Խաղաքարերի համագործակցությունը
Խաղաքարերի համագործակցությունը
Շախմատային խաղը հիմնված է խաղաքարերի համագործակցության վրա։ Թե հարձակման, թե պաշտպանության մեջ կարևոր է պահպանել ներդաշնակությունը։ Բավականին շատ խաղացողներ հաշվի չեն առնում դրա կարևորությունը և ոչ կապակցված խաղ սկսում տարբեր կետերում, ինչը, բնականաբար, հաջողությամբ չի ավարտվում։ Խաղի ամբողջ ընթացքում պարտադիր է ստեղծել համաձայնեցված համագործակցություն խաղաքարերի միջև։
Կենտրոնացնելով մի քանի խաղաքար մեկ նպատակակետի՝ ստեղծվում է հզոր հարձակում, որին ավելի դժվար է դիմակայել, քան ընդամենը մի խաղաքարի հարձակման դեպքում։
Ինչպես նշում էր Լասկերը՝ խաղաքարերը նյութական արժեքներից բացի ունեն նաև կոորդինացված գործողությունների արժեք, ինչն ավելի շատ է գնահատվում շախմատում։
Դիտարկենք մի քանի օրինակ այս ամենն ավելի պարզ հասկանալու համար։
Տրամագիր 1
Տրամագիր 1-ում սևերն ունեն մեկ զինվորի առավելություն, սակայն նրանց զինվորները ոչ մի կերպ չեն համագործակցում միմյանց հետ։ Մինչդեռ սպիտակների երկու զինվորը, գերազանց համագործակցելով, ստեղծում են պաշտպանություն և թույլ չեն տալիս սևերի արքային մոտենալ և վերցնել իրենց։
Տրամագիր 2
Տրամագիր 2-ում սևերն ունեն մեծ նյութական առավելություն՝ թագուհու դիմաց փիղ, սակայն սպիտակ խաղաքարերը գերազանց համագործակցում են, և 1․․․Փe5 քայլից հետո պարզ է դառնում, որ խաղը ոչ-ոքի է։ Սև խաղաքարերից կարող է գործել միայն թագուհին, այն էլ չի կարող վերցնել g5 զինվորը՝ փորձելով ազատել սեփական խաղաքարերը, քանի որ կհետևի Ձf7+ և սպիտակները կրկնակի հարվածով կշահեն թագուհին։ Այսպիսով՝ սևերը չեն կարողանում մյուս խաղաքարերը խաղի մեջ մտցնել, իսկ միայնակ թագուհին չի կարող մատ հայտարարել սպիտակների արքային։
Տրամագիր 3
Տրամագիր 3-ում սպիտակները կարող են հաղթել, եթե կարողանան արքայով և նավակով միաժամանակ հարձակվել զինվորի վրա։ Եթե անուշադրության մատնել այս դիրքը և խաղալ 1.Աd6?, սևերը 1․․․Աc4! փակում են սպիտակ արքայի ճանապարհը դեպի զինվորը և հասնում ոչ-ոքիի։ Ահա, թե ինչպես է պետք կազմակերպել արքայի և նավակի համագործակցությունը։
Տրամագիր 4
Այս դիրքում սև զինվորներից առնվազն մեկը փոխարկվելու է թագուհու։ Սպիտակները կարող են փրկվել միայն, եթե ստեղծեն ներդաշնակ համագործակցություն նավակների միջև։
Ինչպես նկատեցիք, խաղաքարերի լավ համագործակցությունը կարող է նաև օգնել փրկել ոչ բարենպաստ դիրքը։ Այդ պատճառով արժե ուշադրություն դարձնել խաղաքարերի ներդաշնակությանը և դրանք տեղակայել այնպես, որպեսզի նրանք լրացնեն և օգնեն միմյանց որոշակի նպատակի հասնելու ճանապարհին։
