Այս անգամ ուսումնասիրում ենք կենտրոնական զինվորների կառուցվածքի ևս մեկ բավականին պարզ տարբերակ։ Կրկին կարող է թվալ, որ նման սիմետրիկ զինվորային կառուցվածքը զուրկ է ճնշումից, սակայն այստեղ կան ավելի շատ ստրատեգիական հնարավորություններ, քան բաց կենտրոնի դեպքում։ Այստեղ նույնպես կարևորը ակտիվությունն է։
Առաջին օրինակում` Թոփալով-Գելֆանդ պարտիայում, սպիտակներին հաջողվում է դիրքային ճնշումը փոխարկել ավելի հաստատուն առավելության։
Երկրորդ օրինակում` Նայդիչ-Կրամնիկ պարտիան ցույց է տալիս, որ բաց e ուղղաձիգով դիրքերում սևերը նույնպես հնարավորություն ունեն խաղալու առավելության համար։ Այս խաղում սպիտակները փորձում էին խաղ սկսել թագուհու թևում, սակայն անուշադրության էին մատնել արքայական թևում զարգացող վտանգը։