Շախմատիստների մեծ մասին հանդիպող 3 խնդիր - ChessSchool

Շախմատիստների մեծ մասին հանդիպող 3 խնդիր

Շախմատիստների մեծ մասին հանդիպող 3 խնդիր

   Այս հոդվածում մենք կծանոթանանք այն հաճախ հանդիպող խնդիրներին, որ շախմատիստների մեծ մասը հանդիպում է իրենց շախմատային ուղու սկզբում։ Մենք չենք կենտրոնանա սկսնակների վրա, ովքեր դեռ նոր են սովորել, թե ինչպես են քայլում շախմատային ֆիգուրները։ Մենք կխոսենք, թե ինչպիսի խնդիրների առջև են կանգնում իրենց խաղը բարելավող շատ խաղացողներ։ Եկեք լուծենք այս խնդիրները մեկ առ մեկ։

 

   Խնդիր 1․ նրանք չգիտեն ինչքան ժամանակ տրամադրել պարապելուն և ինչքան խաղալուն

   Շատ խաղացողներ այն խնդրի առաջ են կանգնում, որ չգիտեն, թե ինչքան ժամանակ պետք է ծախսել շախմատ խաղալու և ինչքան ժամանակ պարապելու համար։ Նրանք կարծում են, որ ինչ-որ կախարդական թիվ կա, որը հանկարծակի փոփոխություններ կմտցնի իրենց շախմատային կյանք։ Ճշմարտությունն այն է, որ չկա նման թիվ։ Հիշեք, որ ոչ թե պարապելու քանակն է կարևոր, այլ՝ որակը։

   Եթե դու իսկապես լուրջ ես տրամադրված, կառաջարկեինք գրեթե միևնույն չափով ժամանակ ծախսել և՛ պարապելու, և՛ խաղալու վրա։ Մի՛ կատարեք շատ շախմատիստների սխալը, ովքեր չափազանց շատ են սովորում՝ առանց խաղալու։ Առանց սովորելու խաղալը նույնպես քեզ ավելի ուժեղ չի դարձնի։ Որոշ շախմատիստներ համամիտ չեն լինի ու կասեն, որ իրենք խաղալով են սովորում։ Դա կարող է գործել, եթե նպատակը 1600-ի հասնելն է և ոչ ավելի։ Եթե դու նպատակ ունես 2000-2200 հասնելու, քեզ պետք է շատ ավելին, քան ուղղակի խաղալը։ 

 

Խնդիր 2․ Նրանք չգիտեն՝ ինչ սովորել

   Երբ մենք հստակ գիտենք, թե ինչքան ժամանակ է պետք ծախսել պարապելու վրա, հիմա պետք է քննարկենք ամենակարևոր խնդիրը, որ շատ շախմատիստների առաջ է կանգնում։ Նրանք չգիտեն, թե ավելի լավ խաղալու համար ինչ է պետք սովորել։ Արդյո՞ք պետք է գնել սկզբնախաղերի, միջնախաղերի մի կապոց գիրք, վերջնախաղի ձեռնարկներ և սկսել բոլորը զուգահեռաբար սովորել, թե պետք է վերցնել մեկ գիրք և վերջացնել այն։ Առաջին դեպքում խնդիրն այն է, որ դու երբեք չես ավարտի սկսածդ գրքերից ոչ մեկը։ Ամենահայտնի սցենարն այն է, որ դու կկարդաս յուրաքանչյուր գրքից 10-15 էջ և ամբողջությամբ մի կողմ կդնես՝ առանց խաղդ լավացնելու։ Երկրորդ տարբերակի խնդիրն այն է, որ դու կծախսես շաբաթներ ու, միգուցե, ամիսներ՝ սկզբնախաղերի մեկ գիրք ուսումնասիրելու համար՝ առանց էական փոփոխություններ տեսնելու։ Սա բավականին վհատեցնող է։ Սա, իհարկե, ավելի ճիշտ մոտեցում է, քան առաջինը, բայց ամեն դեպքում այն շատ ժամանակ է ծախսում։ Մինչև դու օրական ժամեր չծախսես շախմատի վրա, չպետք է առաջխաղացում ակնկալես։

Ցանկալի կլինի, որ դու այնպիսի նյութերով պարապես, որոնք կներառեն շախմատի բոլոր 3 փուլերը․

-Սկսզբնախաղ

-Միջնախաղ

-Վերջնախաղ

Շատ խաղացողներ ցանակնում են արդյունավետ ձևով պարապել և ժամանակ խնայել։ Այստեղ դու ունես 2 տարբերակ․

Տարբերակ 1․ Կարող ես անձնական մարզիչ վարձել՝ մի ժամի համար 50$ վճարելով և հետևել իր խորհուրդներին՝ միևնույն ժամանակ շատ ժամանակ խնայելով։

Տարբերակ 2․ Կարող ես գրանցվել մեր կայքում առաջարկվող դասընթացներին, որոնք հեշտ ընկալելի են և որոնց շնորհիվ դու և՛ գումար կխնայես, և՛ ժամանակ։

 

Խնդիր 3․ Նրանք չգիտեն՝ ինչպես սովորել

   Հաջորդ մեծ խնդիրը, որ կանգնում է շախմատիստների առջև այն է, որ նրանք չգիտեն՝ ինչպես պարապել։ Իրականում չկան գրքեր, որոնք քեզ կսովորեցնեն ինչպես սովորել։ Շախմատային գրականության մեծ մասը կոնկրետ թեմայի է վերաբերում․ որևէ սկզբնախաղ, պարտիաների հավաքածու, վերջնախաղեր և այլն։ Այս գրքերը շախմատային գիտելիք են տալիս առանց բացատրելու, թե ինչպես այն կարող է կիրառվել քո սեփական պարտիաներում։ Շատ շախմատային գրքեր շփոթեցնող են այն իմաստով, որ կարդացողը չի հասկանա, թե ինչպես ինքը կարող է այդ որոշակի գիտելիքը օգտագործել պարտիայում հաղթանակ տանելու համար։ Շախմատիստը կարող է պարտիան սովորել շատ շփոթեցնող տարբերակներով և բաց թողնի ամենակարևոր միտքը, ինչը հեղինակը ցանկանում էր ասել։ Սա շատ տարածված է մեր օրերում։

   Եկեք մի պարզ օրինակ քննարկենք։ Եթե ցանկանում ես սովորել, թե ինչպես խաղալ վերջնախաղեր, ուղղակի ձեռնարկը կարդալը բավական չէ։ Այն կարդալով՝ դու որոշակի գաղափար կունենաս, թե ինչպես խաղալ որոշ վերջնախաղեր։ Բայց եթե դու չունես պրակտիկ փորձ, հավանականությունը շատ քիչ է, որ  կկարողանաս այս վերջնախաղը խաղալ իրական պարտիայում։

   Դու չես կարող լողալ սովորել՝ ուղղակի ձեռնարկ կարդալով։ Քեզ պետք է մտնել ջուրը և փորձել լողալ։

   Պարապելուդ մեջ միշտ ներառիր պրակտիկ մաս։




Նմանատիպ դասեր