Շարունակում ենք ուսումնասիրել շախմատային տարածված սխալները։ Այս անգամ կխոսենք այն դեպքերի մասին, երբ հաղթող կողմն ընկնում է հակառակորդի ծուղակը՝ տարվելով արագ հաղթանակի հնարավորություններով։ Շատ հաճախ բացթողումները բավականին հասարակ տակտիկական հնարքներ են պարունակում, որոնք այլ պայմաններում հեշտությամբ կնկատեինք։ Սակայն խաղի ընթացքում հոգեբանական գործոնը դրդում է նման սխալների, քանի որ արագ հաղթանակի հասնելու ձգտումը կուրացնում է խաղացողներին։
Առաջին օրինակը Գոսլինգ-Ռուդդ պարտիայից է։ Այստեղ դիրքը նյութապես հավասար է, սակայն ակնհայտ է, որ սևերի դիրքը բավականին անբարենպաստ է։ Նրանց արքան թույլ է, իսկ a8-ի նավակը չի մասնակցում խաղին։ Բարեհաջող դիրքում է գտնվում միայն հ8-ի նավակը։ Սակայն նրանք դեռ չեն կարող թագուհուն հ ուղղաձիգ բերել և օգտագործելով տվյալ ռեսուրսը՝ մատային սպառնալիք ստեղծել, քանի որ սպիտակների սպառնալիքներն ավելի արագ են։ Նրանք ունեն վտանգավոր e6 սպառնալիք։ Սպիտակները պետք է հեշտությամբ հաղթեին այստեղ, սակայն դեպքերն այլ զարգացում ստացան։
Հաջորդ օրինակում փորձառու գրոսմայստեր Լի Չաոն ընկնում է գրոսմայստեր Բու Քսիանժիի լարած ծուղակը։ Սպիտակները, ունենալով բավականին լավ հնարավորություններ, շտապում են հասնել նյութական առավելության՝ չնկատելով սևերի պատասխան հնարավորությունները։
Հուսով եմ այս օրինակներին ծանոթանալուց հետո այլևս չեք շտապի օգտվել հակառակորդի բացթողումներից՝ առանց խորը հաշվարկների, և կխուսափեք ծուղակներից։