Այսօր մենք կփորձենք ուսումնասիրել <<օնլայն շախմատ>> թեման՝ խոսելով այն ստրատեգիաների մասին, որոնք քեզ կօգնեն դառնալ ավելի հաջող օնլայն շախմատիստ։
Ո՞րն է տարբերությունը իրական խաղատախտակի և օնլայն շախմատի միջև։ Հիմնական տարբեությունն այն է, որ օնլայն շախմատ խաղալիս դու չես կարող տեսնել քո հակառակորդին և նա չի կարող տեսնել քեզ։ Շատերի համար դա կարող է առավելություն լինել, քանի որ չեն խանգարի ոչ շախմատային գործոնները։ Համենայն դեպս, որոշ շախմատիստների համար կարող է ճիշտ հակառակը լինել․ ձեզանից քանի՞սն են իսկապես լրջորեն վերաբերվում օնլայն շախմատին և միաժամանակ բրաուզերում չեն բացում այլ էջեր, մինչ հակառակորդը մտածում է ինչ քայլ անել։
Մարդկանց մեծ մասը օնլայն շախմատին լուրջ չի վերաբերվում այնպես, ինչպես <<իրական>> շախմատին։ Նրանք, ովքեր լուրջ են վերաբերվում, այն մարդիկ են, ովքեր իրական խաղատախտակի առջև հիմնականում չեն խաղում։ Իրական խաղատախտակի առջև խաղացողները օնլայն շախմատին վերաբերվում են որպես զվարճանք, որը թուլյ է տալիս նոր քայլեր, նոր սկզբնախաղեր փորձարկել։
Օնլայն շախմատի ստանդարտ ժամանակը հիմնականում 15 րոպե է։ Շատերը խաղում են 5 րոպե բլից կամ նույնիսկ 1 րոպե կայծակնային։ Եթե ցանկանում ես հաջողության հասնել 15 կամ 5 րոպե բլից խաղերում, պետք է կարողանաս լավ քայլեր խաղալ արագ տեմպով, քանի որ պարտիաներից մեծ մասի արդյունքը որոշում է ժամանակը։ Ժամանակը շատ կարևոր գործոն է օնլայն պարտիաներում։ Սովորիր լավ վերահսկել ժամանակը և դու կհաղթես ավելի շատ պարտիաներ, քան կարող էիր պատկերացնել։ Արագ շախմատ խաղալու հնարքը արագ տեմպով կիսալավ քայլեր խաղալն է՝ դիրքը երկար վերլուծելու ու լավագույն շարունակությունը գտնելու փոխարեն։ Լավ միտք կլինի խաղալ՝ օգտվելով այնպիսի հնարավորությւններից, ինչպիսիք են ուշացումը (ժամանակը մի քանի վայրկյանով դանդաղեցնում է) և ավելացումը (ժամանակին մի քանի վայրկյան ավելացնում է)։
Քանի որ մենք խոսեցինք օնլայն շախմատում ժամանակի կարևորության մասին, պետք է նշենք մի պարզ հնարք, որը կօգնի պահպանել թանկարժեք վայրկյաններ։ Այն կոչվում է նախնական քայլ։ Սա նշանակում է, որ դու կարող ես ծրագրին հայտնել, թե ինչ քայլ կատարի քո հակառակորդի քայլից անմիջապես հետո։ Օրինակ ֆիգուր փոխանակելիս գիտես, որ հակառակորդդ պետք է վերցնի քո ֆիգուրը, այնուհետև դու վերցնես իր ֆիգուրը։ Դու կարող ես այդ քայլը նախապես անել՝ խնայելով ժամանակդ։