Շախմատային տարածված սխալներ. խաղաքարերի տեղափոխում դեպի սահմանափակ քայլերով դաշտեր
Շախմատային տարածված սխալներ. խաղաքարերի տեղափոխում դեպի սահմանափակ քայլերով դաշտեր
Ինչպես գիտենք, խաղաքարերը լավագույնս գործում են, երբ ունեն քայլերի բազում հնարավորություններ։ Բայց լինում են դեպքեր, երբ փորձելով ակտիվացնել որևէ խաղաքարի՝ նրան տեղափոխում ենք վտանգավոր դիրք, որտեղից այն ունի սահմանափակ քանակի քայլեր։
Ռազվալիև-Կոլիկշտեյն
Ռազվալիև-Կոլիկշտեյն պարտիայում առաջած դիրքում սևերը հրաժարվեցին 1․․․Փb4 քայլից, փոխարենը փորձեցին թագուհուն տեղափոխել ակտիվ դաշտ, որտեղից այն, նրանց կարծիքով, թեթև խաղաքարերի հետ գրոհ կսկսեր, եթե սպիտակները փոխատեղում իրականցնեին։ Արդյունքում թագուհին հայտնվեց այնպիսի դաշտում, որտեղից ուներ փախուստի սահմանափակ դաշտեր։ Այդ փաստն էլ օգտագործեցին սպիտակները՝ նյութական առավելության հասնելու համար։
Այսպիսով, խաղաքարերին որևէ դաշտ տեղափոխելիս՝ մի մոռացեք նրանց հետագա հնարավորությունների մասին։ Մի կենտրոնացեք միայն բնական շարունակությունների վրա, քանի որ հակառակորդը կարող է մեր դիտարկած պարտիայի պես անակնկալ քայլ կատարել և օգտվել խաղաքարի սահմանափակված դիրքից։
