Ոչ-ոքի անելու մի քանի տարբերակներ ևս կան, որոնք շատ հազվադեպ են պատահում շախմատում: Այս տարբերակներն ավելի սովորական են ուժեղ շախմատիստների համար, քան սկսնակների, և դրանք գտնելն ու ճանաչելը շատ բարդ է:
1) 50 քայլի կանոն: Եթե խաղի ժամանակ հանդիպում է հաջորդական 50 քայլեր առանց գրավման կամ զինվորային քայլի, ապա կողմերուց յուրաքանչյուրը կարող է ոչ-ոքի հայտարարել խաղը: 50 քայլ ասելով հասկանում ենք 50 քայլ կողմերից մեկի կատարմամբ, և ոչ թե 25 քայլ մի շախմատիստի կողմից, և ևս 50` մյուսի: Սովորաբար այն կողմն է օգտվում 50 քայլի կանոնից ոչ-ոքի հայտարարելու համար, որի մոտ խաղաքարերն ավելի քիչ են: Երբ գրանցում եք ձեր քայլերը, կարող եք նայել այդ բլանկին և տեսնել` կարող եք արդյոք օգտվել այդ կանոնից: Այնուհետև, հակառակորդին ասում եք, որ օգտվում եք 50 քայլի կանոնից և ցույց տալիս ձեր գրանցած քայլերը` ապացուցելու համար:
Իսկ ի՞նչ կասեք, եթե դուք չեք գրանցում խաղի քայլերը: Ինչպե՞ս հաշվել 50 քայլերը և ապացուցել հակառակորդին: Այս դեպքում, այն կողմը, որը որ շահագրգռված է օգտվելու այս կանոնից, պետք է հաշվի քայլերը: Դուք ասում եք ձեր հակառակորդին, որ օգտվում եք 50 քայլի կանոնից ոչ-ոքի արդյունքի համար, և հետո սկսում բարձրաձայն հաշվել յուրաքանչյուր քայլից հետո, որ արվում է: Դուք անում եք ձեր առաջին քայլը և ասում`մեկ, հետո հակառակորդն է անում իր քայլը, որից հետո դուք և ասում` երկու: Եթե կա գրավում կամ զինվորային քայլ, դուք պետք է նորից սկսեք: Եթե հաշվեք մինչև 50-ը առանց գրավման կամ զինվորային քայլի, ապա կարող եք ոչ-ոքի հայտարարել` օգտվելով այդ կանոնից: Իսկ եթե հակառակորդը ցանկանում է խուսափել այս կանոնից, մինչև 50 քայլը պետք է գրավում իրականացնի կամ զինվորային քայլ անի:
2) Կրկնություն: Եթե խաղի ընթացքում նույն դիրքը կրկնվում է երեք անգամ, և միևնույն կողմի հերթն է քայլ անելու, ապա կողմերից յուրաքանչյուրը կարող է ոչ-ոքի հայտարարել: Այս հնարավորությունից օգտվելու համար, պետք է գրեթե միշտ գրանցեք քայլերը, եթե իհարկե խոսքը չի գնում պարզ տարբերակի մասին, երբ երկու կողմն էլ նույն խաղաքարը հետ ու առաջ է տանում երեք անգամ:
Սովորաբար այն կողմն է օգտվում այս հնարավորությունից ոչ-ոքի հայտարարելու համար, որի մոտ խաղաքարերն ավելի քիչ են: Եթե հակառակորդը չի համաձայնվում, որ եղել է նույն դիրքի կրկնություն երեք անգամ, ապա դուք կարող եք ցույց տալ ձեր կողմից առված գրանցումը և ապացուցել: Իսկ եթե չեք գրանցում քայլերը, ապա կարող եք միայն հավատալ, որ հակառակորդն այդ աստիճան ազնիվ ու պրոֆեսիոնալ է: Պետք է միշտ արդար ու ազնիվ լինել:
3) Անվերջ շախեր: Եթե խաղի ընթացքում պարզվում է, որ կողմերից մեկը կարող է անվերջ շախ անել հակառակորդին, ապա նա կարող է ոչ-ոքի հայտարարել` օգտվելով անվերջ շախերի կանոնից: Այս դեպքը շատ ավելի դժվրար է ճանաչել, քան մյուս երկուսը: Որպես կանոն, եթե արքան տեղ չունի գնալու շախերից խուսափելու համար, ապա կարելի է ոչ-ոքի հայտարարել: Մյուս կողմը կարող է վերջ տալ այս անվերջ շախերին, եթե կարողանա շախերից խուսափելու ձև գտնել:
Սովորաբար այն կողմն է օգտվում այս հնարավորությունից ոչ-ոքի հայտարարելու համար, որի մոտ խաղաքարերն ավելի քիչ են: Կամ, կողմերից մեկը կարող է բախվել մատային սպառնալիքի, և միակ տարբերակը մատից խուսափելու և խաղը չկորցնելու համար կլինի ոչ-ոքին`օգտվելով անվերջ շախերի կանոնից: