Շախմատային տախտակ
Շախմատային տախտակ
Առաջարկում եմ քեզ ավելի մոտ ծանոթանալ շախմատային տախտակին։
8 շարք գնում է ձախից աջ: Այդ շարքերը նշանակված են թվերով և կոչվում են հորիզոնականներ: Վստահ եմ՝ դու տեսել ես, թե ինչպես է արևը մայր մտնում։ Այդ դեպքում ասում են, որ արևը անցնում է հորիզոնից:
Դաշտերի սյունակները, որոնք բարձրանում են ներքևից վերև ,անվանում են ուղղահայացներ: Դրանք նման են ծառերի, որոնք աճում են նույն կերպ: Ուղղահայացները նշանակվում են լատինական տառերով:
Որպեսզի ավելի լավ հիշես այս ամենը, համեմատիր նրանց բնության և կենցաղի հետ: Օրինակ ուղղահայացները նման են ծառերի կամ բարձր շենքերի: Իսկ հորիզոնականները՝ ճանապարհների ու ռելսերի:
Շախմատային տախտակի սև կամ սպիտակ վանդակները կարելի է կապել մի շեղ գծով: Այդ գծերը կոչվում են անկյունագծեր: Վերջիններս լինում են սև և սպիտակ և ունեն տարբեր երկարություններ: Տախտակի մի անկյունից մյուսը ձգվող անկյունագիծը կոչվում է գլխավոր անկյունագիծ:
Անկյունագծերում վանդակները կապվում են անկյուններով:
Վանդակների անվանումը շախմատային տախտակի վրա
Ամեն վանդակ ունի իր անվանումը: Այն իմանալու համար մենք կօգտվենք թվերից և տառերից, որոնք նշված են տախտակի եզրագծերին: Եթե դու չգիտես տառերը,պետք է անպայման սովորես ու հստակ իմանաս:
a b c d e f g h
ՈՒշադրություն դարձրու "նման" տառերին:
b d
"b" և "d" տառերը նման են, և շատ դեպքերում փոքրիկ շախմատիստները սխալ են դնում ուղղահայաց գծիկը:Սակայն ուշադիր լինելու դեպքում խնդիրներ չեն ծագի: Պետք է ուշադիր լինես, որ տախտակի տառերը փոքրատառ լինեն,այդպես դու չես խառնվի:
A B C D E F G H -ի փոխարեն a b c d e f g h
Շախմատային տառերը ընդամենը 8-են: Դրանք հեշտ է սովորել:
a – ա
b – բե
c – ցե
d – դե
e – ե
f – էֆ
g – ժե
h – հաշ
Ինչպես իմանալ վանդակի անվանու՞մը: Մեր ընտրած վանդակով տանենք ուղղահայաց և հորիզոնական գծեր:Այդ գծերը կհասնեն տախտակի ծայրերին, որտեղ կան թվանշաններ ու տառեր: Սկզբում կասենք տառը,այնուհետև թիվը: Օրինակ՝ c4, e6: Ավելի լավ հասկանալու համար թվենք գլխավոր անկյունագծի վանդակները՝ սկսած ներքևի ձախ անկյունից՝ a1, b2, c3, d4, e5, f6, g7, h8, իսկ վերևի սպիտակ անկյունագիծը կլինի a8, b7, c6, d5, e4, f3, g2, h1.:
Պետք է հիշես գրելու հետևյալ հերթականությունը: Սկզբում խաղաքարի անունը, հետո տառը, վերջում էլ թիվը: Խաղաքար, տառ, թիվ: Օրինակ նավակը կանգնած է е2 վրա, կամ փիղը c5 դաշտում է:
Այսօր այսքանը․․․
