Շախմատային ձի - ChessSchool

Շախմատային ձի

Շախմատային ձի

 

Այսօր մենք կծանոթանանք երեխաների սիրած խաղաքարի հետ: Խոսքը գնում է ձիու մասին:Հնարավոր է, որ դու գիտես, թե ինչպես է նա քայլում: Մեր նպատակն է ավելի լավ ծանոթացնել քեզ նրա հնարավորությունների հետ:

Հայտնի է, որ ձին քայլում է ռուսերեն «Г» տառի պես: Սակայն պետք է ուշադիր լինել,որ այդ տառը շատ "չմեծանա":

 

Այդ պատճառով մենք այսպես կսովորենք: Սկսենք սպիտակ ձիուց: Սկզբում երկու քայլ առաջ(կամ հետ),հետո 1 քայլ կողք: նա կարող է գնալ 2 քայլ առաջ,մեկ կողք (ձախ) ու հայտնվել d7 դաշտում, իսկ եթե  գնա աջ ,ապա՝  f7: Ձին կարող է նաև գնալ 2 դաշտ կողք ու 1 առաջ(կամ էլ հետ):

 

Կատարենք մի վարժություն: Տախտակի վրա նշված են "ծաղիկներ":Դու պետք է ձիով քայլես այդ նշված վանդակներով: Նշենք բոլոր այն վանդակները, որտեղ պետք է հայտնվի մեր ձին:Ձе5 – f7, g6,g4, f3, d3, c4, c6, d7.:

Իսկ հիմա մեկ ուրիշ վարժություն: а1 դաշտում ապրող սպիտակ ձին ցանկանում է ''հյուր գնալ''  h8-ում գտնվող սև ձիու մոտ: Ահա այսպես է նրա ճանապարհը  ձa1 – b3 : с5 – d7 – e5 – f7 : h8 :Ճանապարհին կարող ես հարվածել   с5 զինվորին, իսկ վերջում սպանել սև ձիուն: Փորձենք կատարել հակառակ խնդիրը սպիտակ ձիով: ձh8 – g6 – h4 – g2 – e3 – c2: a1: Ձիու ճանապարհորդությունը հաճախ վերջանում էր g7, g8, h7 դաշտերում,որտեղից անկյուն հնարավոր չեր ընկնել:

Իսկ հիմա մեկ այլ վարժություն կատարենք: Այս խնդիրների նպատակն է ձիով հասնել տախտակի ծայրերին:

Ձс6-ի համար:

1. ձc6 – a7 2. ձa7 – c8

3. ձc8 – b6 4. ձb6 – a8

Ձg7-ի համար

1. ձg7 – e6 2. ձe6 – f8 3. ձf8– g6 4. ձg6 – h8

Ձa2-համար

1. ձa2 – c1 2. ձc1 – b3 3. ձb3– a1

Ձg1-համար

1. ձg1 – h3 2. ձh3 – f2 3. ձf2– h1

Եթե ուշադիր նայես,ապա կնկատես,որ եթե ձին կանգնած է սպիտակ դաշտում,նրա հաջորդ քայլը անպայման կլինի սև դաշտի վրա: Իսկ եթե սև դաշտում է,ապա մյուս քայլը պարտադիր սպիտակին կլինի: Ստուգիր Ինքդ:

Խաղի ժամանակ ձին կարող է հարվածել միայն այն խաղաքարերին,որոնք գտնվում են նրա քայլերին համապատասխան վանդակներում:

մի քանի խորհուրդ սկսնակներին՝

  1.  Խաղատախտակի վրա քայլիր ձիով
  2. Եթե տանը կա քառակուսիներով հատակ ,փորձիր ինքդ ձիու քայլերը կատարել
  3. Տախտակի մի անկյունից գնա մյուսը մի քանի անգամ
  4. Տախտակի վրա դիր մի քանի զինվոր  ու հարվածիր նրանց ձիով
  5. Տետրի մեջ նկարիր  8x8  չափի քառակուսի: Քայլեր կատարիր ձիով,այդ քայլերից հետո նշիր դաշտերը, որտեղ եղել ես և փորձիր այդ դաշտերում չքայլել: Այսինքն փորձիր քայլել բոլոր դաշտերով մեկ անգամ:

 

 

 

 

 

 




Նմանատիպ դասեր