Շախմատային տարածված սխալներ. Սպառնալիքների գերագնահատում - ChessSchool

Շախմատային տարածված սխալներ. Սպառնալիքների գերագնահատում

Շախմատային տարածված սխալներ. Սպառնալիքների գերագնահատում

Արդեն ուսումնասիրեցինք որոշ դեպքեր, երբ խաղացողները թերագնահատել էին հակառակորդի սպառնալիքները, այժմ կուսումնասիրենք դեպքեր, երբ տեղի է ունենում հակառակը՝ սեփական սպառնալիքների գերագնահատում։ Որոշ խաղացողներ շատ են սիրում զոհաբերություններ իրականացնել և կորցնում են զգոնությունը, երբ գեղեցիկ խաղի հնարավորություն են նկատում։ Այս ոճի խաղացողները հակված են մի քանի տիպիկ սխալների։ Առաջին դեպքում նրանք, ունենալով շատ ուժեղ հարձակում, որով կարող էին քայլ առ քայլ հասնել հաղթանակի, կորցնում են գլուխը և սկսում են զոհաբերություններ իրականացնել՝ առանց հետևանքները ճիշտ հաշվարկելու։ Նույնիսկ ուժեղ շախմատիստները կարող են ժամանակ առ ժամանակ ընկնել այսպիսի թակարդի մեջ։

Եկեք դիտենք, թե ինչպես Սպիլմանը թույլ տվեց այդպիսի սխալ Նիմցովիչի հետ խաղի ժամանակ։ 

Մյուս տիպի սխալի դեպքում խաղացողները սկսում են հարձակում, երբ դիրքն այլ բան է պահանջում։ Մեր օրինակում Վիդմարն ուներ ավելի բարենպաստ դիրք, սակայն խաղը հանդարտ շարունակելու փոխարեն նա սկսեց առաջ մղել արքայական թևի զինվորները։ Տվյալ դիրքի էությունը հուշում էր, որ նման մարտավարությունը հաջողություն չի բերի, և հենց այդպես էլ եղավ․ սևերը շուտով վերցրին նախաձեռնությունը։

Այսպիսով տեսանք, որ սպառնալիքների գերագնահատումը, ինչպես թերագնահատումը, կարող է հանգեցնել շատ վատ հետևանքների։ Պետք չէ ընկնել գեղեցկության հետևից և բաց թողնել հասարակ հաղթանակները։ Պարզությունը նույնպես գեղեցկություն է պարունակում, քանի որ այն պահանջում է համբերություն և տեխնիկական պատրաստվածություն հաջողության հասնելու համար։ 




Նմանատիպ դասեր