Չնայած զինվորներն իրար այնքան են նման, կարծես երկվորյակներ լինեն, բայց իրականում նրանք շատ տարբեր են։ Զինվորները սիրում են միմյանց օգնել՝ ստեղծելով զինվորային ստրուկտուրա։

 

Ինչ է իրենից ներկայացնում զինվորային ստրուկտուրան

Զինվորային ստրուկտուրան ցանկացած բանակի կմախքն է․ այն և՛ հիմքն է, և՛ շարժվելու միջոցը, և՛ պաշտպանողական կառույցը, և՛ հարձակվողական զենքը։ Պարտիա խաղալիս չի կարելի մոռանալ զինվորների մասին։ Եթե դու առավելության չհասնես պարտիայի կեսին, ապա ֆիգուրների փոխանակումից հետո կստացվի վերջնախաղ, իսկ վերջնախաղի արդյունքը կախված է զորքի հետևակից։ Չի կարելի թույլ տալ, որ խաղի ավարտին ստեղծվեն <<կղզիացած>>, մեկուսացած, կրկնապատկված, եռապատկված և հետամնաց զինվորներ։

Խոսենք թույլ և ուժեղ զինվորների մասին

​

Անցողիկ զինվոր

Անցողիկ զինվորները (b6, e6, d4 զինվորները) այն զինվորներն են, ովքեր իրենց դիմացի և հարևան ուղղահայացներում  չունեն հակառակորդի զինվոր։ Անցողիկ զինվորը, որպես կանոն, տալիս է առավելություն, քանի որ հակառակորդի ֆիգուրներին կենտրոնացնում է իր վրա։ Սակայն իր ընկերներից հեռու լինելու պատճառով անցողիկ զինվորը կարող է հեշտությամբ զոհվել։

 

Հեռավոր անցողիկ զինվոր

е6 զինվորը համարվում է հեռավոր անցողիկ զինվոր (Արքայի համեմատ)։ Նա իր բոլոր անցողիկ զինվոր ընկերներից ամենաուժեղն է, քանի որ հակառակորդի Արքան ուրիշ թևում է, իսկ ինքը՝ մյուս, հետևաբար Արքան չի հասցնի մտնել զինվորի քառակուսին ու խանգարել նրան։ Իսկ ահա b6 և d4 զինվորներին չի կարելի առաջ շարժվել առանց օգնության, քանի որ նրանք կարող են հայտնվել Արքայի ճիրաններում։

 

Պաշտպանված անցողիկ զինվոր

Պաշտպանված անցողիկ զինվորը (b6 զինվորը) նույնպես ուժեղ է։ Նրան հնարավոր չէ ոչնչացնել առանց կորուստների։ Զինվորը կանգնած է՝ պաշտպանված իր ընկերուհու՝ а5 զինվորի կողմից և երբեք չի վախենում։ Հակառակորդի ուժեղ ֆիգուրները ստիպված են լինում հսկել նրան։ Պաշտպանված անցողիկ զինվորը ընտրում է ամենահարմար պահը, որպեսզի նետվի առաջ։

 

Շրջափակված զինվոր

Շրջափակված զինվորը (а5 զինվորը) այն զինվորն է, որի ընթացքը կասեցնում է նրա դեմ դիմաց կանգնած հակառակորդի ֆիգուրը։ Զինվորը ցանկանում է շարժվել, փորձեք հնարավորինս շուտ բացել նրա ճանապարհը։

 

Մեկուսացած զինվոր

Մեկուսացած զինվորը (е6 զինվորը) այն զինվորն է, որը հարևան ուղղահայացների վրա չունի ընկեր զինվորներ։ Կախված զինվորի դիրքից՝ կարող է լինել ուժեղ, եթե անցողիկ է, կարող է լինել նաև թույլ, եթե շրջափակված է կամ խոցելի հակառակորդի հարձակման համար։

 

Կախված զինվորներ

<<Կախված>> զինվորները (c4, d4 զինվորնեը) երկու իրար կապված զինվորներն են մի հորիզոնականի վրա, որոնք պաշտպանված չեն այլ զինվորնեի կողմից։ <<Կախված>> զինվորները ցանկանում են, որ իրենց միշտ պաշտպանեն, բայց կարող են նաև դառնալ հարձակման համար ահարկու զենք։ Նրանց դեմ մարտը կայանում է նրանում, որպեսզի կանգնեցնել հետագա առաջընթացը և հարձակվել մնացած զինվորի վրա։ <<Կախված>> զինվորներ սովորաբար դառնում են c և d զինվորները։

 

 

Հետամնաց զինվոր

Հետամնաց է այն զինվորը (b2 զինվորը), որը չի կարող իր զինվորի կողքին կանգնել, քանի որ այդ դաշտը կամ զբաղված է, կամ հարվածի տակ է։ Անհրաժեշտ է հեռացնել զինվորի ընթացքը խոչընդոտողներին և նրան վերադարձել իր հիմնական ուժը։

 

Ինչ է զինվորային շղթան

Զինվորային շղթան (f5, g6, h7 զինվորները) կազմված է նույն գույնի միմյանց պաշտպանող զինվորներից՝ դասավորված անկյունագծով։ Զինվորային շղթան կարող է լինել շարժական և դառնալ արդյունավետ միջոց հարձակման համար։ Բայց այն կարող է շրջափակված լինել հակառակորդի զինվորների կողմից։ Զինվորային շղթայի վրա հարձակումը իրականացվում է ընդդեմ իր հիմքի։

 

Ինչ են Զինվորային կղզիները

Մենք չենք հաշվի բոլոր զինվորները, որ կան պատկերված խաղատախտակում։ Եթե նրանք <<կղզիներ>> են, ապա նրանց միջև պետք է լինեն նեղուցներ։ Սևերն ու սպիտակներն ունեն 3 խումբ զինվորներ։ Նրանց միջև նեղուց-ուղղահայներն են։ Այդ իսկ պատճառով կղզիները երեքն են։ Ինչքան շատ են կղզիները, այնքան շատ են հարձակման համար օբյեկտները։ Կրկնապատկված (եռապատկված) զինվորները (а4, а5 զինվորները)։ Նրանք նույն գույնի զինվորներն են՝ տեղակայված մի ուղղահայացի վրա։ Հանդիսանում են թուլություն՝ հատկապես վերջնախաղում։ Ճիշտ է, կենտրոնում գտնվող կրկնապատկված զինվորները կարող են նրան ուժեղացնել։

 

Ինչ է զինվորային ֆալանգան

Պարտիայի սկզբում ութ զինվորները հակառակորդին մոտենալ չեն թողնում, քանի որ բոլոր դաշտերը հարվածի տակ են։ g3 և h3 զինվորները հսկում են f4, g4, h4 դաշտերը և չեն թողնում մոտենալ Արքային։

 

Մի փոքր զինվորների մասին

Սովորաբար շատ սկսնակ շախմատիստներ անտեսում են զինվորների դերը շախմատային պարտիայում։ Բայց զինվորների դերը հսկայական է։ Ֆրանսիացի շախմատիստ Ֆիլիդորն ասել է․ <<Զինվորը շախմատի հոգին է>>։ Ոչ պակաս հայտնի գերմանացի Տարրաշը հաստատել է․ <<Ոչնչով չի կարելի այնպես ուժեղ և անուղղելի ձևով փչացնել սեփական դիրքը, ինչպես զինվորային քայլերով>>։

• ← Նախորդ
• Հաջորդ →

---

Նմանատիպ դասեր

• Շախմատային նավակ
• Ինչպե՞ս հաշվել շախմատային տակտիկաները
• Մատ երկու փղով
• Ինչպես գրանցել շախմատային պարտիան
• Շախմատային փիղ
• Քառակուսաձև մատ նավակով