Հարձակման 7 ամենակարևոր սկզբունքները
Հարձակման 7 ամենակարևոր սկզբունքները
Այսօր կխոսենք ամենահետաքրքիր թեմայի` հարձակման մասին: Միշտ հիշե՛ք, որ հարձակումը պաշտպանության լավագույն ձևն է: Հարձակման լավ պլան մշակելու համար անհրաժեշտ է իմանալ այս 7 ամենակարևոր սկզբունքը:
1. Ձեր քայլով միշտ սպառնալի՛ք ստեղծեք:
Հարձակման ամենակարևոր սկզբունքներից մեկը յուրաքանչյուր ձեր քայլով սպառնալիք ստեղծելն է: Երբ հակառակորդի համար սպառնալիքներ եք ստեղծում, նրան ժամանակ չեք տալիս իրականացնելու իր սեփական ծրագրերը, քանի որ առաջին հերթին նա պետք է կենտրոնացնի իր ռեսուրսները այդ իրավիճակից դուրս գալու համար: Միշտ փորձե՛ք այնպիսի քայլ անել, որով կխաթարեք հակառակորդի անվտանգությունը:
Նայե՛ք ստորև ցուցադրված դիրքը: Թվում է, թե սպիտակները կորուստ են ունենալու, քանի որ նրանց թագուհին, 2 զինվորները և ձին վտանգի մեջ են: Եթե պասիվ խաղ ցուցաբերեն, սպիտակները կկորցնեն զինվորին և իրենց առավելությունը: Սպիտակները, սակայն, գտնում են ուժեղ հակահարված հասցնող քայլ` 1. Թg3!: Այս քայլը ոչ միայն պաշտպանում է նրանց ձիուն, այլև սպառնալիք ստեղծում սևերի ձիու համար, ինչպես նաև պատրաստվում հարձակման թագուհու դեմ (Ձh5+ -ից հետո): Կորուստ ունենալու հերթը սևերինն է:.
խաղում են սպիտակները
2. Օգտվե՛ք ձեր հակառակորդի թույլ կողմերից:
Թույլ կողմը կարող է արտահայտվել տարբեր ձևերով: Եթե ձեր հակառակորդն ունի թույլ կողմ, անհրաժեշտ է համալրել ձեր ուժերը և հարձակվել:
Ստորև բերված օրինակում նյութական հավասարություն է տիրում: Սակայն, սևերն ունեն շատ թույլ հետ մնացած c7 զինվոր: Սպիտակները համալրում են իրենց ուժերը և մաքսիմալ ճնշում գործադրում զինվորի վրա:
Սիրողական շատ շախմաիստներ չեն հասկանում, որ այստեղ հիմնական միտքն այն է, որ նույնիսկ եթե սպիտակները չեն կարող շահել c7-զինվորին, նրանք մեծ առավելություն են ստանում խաղաքարերի գործունեության մեջ: Համեմատե՛ք սպիտակ և սև խաղաքարերի դիրքերը: Դիրքը սպիտակների համար տեխնիկապես հաղթած է:
խաղում են սպիտակները
3. Պատրաստե՛ք ձեր խաղաքարերը հարձակումից առաջ:
Նախքան մեծամասշտաբ հարձակում գործելը անհրաժեշտ է նախապատրաստվել: Նախապես չպլանավորված հարձակումը կարող է շատ թանկ նստել ձեզ վրա: Խաղաքարերը հարձակման տարածքում կենտրոնացնելը կմեծացնի ձեր հաղթանակի հավանականությունը, քանի որ ճիշտ պահին անհրաժեշտ ռեսուրսներ կունենաք:
Ստորև բերված օրինակում սևերը հարձակվում են արքայական թևում. նրանք խաղում են 1.Թh2` բերելով թագուհուն h ուղղաձիգ և սպառնալով արքայի անվտանգությանը: Հաջորդիվ, սպիտակները կխաղան հավանաբար 2.Ձe5 զինվոր շահելու փոխարեն` կենտրոնանալով արքայական թևի վրա և չմտածելով փոքր նյութական ձեռքբերման մասին:
Շախմատային շատ դիրքերում չշտապելը շատ կարևոր հասկացություն է: Շատ ավելի լավ է նախապատրաստվել հարձակմանը և մատ հայտարարել հակառակորդին, քան պարզապես շահել մեկ զինվոր:
խաղում են սպիտակները
4. Հարձակվելիս ձգտե՛ք ստեղծել բաց ուղղաձիգեր, շարքեր և անկյունագծեր:
Չնայած, որ այս կանոնը շատ տրամաբանական է, այնուամենայնիվ շատ շախմատիստներ անտեսում են այն: Հարձակման առաջընթացի համար անհրաժեշտ է բացել դիրքը` հետագայում թույլ տալով ձեր փղերին և նավակներին օգտվել այդ բաց տարածությունից:
Ստորև ներկայացված դիրքում սևերը չեն փայլում դիրքը բացելով և բավարարվում են մի քանի զինվորների շահումով: Այս քայլով թագուհին և արքան անապահով դիրքում են հայտնվում: Սպիտակները խաղացին1.d4!` առավելություն ձեռք բերելով սևերի արքայի խոցելի դիրքում: Հիմնական նպատակն այստեղ e-ուղղաձիգը ազատելն է, ինչպես նաև նավակին և թագուհուն հարձակման մեջ ներառելը: Սևերն արդեն իսկ դժվարին իրավիճակում են:
խաղում են սևերը
5. Հիմնական պաշտպանների փոխանակում:
Հակառակորդի դիրքում հիմնական պաշտպանների փոխանակումը կարող է ուժեղացնել հարձակումը: Հիշե՛ք, որ հիմնական պաշտպանը կարող է ամենևին էլ ամենաուժեղ խաղաքարը չլինել:
Եկե՛ք հայացք նետենք ստորև բերված դիրքին: Սպիտակները հարձակում են պատրաստել արքայական թևում` բացելով h-ուղղաձիգը և կրկնապատկելով նավակները: Սակայն, սպիտակները չեն կարող առաջ գնալ h8, քանի որ սև վանդակում գտնվող սևերի փիղը պաշտպանում է այդ կարևոր դաշտը: g7 փիղն այս դիրքում առանցքային պաշտպան է: Սպիտակների նպատակն է փոխանակել այն: Հետևաբար, քայլն ակնհայտ է`1.Փc3!:
խաղում են սպիտակները
6. Եթե նախաձեռնությունը ձերն է` խուսափե՛ք փոխանակումներից:
Այս կանոնը կարող է հակասել նախորդին: Թու՛յլ տվեք, սակայն, պարզաբանել այն:
Նույնիսկ եթե դուք պետք է փոխանակեք հակառակորդի դիրքում հիմնական պաշտպանին, այնուամենայնիվ, պետք է խուսափել ոչ անհրաժեշտ փոխանակումներից, քանի որ դա շահավետ կլինի ձեր հակառակորդի համար: Ինչքան քիչ լինեն խաղաքարերը, այնքան քիչ կլինի հարձակման հնարավորությունները և հետևաբար անհանգստանալու քիչ առիթ կլինի: Սա այն չէ, ինչին պետք է ձգտենք:
Ստորև ներկայացված դիրքում սպիտակները նշանակալի առավելություն ունեն`ավել են մեկ զինվորով և սպիտակներն ունեն ակնհայտ թույլ դիրք արքայական թևում: Սպիտակները պետք է խուսափեն թագուհուն զոհաբերելուց և հաջորդիվ նավակը g3 տանելուց:
խաղում են սպիտակները
7. Հարձակվե՛ք խաղատախտակի երկու կողմում էլ:
Սա շատ կարևոր տեխնիկա է, որ պետք է կիրառեք ձեր սեփական խաղերում: Երբ ձեր հակառակորդին հաջողվում է պաշտպանվել խաղատախտակի մի կողմում, վերադասավորեք ձեր խաղաքարերը մյուս կողմում և շարունակեք հարձակումը: Ստորև բերված օրինակում սևերը գերազանց պաշտպանում են թագուհու թևը երկու նավակներով և արքայով: Հետևաբար, սպիտակները փոխում են հարձակման ուղղությունը և տեղափոխում իրենց խաղաքարերը h ուղղաձիգ` ձեռք բերելով նյութական առավելություն:
խաղում են սպիտակները
