Ինչպե՞ս դիմակայել վտանգներին շախմատում
Ինչպե՞ս դիմակայել վտանգներին շախմատում
Շատ շախմատիստներ հարցնում են` ինչպես կարելի է ճիշտ որոշումներ կայացնել: Թվում է, թե շատ հեշտ է պատասխանել այս հարցին, բայց դա այդքան էլ այդպես չէ: Այն, ինչ մեկի համար շատ ակնհայտ է, մյուսի համար կարող է շատ բարդ լինել: Այս հարցերը խորը հիմքեր ունեն, որոնք կարող են մեկից ավելի ճիշտ պատասխաններ ունենալ:
Ինչպե՞ս նայել խաղատախտակին
Սա շատ լավ հարց է: Անհրաժեշտ է նայել խաղատախտակին և նկատել բոլոր խաղաքարերի դիրքերը: Ամեն ինչ շատ ակնհայտ է չէ՞ թվում: Բայց հիշե՛ք, թե քանի անգամ դուք կամ ձեր հակառակորդը չեք նկատել հակառակ կողմում գտնվող փղին, ով պատրաստ է առաջին իսկ հնարավորության դեպքում բռնել նավակին: Եթե կանոնավոր շախմատ խաղաք, նմանատիպ դեպքերը հաճախակի կդառնան: Երբ նայում եք խաղատախտակին, անհրաժեշտ է նկատել`
- Խաղաքարերի և զինվորների քանակը,
- Խաղաքարերի դիրքը,
- Բաց անկյունագծերն ու ուղղաձիգները և թե ում կողմից են դրանք գրավված,
- Արքայի և մյուս խաղաքարերի անվտանգությունը,
- Մարտավարական հնարավորությունները երկու կողմի համար էլ:
Սա միայն մոտավոր բնութագիրն է, որին ինքներդ կարող եք ավելացնել այլ կետեր ևս, օրինակ` ժամանակը, թույլ և ուժեղ դաշտերը, խաղաքարերի հնարավորությունները և այլն:
Տեսնելով ինչ-որ պատահական դիրք՝ դուք պետք է կարողանաք որոշ եզրահանգման գալ, ինչպիսիք են` ում դիրքն է ավելի լավը, ինչպես նաև ծրագրեր մշակել երկու կողմի համար էլ: Ինչքան ուժեղ լինի ձեր շախմատային ուժը, այնքան ավելի խորը վերլուծություն կարող եք անել կոնկրետ ժամանակահատվածում:
Ինչպե՞ս մարզվել` խաղատախտակն ավելի լավ «տեսնելու» համար: Ահա մի քանի տեխնիկա`
- Խնդիրներ լուծելու տակտիկաներ (տակտիկական խնդիրներ լուծելով դուք ոչ միայն կկարողանաք միասին օգտագործել շախմատի խաղաքարերը, այլ նաև կսովորեք տեսնել անկյունագծերը, ուղղաձիգները և ձիերի ուղիները),
- Կույր շախմատ խաղացե՛ք (ձեր շախմատային խաղերը բարելավելու համար կարող եք կույր շախմատ խաղալ թույլ համակարգչային հակառակորդի հետ):
Ի՞նչ անել հարձակման տակ և ինչպե՞ս դիմակայել սպառնալիքներին
Եկե՛ք նայենք ստորև բերված դիագրամին: Պատկերացրե՛ք, որ սպիտակների քայլն է և քայլ արեք: Իհարկե, ճիշտ քայլ կլինի փղով բռնել նավակին և հաղթել խաղը: Կարո՞ղ եք բացատրել այն սիստեմատիկ մոտեցումը, որն օգնեց ձեզ գտնելու խնդրի լուծումը:
Սիստեմատիկ մոտեցման գաղափարն է` նահանջել, խոչընդոտել և գրավել: Ձին այստեղ հարձակման տակ է, և կա 3 ճանապարհ` պայքարելու այս խնդրի դեմ: Արգելափակումն այստեղ այնքան էլ լավ միտք չէ, քանի որ եթե Փc4 և հետո …Նxc4, կշահի փղին և կշարունակի հարձակվել ձիու վրա: Ձիուն հեռու պահելը լավ միտք է (Ձe3 or Ձb6), քանի որ դրանով կփրկենք ձիուն: Բայց միգուցե ավելի լավ եղանակ կա՞: Փիղը վերցնում է նավակին (Փxh4) և հաղթում խաղը, և հետևաբար` սա լավագույն ձևն է: Դիմելով սիստեմատիկ մոտեցմանը` մենք կարողացանք լուծել այս խնդիրը: Դժվար չէր այստեղ գտնել ճիշտ քայլը, բայց այս տեխնիկան կարող է օգնել նաև բարդ դիրքերում գտնել ճիշտ քայլը: Եվ այսպես, ի՞նչ կասեք, եթե փոխենք մի փոքր այս դիրքը և ստանանք այն դիրքը, որը ներկայացված է 2-րդ դիագրամում: Այստեղ սպիտակ ձին կրկին կախված է, բայց Փxh4 միգուցե ամենաուժեղ քայլը չէ: Պետք է հաշվի առնենք մեկ այլ շատ կարևոր գործեն` սպառնալիք Արքայի նկատմամբ: Լավագույն քայլն այստեղ կլինի Նa1#, որը կհաղթի խաղը մատային քայլով:
Այսպիսով, ինչպե՞ս գտնել լավագույն քայլը: Իհարկե կարող ենք դիմել սիստեմատիկ մոտեցմանը` հերթականությամբ ստուգելով բոլոր քայլերը: Առաջին հերթին փորձում ենք հասկանալ` կարող ենք արդյոք շախ հայտարարել հակառակորդի արքային կամ հարձակվել ավելի արժեքավոր խաղաքարի վրա, հետո` կարող ենք արդյոք բռնել հարձակման ենթարկված խաղաքարը, այնուհետև` արգելափակել սպառնալիքը` խաղաքարը դնելով մեջտեղում: Սակայն, երբ դուք ձեռք բերեք բավականին փորձ, կկարողանաք պարզապես «զգալ», թե որն է լավագույն քայլն այստեղ, կխուսափեք ավելորդ քայլերից և նավակի միջոցով կհաղթեք խաղը` նրան մատ հայտարարելով: Նմանատիպ «բնազդային մեթոդի» առավելությունը պարզ է. այն ավելի արագ է և օգնում է ժամանակ խնայել: Սակայն, երբ այն ձախողվում է, կարող եք պարտվել:
Ո՞ր մոտեցումն է ավելի լավը: Այնքան էլ լավ միտք չէ վերլուծել դիրքն ամբողջությամբ հենց միայն այն պարզ պատճառով, որ ժամանակը սուղ է: Եթե մենք չափից շատ ժամանակ հատկացնենք յուրաքանչյուր քայլի վերլուծման վրա, կարող ենք չհասնել 20-րդ քայլին, և հակառակը, եթե չվերլուծենք քայլերը, կհասնենք այդ 20-րդ քայլին, սակայն քիչ խաղաքարերով: Երկու դեպքում էլ, ամենայն հավանականությամբ, կպարտվենք: Լավագույն տարբերակը ոսկե միջինն է: Ամբողջությամբ վերլուծեք քայլը, երբ կա դրա անհրաժեշտությունը: Այլ դեպքերում արագ վերլուծեք քայլերը և քիչ վստահեք ներքին զգացողություններին: Այսպիսով կարող ենք ժամանակ խնայել ավելի բարդ իրավիճակների համար:
