Ինչպե՞ս ավելի լավ շախմատ խաղալ: Ուղեցույց բոլորի համար
Ինչպե՞ս ավելի լավ շախմատ խաղալ: Ուղեցույց բոլորի համար
Այս հարցը շատերին է հուզում` ի՞նչ անել ավելի լավ արդյունքներ ունենալու համար: Առաջին հերթին անհրաժեշտ է իմանալ, թե որ մակարդակում եք դուք հիմա գտնվում: Դա իրոք կարևոր է հասկանալու համար, թե ինչ ուսումնասիրել և ինչպես բարձրանալ ներկայիս վարկանիշային միավորից: Ստորև ներկայացված են այն կարևոր կետերը, որոնց վրա պետք է աշխատեն տարբեր մակարդակի շախմատիստները`
299-իցցածր` սովորե՛ք շախմատի հիմնական կանոնները, ինչպես են խաղաքարերը շարժվում և հատուկ կանոնները (փոխատեղում և այլն),
300-1000` սովորե՛ք շախմատի հիմնական գաղափարները, ինչպիսիք են շախը, պարզ հարձակումները և այլն,
1000-1199` սովորե՛ք սկզբնախաղային հիմնական գաղափարները: Սպիտակների համար խորհուրդ է տրվում խաղալ 1.e4 և սուր տարբերակներ` սևերի համար: Սովորե՛ք պարզ շախերը (Արքա + Թագուհի ընդդեմ Արքայի, Թագուհի + Թագուհի ընդդեմ Արքայի, Նավակ + Նավակ ընդդեմ Արքայի, Արքա + Նավակ ընդդեմ Արքայի): Սովորե՛ք և այնքան մարզվեք, որ համոզված լինեք, որ կարող եք մատ հայտարարել ցանկացածին նման դիրքերում (նույնիսկ գրոսմայստերներին),
1200-1399` ավելի շատ սկզբնախաղեր սովորե՛ք, բայց մի՛ կառչեք ամենահազվադեպ տարբերակներին: Դա կլինի ամենամեծ սխալը, որ շատ շախմատիստներ թույլ են տալիս սկզբնախաղեր սովորելիս. Սովորե՛ք այն սկզբնախաղերը, որ ոչ բոլորը գիտեն և ոչ բոլորն են խաղում առաջնություններում: Շախմատին հատկացվելիք ժամանակի 20%-ը ծախսեք սկզբնախաղերի վրա: Մինչև 1800 միավորը սկզբնախաղերն այնքան էլ կարևոր չեն, հետևաբար ավելի շատ ժամանակ հատկացրեք վերջնախաղերի և տակտիկական քայլերի վրա:
1400-1599` վերջնախաղերն այս փուլում շատ կարևոր են: Միայն պատկերացրեք` ինչ առավելություն կունենաք, եթե դուք իմանաք, թե ինչպես է պետք ճիշտ խաղալ վերջնախաղերը, իսկ ձեր հակառակորդը` ոչ: Նա գրեթե անմիջապես կպարտվի վերջնախաղը: Սովորե՛ք հիմնական վերջնախաղային սխեմաները` Արքա+զինվորներ ընդդեմ Արքայի, Արքա+ 2 զինվորներ ընդդեմ Արքայի, Արքա+ զինվոր ընդդեմ 2 զինվորի և այլն: Ինչքան հնարավոր է շատ խաղացեք շախմատ, հատկապես առաջնություններում (ահա այստեղ եք դուք շատ բան սովորում),
1600-1799` եթե հասել եք այս մակարդակին, ուրեմն արդեն շատ ուժեղ շախմատիստ եք, ով շատ լավ գիտեք շախմատի բոլոր փուլերի մասին: Շարունակե՛ք աշխատել միջնախաղերի, ռազմավարությունների և տակտիկաների վրա: Փորձե՛ք կույր շախմատ խաղալ: Այժմ շատ հեշտ է կույր շախմատ խաղալ, քանի որ շատ ծրագրեր կան, օրինակ` Chessmaster 10th: Իրականում դուք միայն տեսնում եք խաղատախտակն առանց խաղաքարերի, սակայն կարող եք շարժել դատարկ դաշտերը և շախմատ խաղալ (քանի որ գիտեք, որ ձիերը գտնվում են b1 և g1 դաշտերում, փղերը`c1 և f1 և այլն): Խաղի ժամանակ դուք պետք է մտապահեք բոլոր խաղաքարերը ձեր մտքում, քանի որ դրանք անտեսանելի են: Սկզբում խաղացե՛ք թույլ կողմում: Կույր շախմատը օգնում է զարգացնել շախմատիստի տեսողական պատկերացումը: Բոլոր գրոսմայստերներն էլ լավ են խաղում կույր շախմատ:
1800-1999` հիանալի է, դուք արդեն մասնագետ դառնալու ճանապարհին եք: Այժմ դուք պետք է համակարգեք սկզբնախաղային ձեր խաղացանկը: Դուք պետք է շատ լավ տիրապետեք 2-3 սկզբնախաղեր սպիտակներով խաղալու համար, և ևս 2-ը` սևերով խաղալու համար: Առաջ գնալու կարևորագույն գործոնը ձեր սեփական խաղերի վերլուծությունն է: Յուրաքանչյուր խաղից հետո նստե՛ք խաղատախտակի դիմաց, վերցրե՛ք թուղթ ու գրիչ և ևս մեկ անգամ անցեք ձեր և ձեր հակառակորդի քայլերի վրայով` գրի առնելով ձեր մտքերը: Եվ միայն հետո կարող եք ստուգել ձեր խաղը համակարգչային ծրագրով (Rybka, Fritz, և այլն): Առաջին սխալը, որ շախմատիստներն անում են այն է, որ նրանք կամ չեն վերլուծում իրենց խաղը, կամ դա անում են միայն համակարգչային ծրագրի միջոցով: Սա շատ մեծ սխալ է, ինչը դանդաղեցնում է շախմատային առաջընթացը: Հիմնական նպատակն է ինքնուրույն գտնել լավագույն քայլերը և ոչ համակարգչի միջոցով: Նաև լավ միտք է վերանայել գրոսմայստերների խաղերը: Այս բարձր մակարդակի խաղերը վերանայելու լավագույն միջոցն է նայել քայլերը սկզբում առանց հեղինակի մեկնաբանությունների, և միայն հետո արդեն կարդալ մեկնաբանությունները: Սա իրոք շատ է օգնում:
2000-2199: Շնորհավորում ենք: Այժմ դուք մասնագետ եք: Շարունակե՛ք զբաղվել շախմատով և համոզվա՛ծ եղեք, որ ամենաքիչը, որ ձեռք կբերեք, մաստերի կոչումն է:
