Շամատային կոմբինացիաներ։ Կրկնակի հարված
Շամատային կոմբինացիաներ։ Կրկնակի հարված
Այսօր մենք կխոսենք շախմատային կոմբինացիաների մասին։ Հակառակորդի նկատմամբ հաղթանակի հասնելու համար բավարար չէ միայն ֆիգուրներ շարժելը։ Անհրաժեշտ է իմանալ և կարողանալ գործածել տարբեր շախմատային հնարքներ, որոնք կօգնեն հակառակորդին արագ մատ հայտարարել, հասնել մեծ նյութական և դիրքային առավելության։
Շախմատային կոմբինացիաներ
Ի՞նչ ասել է շախմատային կոմբինացիաներ։ Դրանք խաղադաշտում մարտական գործողություններն են, որոնք տանում են դեպի հաղթանակ։ Հաճախ կոմբինացիաներն ուղեկցվում են ֆիգուրի զոհաբերությամբ։ Շատ հաճախ կոմբինացիաներում հանդիպում է կրկնակի հարվածը։
Շախմատային կրկնակի հարված
Ծանոթանանք այս հնարքի հետ։ Պարտիայի ժամանակ դու անընդհատ քո ֆիգուրներով հարձակվում ես հակառակորդի ֆիգուրների վրա։ Ֆիգուրները կարող են հարվածից հեռանալ։ Բայց առավել վտանգավոր է, երբ դու միաժամանակ հարձակվում ես երկու կամ ավելի ֆիգուրների վրա։ Մարտի պատճառով կարող է հեռանալ միայն ֆիգուրներից մեկը, իսկ մյուսը զոհվում է։ Ցանկացած ֆիգուր կարող է կատարել միաժամանակյա հարձակում երկու և ավելի ֆիգուրների վրա։
Կրկնակի հարված է կոչվում ֆիգուրի հարձակումը հակառակորդի երկու ֆիգուրների վրա
Երբեմն հարձակման երկրորդ օբյեկտ է հանդիսանում ոչ թե ֆիգուր, այլ սպառնացող ինչ-որ վտանգ։ Պատկերված խաղատախտակում սպիտակները և սևերը զուգորդում են ֆիգուրի վրա հարձակումը մատի վտանգի հետ։ Հատկապես արդյունավետ է կրկնակի հարվածը, եթե հարձակման օբյեկտներից մեկը Արքան է։
Կրկնակի հարվածի նպատակը կարող է լինել ուղղակի այն դաշտը, որի վրա հարձակում է գործում ֆիգուրը։ Սևերի ձին հարձակվել է ձիու վրա և մատ է սպառնում (d1 դաշտը)։
Կրկնակի հարվածը, որը կատարում է զինվորը կամ ձին, կոչվում է <<պատառաքաղ>>։
Գեղեցիկ կոմբինացիա է իրականացնում գրոսմայստեր Սիմագինը ընդդեմ Տոլուշի։ Նա զոհաբերում է Թագուհուն՝ Արքային հրապուրելով և տանելով g1 և կատարում է կրկնակի հարձակում ձիով (<<պատառաքաղ>>)։
1. ... Թd4–g1+!!
2. Աf1:g1 ձf4:e2+!
3. Աg1–f2 ձe2:c1
Հաղթանակը սևերինն է։
Թվում է, թե սպիտակների վիճակը շատ վատ է, քանի որ նրանց մատ է սպառնում։
Չի կարելի Արքայով չգնալ։
1. а7 – а8Թ Թе7 : с7#;
1. с7 – с8Թ Թе7 : а7#;
1. Աb8 – а8 Թе7 – е8+
2. с7 – с8Թ Թе8 : с8#
Բայց սպիտակները կարողացան հաղցթանակի հասնել՝ զինվորը ձի դարձնելով։
1. c7 – c8ձ+ Աb6 – c5
2. ձc8 : e7 Աc5 – d6
3. a7 – a8Թ
Սևերն ունեն հսկայական առավելություն։ Բայց սպիտակները կրկնակի հարված են կատարում։
1. c4–c5+ Աd6:c5
2. ձc3–a4+ Աc5–b5
3. ձa4:b6
Սևերին փրկում է Թագուհով վերցնելը։
1. . . . Թb6 : c5
2. ձc3 – e4+ Աd6 – d5
3. ձe4 : c5
Սպիտակները հասան հաղթանակած զինվորային վերջնախաղի։ Նկատենք, որ ձիով կրկնակի հարվածը հնարավոր դարձավ այն բանից հետո, երբ սպիտակ զինվորը տարավ սևերի գլխավոր ֆիգուրներին անհրաժեշտ դաշտերը։
Կրկնակի հարվածը հատկապես արդյունավետ է, երբ հարձակման օբյեկտը հանդիսանում է Արքան։
Գրոսմայստեր Կրոգիուսը Սերգիևսկիի հետ պարտիայում անսպասելի խաղաց
1. ձe5 – g6!! . . .
Ձին կանգնում է եռակի հարվածի տակ, սպիտակները բացում են իրենց Թագուհուն։ Իրականում սա կրկնակի հարված է։ Սպիտակ ձին հարձակվեց նավակի վրա, իսկ Թագուհին՝ Թագուհու։
1․. . . Թd5:f5 սպիտակները կատարում են կրկնակի հարված
2․ ձg6 : e7+ Աg8 – h8
3․ձe7 : f5
Սպիտակների Արքային լավ չէ առաջին հորիզոնականում գտնվելը։ Իսկ մինչ սևերի Արքային հասնելը դժվար է, քանի որ թևը ապահով պաշտպանված է։
Սպիտակները իրականացնում են կոմբինացիա ձիու և Թագուհու զոհաբերմամբ։
1. նc2 – c8+ նf8 : c8
2. Թb6 – a7+! Աb8 : a7
3. b7 : c8ձ+! Աa7 – b7 թույլ փոխակերպում!
4. ձc8 : e7 Աb7 – c7
5. ձe7 – g6
Գեղեցիկ էտյուդ աշխարհի երկրորդ չեմպիոն Էմմանուել Լասկերի կատարմամբ։
