Տիպիկ զոհաբերություններ միջնախաղում` զույգ փղերի զոհաբերություն
Տիպիկ զոհաբերություններ միջնախաղում` զույգ փղերի զոհաբերություն
Խոսելով միջնախաղային տիպիկ զոհաբերությունների մասին` այսօր մասնավորապես կքննարկենք զույգ փղերի զոհաբերության թեման: Այն սկսվում է փղի դասական զոհաբերությամբ h7 (h2) դաշտում, սակայն, մյուս փիղը ևս զոհաբերելով g7 (g2) դաշտում, կարող է որոշիչ լինել արքայի անվտանգության համար:
Սակայն, այս զոհաբերությունից օգուտ քաղելու համար անհրաժեշտ է լավ հաշվարկային հմտություններ և դիրքի մի քանի առանձնահատկությունների լավ գիտակցում: Այս զոհաբերությունը հայտնի է նաև Լասկերի զոհաբերություն անվանմամբ, քանի որ նրա շնորհիվ այն հայտնի դարձավ Յոհան Նաուերի դեմ խաղի ժամանակ 1889-ին Ամստերդամում: Նախքան կներկայացնենք ընտրված օրինակները, եկե՛ք այժմ տեսնենք, թե որոնք են այն առանձնահատկությունները զույգ փղերի զոհաբերության ժամանակ:
* Արքայի անվտանգությունը: Սա ցանկացած հարձակման ամենակարևոր գործոնն է, բայց հատկապես այս դեպքում, g7 և h7 (g2 և h2) զինվորները պետք է խոցելի լինեն, ինչը նշանակում է, որ արքան պետք է լինի դրանք պաշտպանող միակ խաղաքարը:
* Խաղաքարերի համակարգում: Սա, իհարկե, շատ կարևոր է, երբ հարձակում ենք սկսում արքայի դեմ: Սակայն, երբ պլանավորում եք կատարել զույգ փղերի զոհաբերություն, պետք է համոզված լինեք, որ ձեր թագուհին կարող է հասնել h5 (h4) դաշտեր կամ ընդհանուր վերցրած h ուղղաձիգ, կամ որ նավակներից մեկը կարող է հեշտությամբ հասնել արքայական թև: Սա զոհաբերության հիմնական գաղափարն է` մատ հայտարարել արքային g և h ուղղաձիգերի վրա` օգտագործելով թագուհուն և նավակներից մեկին:
* Հակառակորդի խաղաքարերը չպետք է կարողանան պաշտպանություն ստեղծել արքայի շուրջ:
* Համոզվա՛ծ եղեք, որ հակառակորդի արքան չի կարող փախչել g և h ուղղաձիգերից: Սա մատային ծուղակ է:
Կարևոր է գիտակցել, որ փոխատեղված դիրքի թուլությունը ժամանակավոր բնույթ է կրում: Հետևաբար, անհրաժեշտ է ճիշտ պահին օգուտ քաղել դրանից, հակառակ դեպքում, այն կանհետանա: Այժմ եկե՛ք ուշադրություն դարձնենք մի քանի ժամանակակից օրինակների վրա, որտեղ ի հայտ են գալիս այս մարտավարական մտքերը:
Քայլը սպիտակներինն է
Վերը ներկայացված տրամագրում կարելի է տեսնել սիցիլիական պաշտպանության տիպիկ դիրք. սպիտակների խաղաքարերը սպառնալից դասավորություն ունեն` ուղղված սևերի փոխատեղված արքայի դեմ: Սևերը անուշադիր քայլ են անում` 14...Nd7?, և հանկարծակի հայտնվում խնդրի առջև 15.Nd5! քայլից հետո, որին հաջորդում է երկու փղերի զոհաբերությունը:
Քայլը սպիտակներինն է
Սուտովսկու այս խաղում առկա է Լասկերի զոհաբերության մարտավարական միտքը: Սպիտակների համար հեշտ էր հաղթական հարձակում իրագործել, քանի որ սևերի խաղաքարերը դասավորված էին թագուհու թևում` շատ հեռու արքայից:
Քայլը սևերինն է
Ինչպես արդեն նշել ենք, հակառակորդի փոխատեղված դիրքի թուլությունը ժամանակավոր բնույթ է կրում, և պետք է նախաձեռնություն վերցնել, երբ մոտենում է ճիշտ պահը: Եվ ահա, սպիտակների կողմից սովորական գրավումից հետո c5 դաշտում, սևերը ժամանակ չեն կորցնում` հետ բերելու զինվորին: Փոխարենը, նա անմիջապես դիմում է Լասկերի զոհաբերությանը` ձեռք բերելով հաղթական դիրք:
Քայլը սևերինն է
Այս վերջին օրինակում կարելի է մի նրբություն նկատել զոհաբերության հետ կապված. ոչ միշտ է անհրաժեշտ դիմել երկրորդ զոհաբերությանը g7 / g2 դաշտում, այլ պետք է հաշվի առնել Փf6 / Փf3` հակառակորդի արքայի ելքը արգելափակելու համար:
