Շախմատային խաղի ընթացքում բավականին հաճախ տեղի են ունենում անհամապատասխան փոխանակություններ, որոնց արդյունքում նյութական մոտավոր արժեքները փոխհատուցվում են այլ տիպի խաղաքարերի միջոցով։ Դրա արդյունքում դիրքի բնույթը ամբողջովին փոխվում է։ Այսօր կդիտարկենք այն դեպքը, երբ թեթև խաղաքարի դիմաց առկա է 3 զինվորի փոխհատուցում։ 

Կոկարյով-Նայեր

Առաջին դիրքն առաջացել է Սիցիլիական պաշտպանության Նայդորֆի տարբերակում տեղի ունեցած զոհաբերության արդյունքում։ Սպիտակներն ունեն 3 զինվոր փղի դիմաց։ Նրանց զինվորները վտանգավոր չեն, քանի որ առաջ չեն շարժվել և սպառնալիքներ չեն առաջացրել սևերի համար, սակայն այստեղ պետք է հաշվի առնել նաև դիրքի մյուս գործոնները։ Սևերի արքան գտնվում է անբարենպաստ դիրքում, իսկ f8-ի նավակը բավականին պասիվ է։ Այս բոլոր գործոններն օգտագործելով սպիտակները մշակում են համապատասխան մարտավարություն։   

Դամյանովիչ-Նևեդնիչի

Եվս մեկ դիրք, որն առաջացել է Սիցիլիական պաշտպանությունում իրականացրած զոհաբերությունից։ Բայց այս դիրքն արդեն ավելի բարենպաստ է սևերի համար մի քանի պատճառներով։ Նախ, թագուհիներն արդեն փոխանակված են, երկրորդ՝ սպիտակների թագուհու թևի զինվորները պաշտպանված չեն։ Սպիտակները պետք է զգուշանան e4 զինվորի թուլությունից։ Ամեն դեպքում պետք չէ թերագնահատել նաև 3 կապակցված զինվորների ուժը։ Հաշվի առնելով այս ամենը, կարելի է եզրակացնել, որ դիրքը հավասար է։ 

• ← Նախորդ
• Հաջորդ →

---

Նմանատիպ դասեր

• Ի՞նչ է գաղտնաբառը
• Պատային դիրքեր
• Կենտրոնական զինվորների տիպիկ կառուցվածքներ․ Բաց կենտրոն
• Զոհաբերություններ հանուն զինվորի փոխարկման
• Կենտրոնական զինվորների տիպիկ կառուցվածքներ. Ռույ Լոպեսի փակ կենտրոն
• Ադոլֆ Անդերսենի «անմահ» պարտիան