Բազմաթիվ տարածված սկզբնախաղեր հանգեցնում են անհավասարակշռված զինվորային կառուցվածքների։ Ֆրանսիական պաշտպանությունում, որի քայլերը հետևյալն են՝ 1. e4 e6 2. d4 d5 3. Ձc3 Փb4 4. e5 c5 5. a3 Փxc3+ 6. bxc3, սևերը զիջում են կարևոր սևադաշտ փիղը՝ սպիտակների զինվորային կառուցվածքը խախտելու համար։ Այստեղ ընթանում է երկկողմանի ակտիվ խաղ․ սպիտակները փորձում են օգտագործել սև դաշտերի թուլությունը և խաղ ձեռնարկել արքայական թևում, մինչդեռ սևերը փորձում են ճնշում գործադրել կրկնապատկված թույլ զինվորների վրա։ Խաղի ընթացքը կախված է սպիտակների սևադաշտ փղի ակտիվությունից։ Եթե սպիտակներին հաջողվի փղին խաղի մեջ մտցնել, ապա սևերը լուրջ խնդիրներ կունենան։ Նակամուրա-Շուլման պարտիայի ժամանակ սպիտակները պայքարում էին փիղն ակտիվացնելու համար, սակայն այդ ընթացքում սևերը սկսեցին վտանգավոր հարձակում սպիտակների արքայի վրա։ ։
Հաջորդ օրինակում Սուտովսկի-Դյաչկով պարտիայում սևերը համարձակորեն բացեցին a3-f8 անկյունագիծը՝ հույս ունենալով շահել սպիտակների փիղը, սակայն այդպես միայն ավելի բարենպաստ հնարավորություններ ստեղծեցին սպիտակների համար։