5 բան, որոնցից անհրաժեշտ է խուսափել
5 բան, որոնցից անհրաժեշտ է խուսափել
Շախմատը շատ բարդ խաղ է: Այն հիմնված է որոշակի կանոնների, կամ սկզբունքների վրա, որոնք նշանակալիորեն կարող են պարզեցնել ձեր գործը` որպես շախմատիստ: Այսօր կփորձենք ներկայացնել այն 5 կետերը, որոնցից անհրաժեշտ է խուսափել խնդիրների առջև չկանգնելու համար: Դրանցից յուրաքանչյուրը ժամանակին քննվել է և ճիշտ կիրառության դեպքում կարող է փրկել ձեր շատ խաղեր և վարկանիշային միավորներ: Ահա դրանք`
Խուսափե՛ք ձեր արքայի հարևանությամբ գտնվող զինվորներին առաջ տանելուց
Արքային պաշտպանող զինվորներին առաջ տանելը այնքան էլ լավ միտք չէ, քանի որ արքան դառնում է ավելի խոցելի հարձակումների ժամանակ: Շատ հեշտ է քայքայել արքայական թևի զինվորների կառույցը և շատ ավելի դժվար դա վերականգնել: Խաղի ժամանակ հաճախ կարող եք գայթակղվել շարժելու ձեր զինվորները հակառակորդի խաղաքարերը բռնելու համար, սակայն անհրաժեշտ է ճիշտ գնահատել դիրքը և հասկանալ` արդյոք դա այդքան կարևոր է: Եթե ոչ, ապա խուսափեք նմանատիպ քայլերից:
Ստորև ցուցադրված դիրքում, սպիտակները խաղում են 1.g4: Այս քայլի տրամաբանությունը հեշտ է հասկանալ. սպիտակները ցանկանում են հեռու վանել սպիտակ դաշտում գտնվող սևերի փղին: Սակայն խնդիր կա այստեղ. այս քայլով սպիտակները թուլացնում են արքայաթև կողմը:
Քանի որ սպիտակների սպիտակ դաշտի փիղը բացակայում է, e4, f3, g2 և h1 դաշտերը թույլ են:
խաղում են սևերը
Մի՛ ծանրաբեռնեք ձեր խաղաքարերը
Ծանրաբեռնված են համարվում այն խաղաքարերը, որոնք պետք է կատարեն մեկից ավելի առաջադրանք: Այս տերմինը հիմնականում վերագրվում է այն խաղաքարերին, որոնք միաժամանակ պաշտպանում են մեկից ավելի խաղաքար : Այս փաստը կարող է հանգեցնել նյութական կորուստների և ոչ հաճելի իրավիճակների: Ստորև ցուցադրված դիրքը դասական օրինակ է, երբ չարաշահում են խաղաքարերը: a8 դաշտում գտնվող նավակը ստանձնել է երկու շատ կարևոր առաջադրանք` պաշտպանել հետին շարքը և հսկել թագուհուն:
Սպիտակները շահագործում են ծանրաբեռնված խաղաքար հասկացությունը` խաղալով 1.Նd8+ `զոհաբերելով նավակը և շահելով թագուհուն հաջորդ քայլում:
խաղում են սևերը
Խուսափե՛ք չնախատեսված շախերից
«Շախը» շախմատում ամենաստիպողական քայլն է համարվում: Եթե ձեր արքան գտնվում է շախային դիրքում, ձեր առաջնային նպատակը պետք է լինի հետաձգել ձեր բոլոր ծրագրերը և անվտանգ դաշտ տեղափոխել ձեր արքային: Հաճախ չնախատեսված շախերը կարող են հանգեցնել այլ տակտիկական քայլերի, օրինակ` պատառաքաղ հնարքը կամ կրկնակի հարվածը, ինչը շախն ավելի վտանգավոր է դարձնում: Խնդիրներից զերծ մնալու համար անհրաժեշտ է անվտանգ պահել ձեր արքային` խուսափելով պատահական շախերից:
Ստորև բերված օրինակում սևերը չեն հետևում մեր խորհրդին և կրում են նյութական վնաս` շախմային պատառաքաղ հնարքի շնորհիվ:
խաղում են սևերը
Խուսափե՛ք ինքնաբուխ զոհաբերություններից
Լավ հաշվարկված զոհաբերությունը կարող է ձեզ հաղթանակ պարգևել, մինչ վատ հաշվարկվածը ամենայն հավանականությամբ ձեզ կտանի դեպի պարտություն: Ցավոք, երկրորդ տեսակի զոհաբերություններն ավելի հաճախ են պատահում սիրողական շախմատում: Եթե դուք Մագնուս Կարլսենը չեք, ով ունի բավականին լավ զարգացած ինտուիցիա, դուք պետք է ամենայն ուշադրությամբ հաշվարկեք ձեր բոլոր զոհաբերությունները ոչ թե մեկ, այլ գոնե երկու անգամ: Լավ է լինել ապահովված, քան պարտված:
Եկե՛ք հայացք գցենք ստորև բերված օրինակին: Սպիատկները խաղացել են 1.Ձxh7 ` կարծելով, թե ունեն հարձակում: Սակայն, նրանք լավ հաշվարկ չեն արել: Սևերը պատասխանում են 1…Փxh2+ և հետո 2.Աxh2 Թh4+ 3.Աg1 Ձg4 և հաղթում խաղը:
խաղում են սևերը
Խուսափե՛ք զարգացած փղերին փոխանակելուց
Մեր օրերում շատ շախմատիստներ խաղում են այսպես կոչված ժամանակակից շախմատային սկզբնախաղեր` զարգացնելով փղերից մեկին կամ նույնիսկ երկուսին: Զարգացնելով փղերին` դուք ապահովում եք ձեզ արժեքավոր ռեսուրսով. փղերը վերահսկում են անկյունագծերը: Սակայն, պետք է հիշենք, որ զինվորների զարգացած կառույցը թույլ է առանց փղերի պաշտպանության: Այդ իսկ պատճառով, անհրաժեշտ է խուսափել այդ փղի փոխանակումից:
Ստորև բերված դիրքում սևերը սխալ են անում և թույլ տալիս փոխանակել կարևոր g7 փիղը: Նկատե՛ք, որ սևերի փիղը չի կարող խուսափել փոխանակումից, որովհետև այն կապված է շատ ավելի արժեքավոր խաղաքարի` f8 նավակին:
խաղում են սևերը
