Ակնհայտ է, որ շախմատային ծրագրերը մեծ ընդունելություն են գտել տարբեր մակարդակների շախմատիստների մոտ: Սակայն, ի՞նչ կա այս ժամանակակից ծրագրերի մեջ` Rybka, Fritz, Junior, Crafty, Shredder, zillion և այլն: Ինչպե՞ս կարելի է կիրառել այս ծրագրերը` բարելավելու ձեր խաղը:
Եթե այս թեման հետքրքրեց ձեզ, շարունակե՛ք ընթերցել:
Ամենառաջինն այստեղ այն է, որ շախմատային ծրագրերը ձեզ հնարավորություն են տալիս շախմատ խաղալ ցանկացած պահի, նույնիսկ գիշերվա ուշ ժամերին և հետևել ձեր առաջընթացին: Եթե դուք ունեք 1300 միավոր, պետք չէ խաղալ 2900 միավոր գնահատվող Deep Fritz-ի հետ: Իհարկե կարող եք մի քանի խաղ խաղալ հաճույքի համար, սակայն, անկասկած, հաշվի առնելով միավորների միջև գոյություն ունեցող նման տարբերությունը, դուք նույնիսկ չեք հասկանա, թե ինչու եք շարունակում պարտվել 20-րդ քայլում խաղը խաղի հետևից: Նման խաղից դուք այնքան էլ շատ բան չեք սովորի: Սա նման կլինի մի իավիճակի, եթե փորձեզ հասնել Ferrari-ի հետևից հնաոճ հեծանվով: 2900 միավոր գնահատված Fritz-ի վրա ժամանակ վատնելու փոխարեն հարմարացրեք այն ձեր մակարդակի հետ: +300 կետը պետք է որ հարմար լինի, այն է` եթե դուք ունեք 1300 միավոր, լավ կլինի խաղալ 1300 + 300 մ.= 1600 ծրագրի հետ` իրական հնարավորթյուններ ունենալու համար: Հետևե՛ք խաղի ընթացքին և փորձե՛ք հասկանալ երկու կողմի սխալներն էլ: Ահա սա է շախմատային ծրագերի գլխավոր հատկությունը. այն ցուցադրում է կոնկրետ դիրքի վերլուծությունները, այն է` ծրագիրը ցույց է տալիս, թե որտեղ եք դուք կամ ձեր հակառակորդը սխալ թույլ տվել: Նմանատիպ վերլուծություններից կարող եք օգուտ քաղել և հետագայում բարելավել ձեր խաղը: Երբ սկսում եք հաղթել ծրագրին, ավելացրեք դրա ուժը:
Էլ ի՞նչ կարելի է անել այս ծրագրերի հետ` խաղալուց և վերլուծելուց բացի: Շախմատային մասնագետները խորհուրդ են տալիս խաղի նման տարբերակ` ծրագրին տվեք վերջնախաղային դիրք` Արքա + 8 զինվոր ընդդեմ Արքա + 6 զինվոր, դրեք այն ամենաուժեղ մակարդակում և խաղացեք ուժեղ կողմում (8 զինվորներով): Արդյո՞ք կարող եք հաղթել: Եթե հաղթեք, ավելացրեք ձիեր և նավակներ և նորից փորձեք: Սա շատ լավ պրակտիկ տարբերակ է, ինչը կօգնի ձեզ ավելի լավ հասկանալ վերջնախաղային և զինվորային կառույցները:
Մեկ այլ զվարճալի և միևնույն ժամանակ օգտակար տարբերակ է անհավասար պայմաններում ուժեղ ծրագրի հետ խաղալը: Հեռացրեք նավակների զույգը, թագուհուն և, եթե դուք ուժեղ շախմատիստ եք, ձիուն և փորձեք հաղթել 2900 ELO Fritz-ին: Փորձեք այս տարբերակը, երբ ազատ ժամանակ ունենաք, քանի որ այն այնքան էլ հեշտ չէ, ինչքան որ թվում է: Համակարգչային ծրագիրը կարող է լինել ձեր և՛ ամենահամբերատար ուսուցիչը, և՛ ուժեղագույն հակառակորդը: Այս ծրագրերն առաջարկում են նաև տարբեր գլուխկոտրուկներ, սկզբնախաղային և վերջնախաղային դասեր, մարտավարական վարժություններ, ինչպես նաև վիդեո դասախոսություններ` ուժեղագույն գրոսմայստերների կողմից:
Առավելագույնս օգուտ քաղե՛ք ժամանակակից տեխնոլոգիաներից` բարելավելու շախմատի ձեր մակարդակը: Կարող եք առաջին հերթին ձեռք բերել օրինակ Rybka և Zappa ծրագրերի անվճար տարբերակներն ու այնուհետև որոշել, թե որն է առավել համապատասխանը ձեզ: