տարրի կարևորությունն աճել է այն աստիճան, որ սկզբնախաղային առավել ընդունված տարբերակներում հիմնական նպատակ է դարձել փղերի զույգը ստանալը:
Սա առավել ակնհայտ է սլավոնական պաշտպանության դեպքում, երբ հետևյալ քայլերից հետո սպիտակները փորձում են ոչնչացնել սպիտակադաշտ փղին և պայքարել միջնախաղում և վերջնախաղում երկու փղերի դիրքային առավելությամբ`1. d4 d5 2. c4 c6 3. Ձf3 Ձf6 4. e3 Փf5 5. Ձc3 e6 6. Ձh4:
Փղերի զույգը խաղի ցանկացած փուլում հզոր առավելություն է: Օրինակ, արքայի դեմ հարձակման ժամանակ այն մահացու զենք կարող է լինել. փղերից մեկը ճնշում է գործադրում թիրախի վրա, մինչ մյուսը հարձակվում է պաշտպանող խաղաքարի վրա: Սակայն, հենց վերջնախաղում է, որ այն առավել ուժեղ է:
Այս հոդվածում մենք կցուցադրենք մի քանի օրինակ, թե ինչպես են հանդես գալիս երկու փիղը խաղի տարբեր իրավիճակներում:
Նախևառաջ եկե՛ք վերանայենք մի քանի կարևոր գաղափար, որ անհրաժեշտ է իմանալ, երբ խաղում եք փղերի զույգով:
Եկե՛ք այժմ հայացք նետենք փղերի զույգին երկու տարբեր դիրքերում`
1. Փղերի զույգը վերջնախաղում
Sosonko, Gennadi vs Smyslov, Vassily
2. Երկու փղերով հարձակում
Tiviakov, Sergei vs Kasparov, Gary
Svidler, Peter vs Kasparov, Garry
Այս չորս խաղում մենք ուսումնասիրեցինք այն հիմնական նյութերն ու մտքերը, որ կարող են առաջ գալ միջնախաղերում և վերջնախաղերում, երբ հանդես ենք գալիս երկու փղերով: Կան բազմաթիվ այլ օրինակներ, բայց վերը նշված այս հիմնական գաղափարներին ծանոթ լինելը կօգնի ձեզ գտնել ճիշտ որոշում ցանկացած նմանատիպ իրավիճակում: