Անշուշտ գիտեք, որ Հայաստանը համարվում է շախմատային գերտերություն և շախմատն՝ իբրև մշակութային ժառանգություն, մշտապես ուշադրության կենտրոնում է մեր երկրում։ Շախմատի ազգային ավանդույթների պահպանման նպատակով այն, արդեն մի քանի տարի է, համարվում է պարտադիր ուսուցման առարկա դպրոցներում։
Լավ կլիներ չէ՞, եթե Ձեր երեխան էլ լիներ այդ գերտերության մի մասնիկն ու շախմատային մշակույթի կրողը։ Բայց իհարկե, պարզից էլ պարզ է, որ եթե մի բան չսիրես, ոչնչի չես հասնի։ Բացառություն չէ նաև շախմատը։ Խաղ, սպորտ, արվեստ՝ մի ամբողջ կյանք։ Իսկ շախմատում հաջողություններ գրանցելու համար անհրաժեշտ է մաքսիմալ ուշադրություն դասերին և աշխատասիրություն։ Իհա՛րկե կօգնենք նաև մենք։
Ինչպե՞ս են ChessSchool-ի վիդեոդասերը բարձրացնում ուսուցման արդյունավետությունը։
Կոտրելով վախը «չեմ կարող, դժվար է»-ի հանդեպ՝ երեխան կկարողանա հաղթահարել ցանկացած դժվարություն։ Եթե հասկանա, ուրեմն կկարողանա։ Եթե կարողանում են մյուսները, կկարողանա նաև նա։ Պարզապես նվիրվել է պետք։ Վիդեոդասերը հեռու են պաշտոնական տոնից։ Առկա է ազատ, հանգիստ խոսք, որը հարազատ միջավայրի տպավորություն է ստեղծում։
Մեր վիդեոդասերը պատրաստելիս՝ առաջնորդվել ենք մի շատ պարզ սկզբմունքով՝ բացատրել այնպես, որ չհասկանալու մասին խոսք անգամ չլինի։ Նպատակ ենք ունեցել օգնել սիրել շախմատը, նվիրվել նրան, և, գուցե, ապագայում ընտրել որպես մասնագիտություն։ Գիտելիքներ և մասնագիտություն ձեռք բերելու հարցում սիրելը սկսվում է հասկանալուց։ Չէ՞ որ, եթե գլուխ չես հանում, չես էլ սիրի։ Ուրեմն օգնեք Ձեր երեխաներին գեղեցիկ աչքերով նայել այս հրաշք խաղին։
Վիդեոդասերը կարող եք ձեռք բերել այստեղ` վստահ լինելով, որ հավելյալ գրականության և պարապմունքների կարիք այլևս չի լինի։ Մաղթում ենք հաճելի դասապատրաստումներ։