Գծային մատ նավակով
Գծային մատ նավակով
Նավակը ավելի թույլ է, քան Թագուհին, և միայնակ գրեթե չի կարող հեռացնել հակառակորդի Արքային, քանի որ սևերի Արքան հարձակվում է սպիտակ նավակի վրա և ուզում է հեռու վանել վերջինիս։ Նավակը չի կարող իր նպատակին հասնել առանց իր Արքայի օգնության։ Արքան ստիպված է դառնալ <<օգնական>> իր նավակի համար և <<պահակ>> հակառակորդի Արքայի համար։ Ֆիգուրները պետք է գործեն համախմբված, ըստ հստակ պլանի։
Մատը գծային է և պլանի սկզբնական մասում դժվարություններ չեն ծագի։ Հիշիր թե ինչից է պետք սկսել։
Շախմատային պլան․ ինչպես մատ անել նավակով
Ա․ Ընտրենք խաղադաշտի անկյունը։ Ինչպես միշտ ամենահարմարը 8-րդ հորիզոնականն է։
Բ․ Հեռացրեք հակառակորդի Արքային
Գ․ մոտեցրեք Արքային
Միայն Արքայի՝ նավակին օգնելու պարագայում է հնարավոր հակառակորդի Արքային հեռացնել վերջին հորիզոնական։ Մեր Արքան պետք է այնպես մոտենա, որ իր և իր հակառակորդ Արքայի միջև հանգիստ կարողանա տեղաշարժվել նավակը։ Պատկերված խաղատախտակում ցույց է տրված, թե ինչպես են սպիտակներն իրագործում պլանի առաջին երեք կետերը։ Այժմ սպիտակները սկսում են իրենց Արքային ուղարկել նավակին օգնության։ Քանի դեռ Արքան չի մոտեցել նավակին, հնարավոր չէ հակառակորդին հեռացնել հաջորդ հորիզոնական։
- նh1 – h5 Աe6 – f6
- Աe1 – e2 Աf6 – g6
Ուշադրություն․ հակառակորդի Արքան հարձակվել է նավակի վրա, բայց նավակը 5-րդ հորիզոնականի վրա պահակ է աշխատում։
Դ․ Նավակին հեռացնելը մեր պլանի կարևորագույն մասերից մեկն է։ Նավակը մեկ այլ կիսաթև է տեղափոխվում՝ չկորցնելով 5-րդ հորիզոնականի վրա իր հսկողությունը։ Մինչդեռ Արքան կրկին կհարձակվի նավակի վրա, մենք կմոտեցնենք մեր Արքային։
3. նh5 – a5 Աg6 – f6
4. Աe2 – e3 Աf6 – e6
Պարտիայի մեջ կարևոր մի պահ․ հիշեք, թե ինչպես Արքայի վրա հարձակվեց Թագուհին։
5. Աe3 – d4 Աe6 – f6
Արքաների դիրքը միմյանց նկատմամբ նմանվում է ձիու քայլին, իսկ նավակը մնում է Արքայի թիկունքում։
Ե․ Արքան՝ ձի, արքան՝ պահակ։ Ինչի՞ հասավ նա։
Նախևառաջ նա հսկողության տակ վերցրեց 5-րդ հորիզոնականի երեք դաշտ։ Այժմ եթե սևերի Արքան շարունակի շարժվել դեպի սպիտակ նավակը, ապա նա ուղղակի կմղվի 7-րդ հորիզոնական – 5. . . . Աe6–d6? 6. նа5 – a6+։ Սևերին ոչինչ չի մնում անել բացի հետ գնալուց։ Սպիտակ Արքան հետևում է նրան մինչև խաղատախտակի անկյունը։
6. Աd4 – e4 Աf6 – g6
Սևերի Արքան փախչում է, իսկ սպիտակներինը՝ նրա հետևից։
7. Աе4 – f4 Աg6 – h6
8. Աf4 – g4 . . .
Այլևս փախչելու տեղ չկա։ Անհրաժեշտ է դուրս գալ անկյունից։ Սևերի Արքան այլևս փախչել չի կարող․ խաղատախտակը վերջացավ և նա ստիպված է գնալ հաջորդ հորիզոնական կամ դուրս գալ սպիտակների Արքայի հետ հանդիպման։ Հենց դրան էլ սպասում էր սպիտակների Արքան։
Զ․ Նայեք խաղատախտակին։ Արքան վերածվեց պահակի։
8. . . . Աh6 – g6
Եվ այսպես, սպիտակների մոտ "ուղիղ ընդդիմություն" է, այսինքն Արքան հակառակորդի Արքայի ուղիղ դիմացն է։
Սպիտակ Արքան հսկում է 5-րդ հորիզոնականի երեք դաշտ՝ f5, g5, h5։ Նավակը որպես պահակ այլևս անհրաժեշտ չէ, քանի որ նրա գործը կատարում է Արքան։ Նավակին կարելի է ազատել պահակի պարտավորություններից։ Քանի որ Արքան պահում է 5-րդ հորիզոնականը, ապա նավակը հեռացնում է Արքային 6-րդ հորիզոնականից։
9. նа5 – а6+ Աg6 – f7
Այժմ կրկնենք մեր պլանի 3-6 կետերը․
Մոտեցնում ենք Արքայի՝ 10. Աg4 – g5 Աf7 – e7
Ձիանման ընդդիմություն՝ 11. Աg5 – f5 Աe7 – d7
Նորից հետապնդում՝ 12. Աf5 – e5 Աd7 – c7
13. Աe5 – d5 Աc7 – b7
Հեռացնում ենք նավակին՝ 14. նa6 – g6 Աb7 – c7
Խաղատախտակին ձիանման ընդդիմություն է՝ Արքաների շատ հարմար դիրք։ Քայլն է, սակայն քայլ անելու ցանկություն չկա։
7․ Քայլի փոխանցում․ նավակի միջանկյալ քայլ։ Ուշադրություն դարձրու, որ սպիտակ նավակը մտադրված կերպով կանգնել էր հորիզոնականի ոչ թե ամենավերջին դաշտում, այլ՝ մի վանդակ հետ։ Սա անհրաժեշտ է, որպեսզիի քայլը փոխանցենք սևերին և միևնույն ժամանակ պահպանենք Արքաների ձիանման ընդդիմությունը։
Քայլի փոխանցում․ 15. նg6 – h6 Աc7 – b7
Նորից հետապնդում․16. Աd5 – c5 Աb7 – a7
17. Աc5–b5 Աa7–b7 18. նh6–h7+ Աb7–c8
19. Աb5–b6 Աc8–d8 20. Աb6–c6 Աd8–e8
21. Աc6–d6 Աe8–f8 22. Աd6–e6 Աf8–g8
23. նh6–b6 Աg8–f8 24. նb6–a6 Աf8–g8
25. Աe6–f6 Աg8–h8
26. Աf6–g6 Աh8–g8
Նորից ուղիղ ընդդիմություն․
27. նa6 – a8#
Հնարավորինս արագ։8-րդ քայլի ժամանակ անցում կատարիր 2-րդ կետին՝ հեռացնել Արքային ուղղահայաց ուղղությամբ․
8. նа5 – g5!
Այժմ խնդրի լուծումն առավել կարճ կդառնա։
