Ժամանակը (տեմպը) շախմատում բավականին կարևոր գործոն է։ Սա ակնհայտ երևում է աշխարհահռչակ գրոսմայստերների խաղերում․ սպիտակներով խաղալիս` նրանք փորձում են հասնել առավելության, մինչդեռ սևերով խաղալիս բավարարվում են հավասարությամբ։ Եվ այս ամենը մեկ տեմպի պատճառով, որն ունեն սպիտակները՝ առաջինը քայլ կատարելով։
Մեկ տեմպը կարող է փոխել խաղի արդյունքը։ Այդ պատճառով հարձակվելիս պետք է ինչքան հնարավոր է խուսափել ժամանակ կորցնելուց, այլապես դա հնարավորություն կտա հակառակորդին ստեղծել պաշտպանողական հնարավորություններ։ Հաճախ սա նշանակում է, որ հարկավոր է մոռանալ նյութական արժեքների մասին և միայն կենտրոնանալ հարձակման վրա: Այլ կերպ ասած՝ խաղալ ինչքան հնարավոր է ագրեսիվ։ Սակայն պետք է պատրաստ լինել, որ այսպիսի մարտավարության սխալ լինելու դեպքում դուք կկորցնեք ամեն ինչ։ Սա, բնականաբար, թույլ նյարդերով մարդկանց համար չէ։
Այժմ դիտարկենք նման ագրեսիվ խաղի մի օրինակ։ Իվանչուկ-Յուսուպով խաղում սևերին հարկավոր էր հասնել հաղթանակի, և Յուսուպովը մի կողմ է թողնում զգուշավորությունն ու նյութական ակտիվները։ Չնայած, որ նրա խաղը ամբողջովին ճշգրիտ չէ, նա պարգևատրվում է խիզախության համար։
Մի քանի խնդիր, որոնք ևս կապված են տեմպի հետ։
Եթե քայլը լիներ սևերինը, նրանք կխաղային e6 և կարճ փոխատեղում իրականացնելուց որևէ խնդիր չէին ունենա։ Ինչպե՞ս կարող են սպիտակները կանխել դա։
Սևերը վերջին քայլով թագուհին տեղադրել են d2-ում, որպեսզի Նh4-ին հ6-ը պաշտպանված լինի։ Սակայն սպիտակներն այլ պլաններ ունեին։ Ի՞նչ քայլ կատարեցին նրանք։
Այս դիրքում թվում է, թե սևերի միակ քայլը Թb5-ն է, ինչից հետո սպիտակները որոշակի ժամանակ են շահում պաշտպանություն ձեռնարկելու համար։ Սակայն սևերը կարող են օգտվել սպիտակների արքայի անբարենպաստ դիրքից։ Ինչպե՞ս։
Կարող եք Ձեր պատասխանները նշել մեկնաբանություններում։