Դու հավանաբար շատ անգամ ես տարբեր շախմատիստներից և մարզիչներից լսել, որ խաղդ լավացնելու համար պետք է այս կամ այն բանն անես։ Իսկ եթե դու արդեն փորձել ես այդ ամենը և այն քեզ համար չի գործել, նշանակում է պետք է հիասթափվես ու ընդմիշտ հրաժե՞շտ տաս շախմատին: Հավանաբար՝ ոչ։
Ի՞նչ ես կարծում, ինչպիսի շախմատիստների հետ պետք է խաղաս, որպեսզի լավացնես խաղդ․ քեզ համարժեք խաղացողների հե՞տ, քեզնից 100, 200 կամ 400 միավոր ավել ունեղոցների հե՞տ։ Մտածե՛ք մի պահ։
Պատասխան՝ միանշանակ ոչ նրանց հետ, ովքեր քո ուժին համապատասխան խաղացողներ են։ Եթե ցանկանում ես <<հետաքրքիր>> պարտիա խաղալ, ապա խաղա նրանց հետ, ովքեր 100, 200 միավորով ավելի ուժեղ կամ ավելի թույլ են քեզանից։ Կամ կհաղթես, կամ կպարտվես։ Քեզանից գոհ կլինես, բայց ոչ մի նոր բան չես սովորի։ Ինչու՞, որովհետև նրանք նույնպես մտածում են այնպես, ինչպես դու։ Եթե իսկապես ցանկանում ես լավացնել խաղդ, խաղա նրանց հետ, ովքեր 400 միավորով ավելի բարձր են։ Դա քո ուղեղի համար լավ խթան կլինի և դու կգնաս առաջխաղացման ճանապարհով։
Երբեք չեմ մոռանա մի տարեց շախմատի վարպետի խոսքերը, ով ինձ ասաց, որ ինքը ավելի շատ պարտիաներ է պարտվել, քան ես խաղացել եմ իմ ամբողջ կյանքում, և այսպիսով նա հաջողության է հասել։ Բանաձևը պարզ է․ ինչքան շատ պարտիաներ ես պարտվում, այնքան շատ շախմատ ես սովորում։
<<Շախմատիստների մեծ մասը չի սիրում պարտվել՝ այն համարելով ամոթալի։ Սա սխալ մտածելակերպ է։ Նրանք, ովքեր ցանկանում են կատարելագործվել, պետք է պարտություններին վերաբերվեն որպես դասեր և այդ պարտություններից սովորեն, թե հետագայում ինչից է պետք խուսափել>>։ - Կապաբլանկա
Համենայնդեպս, դու պետք է պարտիայում քեզ լավագույն ձևով դրսևորես ու պայքարես մինչև պարտիայի ավարտը։ Նաև գրի առ քայլերը վերլուծելու և սխալներից դասեր քաղելու համար։ Միայն այդ դեպքում դու կկատարելագործվես շախմատում։
Եթե դու հետևես առաջին խորհրդին և խաղաս քեզանից 400 միավորով ուժեղ շախմատիստների հետ, ապա քո խաղացած պարտիաների 95%-ում պարտություն կկրես։ Հաջողակ կլինես, եթե 10 պարտիայից 1-ը ոչ-ոքի ավարտես։ Ամեն դեպքում, սա չպետք է քեզ հիասթափեցնի։
Պետք է մտածել, որ յուրաքանչյուր ձախողում քեզ մեկ քայլով մոտեցնում է հաջողությանը։ Եթե սովորես մոտիվացիադ չկորցնել և աշխատես պարտված պարտիաներիդ վրա, ապա կդառնաս ուժեղ շախմատիստ։
<<Եթե ցանկանում ես հաջողության հասնել, ապա պետք է չվախենաս պարտվելու ռիսկից>> - Գարի Կասպարով
Եթե ցանկանում ես ունենալ 1200 ԷԼՈ, շախմատի մասին խոսիր 1200 ԷԼՈ ունեցող շախմատիստներ հետ։ Եթե ցանկանում ես 1500 ԷԼՈ ունենալ, ապա՝ 1500 ունեցողների հետ։ Եթե ցանկանում ես վարպետ դառնալ, ապա շախմատային քննարկումներ անցկացրու վարպետների հետ։
Երբ սկսես հետևել այս խորհրդին, ինքդ էլ կզարմանաս, թե ինչպես կփոխվի քո միտքը։
ՈՒժեղ խաղացողների պարտիաներն ուսումնասիրելն ու անձամբ իրենց հետ քննարկելը հավանաբար դժվար է։ Այն ինչ կարող ես անել, ավելի թույլ խաղացողների պարտիաներն ուսումնասիրելն ու նրանց խաղը վերլուծելն է։ Սովորիր նրանց սխալներից և մի մտածիր այնպես, ինչպես նրանք են մտածում։