Պաշտպանություն. Լավ պաշտպանության անհրաժեշտությունը
Պաշտպանություն. Լավ պաշտպանության անհրաժեշտությունը
Շախմատ խաղացողների մեծ մասի համար ավելի դժվար է գտնել պաշտպանության ձևեր, քան հարձակվողական տարբերակներ։ Այդ պատճառով հարձակվողական մարտավարություններն ավելի հաճախ են հաջողությամբ պսակվում, անգամ եթե նրանք սխալ են լինում։
Ահա, թե ինչու չի կարելի արհամարհել պաշտպանողական մարտավարությունների ուսումնասիրման կարևորությունը։ Լավ պաշտպանվողական խաղացողին կհաջողվի հասնել ոչ-ոքիի կամ նույնիսկ հաղթել պարտված դիրքերը։ Մեր օրինակը դրա վառ ապացույցն է։
Տվյալ դիրքում սպիտակները նյութապես
զիջում են սևերին՝ նրանք որակ և զինվոր են
պակաս, այդ պատճառով փորձում են
վերջին հուսահատ հարվածն իրականացնել։
Այժմ եկեք հասկանանք սևերի սխալի պատճառը։ Դրանք կարող են լինել մի քանիսը․
- Չափից շատ ինքնավստահություն։ Սևերը հասել էին որոշակի առավելության և արդեն կարծում էին, որ սպիտակների ոչ մի քայլ այլևս չի կարող վտանգավոր լինել իրենց համար։
- Ժլատություն։ Սևերը չկարողացան բաց թողնել թագուհին վերցնելու և մեծ նյութական առավելության հասնելու հնարավորությունը։
- Ժամանակի խնդիր։ Հնարավոր է՝ սևերը քիչ ժամանակ ունեին և չնկատեցին 4.Փс1 քայլը, որն այդքան էլ ակնհայտ քայլ չէ։
- Խուճապ։ Սևերը կարող էին նկատել սպառնալիքը, սակայն, խուճապի մատնվելով՝ չկարողանային կենտրոնանալ և գտնել ճիշտ պաշտպանությունը։
Դուք նույնպես կարող եք հիշել բազմաթիվ դեպքեր Ձեր խաղերից, երբ պարտություն եք կրել այս գործոններից որևէ մեկի պատճառով։ Կարևոր է գիտակցել, որ հոգեբանությունը պաշտպանության մեջ նույնքան կարևոր է, որքան տեխնիկական գործոնները, օրինակ՝ ուշադրությունը սպառնալիքների նկատմամբ։ Եթե չսովորեք կառավարել Ձեր զգացմունքները, նրանք թույլ չեն տա խաղի ընթացքում ճիշտ և ռացիոնալ որոշումներ կայացնել, և արդեն խաղի արդյունքը կդառնա պատահականության հետևանք։ Այս դեպքում արժե խուսափել պատահականություններից և ինքնուրույն որոշել խաղի ընթացքն ու արդյունքը։
