Ինչպես սկսել շախմատային պարտիան - ChessSchool

Ինչպես սկսել շախմատային պարտիան

Ինչպես սկսել շախմատային պարտիան

Այսօր, ի վերջո, դու կսկսես կյանքումդ առաջին շախմատային մարտը։

Արի նախապատրաստենք խաղատախտակը։

Հիշիր՝ ֆիգուրները պետք է հանել և դասավորել ուշադրությամբ, այլ ոչ թե դատարկել սեղանի վրա։ Հակառակ դեպքում՝ նրանք բոլորը կարճ ժամանակում կկոտրվեն և կկորեն։

դաս 10-1 նկար

Ֆիգուրները դասավորենք մարտի դաշտում՝ խաղատախտակի վրա։ Առաջին հորիզոնականը պետք է դասավորել նրա մոտ, ով խաղալու է սպիտակ խաղաքարերով։

Նավակներով կառուցիր պաշտպանական ամրոցներ՝ նրանց դնելով խաղատախտակի անկյուններում (սպիտակ նավակները a1 և h1, իսկ սև նավակները՝ а8 и h8 դաշտերում)։

Նավակների կողքին դնում ենք ձիերին (սպիտակներին՝ b1, g1, իսկ սևերին՝ b8, g8 դաշտերում), Այնուհետև՝ փղերին (սպիտակներին՝c1, f1, սևերին՝c8, f8 դաշտերում)։ Երկրորդ հորիզոնականում (սևերի համար՝ յոթերորդ) շարում ենք զինվորներին։ Թող զինվորները համերաշխ շարքով պաշտպանեն Թագավորությունը։ Մնացին երկու ազատ դաշտ՝ Նորին Մեծության համար։ Ինչպե՞ս հիշել՝ ում որտեղ դնել։ Գոյություն ունի մի կանոն, որը Ձեզ կօգնի այստեղ։

Թագուհին սիրում է իր գույնը։ Սպիտակ Թագուհին պետք է դնել սպիտակ վանդակի (d1), իսկ սև Թագուհին՝ սև վանդակի վրա (d8)։

Այժմ նայենք մեր մարտի դաշտին։ Կիսենք խաղադաշտը, որպեսզի ավելի հեշտ լինի կառավարել այն։ Առաջին չորս հորիզոնականները սպիտակների տարածքն է, իսկ մնացած չորսը՝ սևերինը։ Սպիտակ Թագուհուց ձախ ընկած տարածքը համարվում է թագուհու թև, իսկ Արքայից աջ ընկածը՝ արքայական թև։ d4, d5, е4, е5 դաշտերը կոչվում են Կենտրոն։

Ինչի՞ց սկսել։ Ամենակարճ ժամանակում քեզ անհրաժեշտ է մոբիլիզացնել ուժերդ, զորքին բերել հարձակման համար ամենահարմար դիրքի, զինվորների օգնությամբ ստեղծել անհասանելի խրամատներ, հասցնել հուսալի ձևով պաշտպանել Արքային և անցկացնել հետախուզություն մարտով։

Պարտիայի այս փուլը կոչվում է սկզբնախաղ (դեբյուտ)։

Կենտրոնը կարելի է համեմատել բարձունքի հետ։ Ով տնօրինում է բարձունքը, նա ունի մեծ առավելություն։ Փորձիր այնպես անել, որ ֆիգուրներդ հենց պարտիայի սկզբում գրավեն կենտրոնը։ Այդտեղից նրանց համար հեշտ կլինի տեսադաշտում պահել խաղադաշտը։ Նրանք կկարողանան և՛ հարձակման անցնել, և՛ հասնել Արքային օգնության։

դաս 10-2 նկար

1. е2 – е4 

Ի՞նչ ասեցին սպիտակները․
 

  1. Նրանք պատերազմ հայտարարեցին։
  2. Գրավեցին կարևոր կենտրոնական դաշտը՝ e4-ը։
  3. Սպիտակ զինվորը սպառնում է իր հաջորդ քայլով անցնել սահմանը՝ խաղատախտակի մեջտեղով և հայտնվել հակառակորդի տարածքում։
  4. Նրանք հսկողության տակ են պահում d5 և f5 դաշտերը։
  5. Նրանք բացել են Արքայի և փղի ճանապարհը։

 

Քեզ համար կարևոր է ոչ միայն մեխանիկորեն խաղի մեջ մտցնել ֆիգուրները, այլև անել քայլեր՝ հասկանալով դրանց իմաստը ։  Այդ իսկ պատճառով, առաջին քայլերը կանենք միասին՝ բացատրելով յուրաքանչյուր քայլը։

  1. . . . e7 – e5

(Պարտիան գրանցելիս սևերի քայլը նույնպես նշում են «1» թվի տակ, սակայն «. . .»-ից հետո )։

Սևերն իրենց առաջին քայլին․

  1. Տվեցին իրենց համաձայնությունը՝ սկսել ռազմական գործողություններ։
  2. Գրավել են կենտրոնական դաշտերից մեկը, հսկողության տակ են պահում d4 և f4 դաշտերը։
  3. Իրենց Թագուհու և փղի համար ճանապարհ են բացել։
  4. Խանգարում են սպիտակների ներխուժմանը։

դաս 10-3 նկար

  1. Kg1 – f3 . . . 

Սպիտակներն իրենց երկրորդ քայլին

  1. Խաղի մեջ են մտցրել ձիուն։
  2.  Ձին հարձակվեց հակառակորդի զինվորի վրա։ Վաղուց հայտնի է, որ լավագույն պաշտպանությունը հարձակումն է։
  3. Ձին հսկողության տակ է պահում կենտրոնական d4 և e5 դաշտերը։
  4.  Արգելափակում են Թագուհու՝ g5 և h4 դաշտերում գտնվելը։
  5. Հետագայում ձին կարող է օգնել իր d2 զինվորին պայքարել d4 կենտրոնական դաշտի համար։

2. . Ձb8–c6 3. Փf1–c4 Փf8–c5 4. Ձb1–c3 Ձg8–f6 5. d2–d3 d7–d6 6. Ձc1–g5 Ձc8–g4

դաս 10-4 նկար

Մեր պարտիայում արվել է վեց քայլ։ Այդ ընթացքում և՛ սևերը, և՛ սպիտակները խաղի մեջ են մտցրել իրենց բոլոր թեթև խաղաքարերը։ Նկատենք, որ ձիերն իրենց գլուխը շրջել են դեպի կենտրոն, իսկ փղերը կապել են ձիերին։ Բոլոր ֆիգուրները հաջողությամբ տեղակայված են շախմատային խաղադաշտի կենտրոնի շուրջ։ Բոլոր ֆիգուրները պաշտպանված են և պատրաստ անցնելու հարձակման։ Բայց նախ և առաջ հոգ տանենք Նորին Մեծության մասին։




Նմանատիպ դասեր