Խաղի ընթացքում խաղացողների հիմնական նպատակը հակառակորդի արքային մատ հայտարարելն է։ Այդ նպատակին հասնելու համար նրանք պետք է լավագույն կերպով օգտագործեն իրենց խաղաքարերը։ Սակայն պատահում է, որ որոշ խաղաքարեր տեղակայվում են սխալ դաշտերում, որտեղից չեն մասնակցում բուն խաղին։ Նման դեպքերում հակառակորդը պետք է խաղը շարունակի դաշտի հակառակ կողմում՝ ընդգծելով խաղաքարի՝ դիրքին ոչ համապատասխան դասավորվածությունը։ Թեկուզ մեկ սխալ տեղակայված խաղաքարը կարող է պարտության պատճառ հանդիսանալ։
Առաջին օրինակում Մալախատկո-Օվեչկին խաղի ընթացքում սևերի սխալ մարտավարության պատճառով ձին հայտնվում է a5 դաշտում, որտեղից չի մասնակցում արքայական թևում ընթացող խաղին։ Մանրամասները՝ ստորև։
Առավել հաճախ խաղից դուրս իրավիճակում հայտնվում են ձիերը, սակայն հաջորդ օրինակում՝ Գրիշչուկ-Գելֆանդ խաղի ընթացքում նման բախտի է արժանանում փիղը։
Այս օրինակներում մի խաղաքարի սխալ դիրքավորումը բերեց ամբողջ խաղի կործանմանը։ Այդ պատճառով հարկավոր է հետևել խաղաքարերի համագործակցությանը և դրանք տեղադրել դիրքին համապատասխան։